ଜାକର୍ତ୍ତା: ଇଣ୍ଡୋନେସିଆରେ ଏକ ବିମାନ ନିଖୋଜ ହୋଇଥିବା ସୂଚନା ମିଳୁଛି। ଇଣ୍ଡୋନେସିଆର ବୋଇଂ ୭୩୭-୫୦୦ କ୍ଲାସିକ ବିମାନ ନିଖୋଜ ହୋଇଥିବା ଖବର ମିଳୁଛି। ଏହି ବିମାନ ଜାକର୍ତ୍ତାରୁ ପୋଣ୍ଟିୟାନକକୁ ଯାତ୍ରା ଆରାମ୍ଭ କରିଥିଲା। ଜାକର୍ତ୍ତାରୁ ମାତ୍ର ୪ ମିନିଟ ଉଡ଼ାନ ଆରମ୍ଭ କରି ପ୍ରାୟ ୧୦ ହଜାର ଫୁଟ ଉଚ୍ଚତା ପରେ ଏହାର ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ୫୬ ଯାତ୍ରୀ ସହ ୬ ଜଣ କ୍ରୁ ସଦସ୍ୟ ବିମାନରେ ଯାତ୍ରା କରୁଥିଲେ। ଏହି ବିମାନ ୬:୩୭ ମିନିଟରେ ଉଡାନ ଆରମ୍ଭ କରି ୬:୪୦ ମିନିଟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ଏହି ବିମାନ ୨୬ ବର୍ଷ ପୁରୁଣା ଏବଂ ଏହା ୧୯୯୪ ମେ ମାସରେ ପ୍ରଥମ ଉଡାନ ଆରମ୍ଭ କରିଥିଲା।
