ନୂଆଦିଲ୍ଲୀ: ଇନ୍ଦୋରରେ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି। ରାଷ୍ଟ୍ରିୟ ସ୍ଵୟଂ ସେବାକ ସଂଗଠନର ଦ୍ୱିତୀୟ ସରସଂଘଚାଳକ ସ୍ଵ. ମାଧବ ଗୋଲୱାଲକରଙ୍କ ବିଷୟରେ ଟୁଇଟ୍ କରିଥିବାରୁ ଏଫ୍ଆଇଆର୍ ପଞ୍ଜିକୃତ ହୋଇଛି। ଆଡଭୋକେଟ୍ ରାଜେଶ ଯୋଶୀ ଗତକାଲି ବିଳମ୍ବିତ ରାତିରେ ତୁକୋଗଞ୍ଜ ପୋଲିସ ଷ୍ଟେସନରେ ଅଭିଯୋଗ କରିଥିଲେ। ଓକିଲଙ୍କ ଅଭିଯୋଗ ଅନୁଯାୟୀ, ଗୋଲୱାଲକରଙ୍କୁ ସୋସିଆଲ ମିଡିଆରେ ଦିଆଯାଇଥିବା ପୋଷ୍ଟରେ ଦଲିତ ବିରୋଧୀ ଏବଂ ମୁସଲମାନ ବିରୋଧୀ ବୋଲି ବର୍ଣ୍ଣନା କରାଯାଇଥିଲା, ଯାହାକି ମିଥ୍ୟା ଅଟେ।
ଏହା ଥିଲା ଡିଜିଭାଇ ସିଂଙ୍କ ଟ୍ୱିଟ୍
ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ ତାଙ୍କ ସୋସିଆଲ ମିଡିଆ ଆକାଉଣ୍ଟ ଟ୍ୱିଟରରେ ରାଷ୍ଟ୍ରିୟ ସ୍ଵୟଂ ସେବକ ସଂଗଠନର ଦ୍ୱିତୀୟ ସାରସଂଘଚାଳକଙ୍କ ମାଧବରାଓ ସଦାଶିବରାଓ ଗୋଲୱାଲକରଙ୍କ ଛବି ସହିତ ଏକ ବିବାଦୀୟ ପୋଷ୍ଟ କରିଥିଲେ। ଇନ୍ଦୋରରେ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି। ଇନ୍ଦୋରର ତୁକୋଗଞ୍ଜ ପୋଲିସ ଷ୍ଟେସନରେ ଏଫଆଇଆର ପଞ୍ଜିକୃତ ହୋଇଛି। ଆଡଭୋକେଟ୍ ରାଜେଶ ଯୋଶୀ ଦିଗବିଜୟ ସିଂଙ୍କ ବିରୋଧରେ ଏହି ଅଭିଯୋଗ କରିଛନ୍ତି। ରାଜେଶ ଯୋଶୀ ଏହି ଘଟଣାରେ ପୋଲିସ ନିକଟରେ ଅଭିଯୋଗ କରି ରାଷ୍ଟ୍ରିୟ ସ୍ଵୟଂ ସେବକ ସଂଗଠନର ଭାବମୂର୍ତ୍ତିକୁ ଖରାପ କରି ଧାର୍ମିକ ଭାବନା ନଷ୍ଟ କରୁଥିବା ଅଭିଯୋଗ କରିଛନ୍ତି।