ନୂଆଦିଲ୍ଲୀ: “ଡିଜିଟାଲ ଆଡଭାନ୍ସଡ କମ୍ପାନୀ ଅଫ ଦି ଇୟର”, “ସଷ୍ଟେନବ୍ଲି ଗ୍ରୋଇଙ୍ଗ କର୍ପୋରେଟ ଅଫ ଦି ଇୟର”, “ଇନୋଭେଟର ଅଫ ଦି ଇୟର” ଏବଂ “ବେଷ୍ଟ ଷ୍ଟାର୍ଟଅପ୍ ଇନ ଦ ଏନର୍ଜି ସେକ୍ଟର” ସମେତ ୨୦ରୁ ଅଧିକ ପୁରସ୍କାର ବର୍ଗରେ ଉତ୍କର୍ଷତା, ଉଦ୍ଭାବନ ଏବଂ ନେତୃତ୍ୱକୁ ସମ୍ମାନିତ କରୁଥିବା ଏଫ୍ଆଇପିଆଇ ତୈଳ ଏବଂ ଗ୍ୟାସ ପୁରସ୍କାର ସମାରୋହକୁ ସମ୍ବୋଧିତ କରି ମନ୍ତ୍ରୀ ଏହା କହିଛନ୍ତି। ଉଭୟ ପୁରୁଷ ଓ ମହିଳା ବର୍ଗରେ ‘ୟଙ୍ଗ ଆଚିଭର୍ସ ଅଫ୍ ଦି ଇୟର’ ଭଳି ଉଲ୍ଲେଖନୀୟ ବ୍ୟକ୍ତିବିଶେଷଙ୍କୁ ମଧ୍ୟ ଏହି ପୁରସ୍କାର ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ଏବଂ ପର୍ଯ୍ୟଟନ ରାଷ୍ଟ୍ରମନ୍ତ୍ରୀ ସୁରେଶ ଗୋପୀ, ଏମଓପିଏନଜି ସଚିବ ପଙ୍କଜ ଜୈନ ଏବଂ ବିଭିନ୍ନ ତୈଳ/ ଗ୍ୟାସ ରାଷ୍ଟ୍ରାୟତ୍ତ ଉଦ୍ୟୋଗର ସିଏମଡିମାନେ ଉପସ୍ଥିତ ଥିଲେ।
ଶକ୍ତି କ୍ଷେତ୍ରରେ ଭାରତର ଅଗ୍ରଗତି ସମ୍ପର୍କରେ ଶ୍ରୀ ପୁରୀ କହିଥିଲେ ଯେ ତିନି ବର୍ଷର ରେଫରେନ୍ସ ଅବଧି ମଧ୍ୟରେ ତୈଳ ଦର ହ୍ରାସ ଭଳି ଗୁରୁତ୍ୱପୂର୍ଣ୍ଣ ଉପଲବ୍ଧିରେ ଏହା ସ୍ପଷ୍ଟ ହୋଇଛି ଏବଂ ଏହା ହାସଲ କରିବାରେ ଭାରତ ବିଶ୍ୱର ଏକମାତ୍ର ଦେଶ ହୋଇପାରିଛି । ଭାରତରେ ଏଲପିଜି ସିଲିଣ୍ଡର ମୂଲ୍ୟ ସମଗ୍ର ବିଶ୍ୱରେ ସର୍ବନିମ୍ନ, ପିଏମୟୁୱାଇ ପରିବାର ପାଇଁ ଦିନକୁ ୬ ଟଙ୍କା ଏବଂ ଅଣ-ପିଏମୟୁୱାଇ ପରିବାର ପାଇଁ ଦିନକୁ ୧୪ ଟଙ୍କା ପର୍ଯ୍ୟନ୍ତ ଖର୍ଚ୍ଚ ହେଉଛି । ୨୦୧୪ରେ ୨୧୫ ଏମଏମଟିପିଏ ଥିବା ବିଶୋଧନାଗାର କ୍ଷମତାକୁ ୨୦୨୪ରେ ୨୫୬.୮ ଏମଏମଟିପିଏକୁ ବୃଦ୍ଧି କରାଯିବା ସହ ୨୦୨୮ ସୁଦ୍ଧା ୩୧୦ ଏମଏମଟିପିଏ ଲକ୍ଷ୍ୟ ରଖାଯାଇଛି ବୋଲି ସେ ଉଲ୍ଲେଖ କରିଛନ୍ତି । ଏହାବ୍ୟତୀତ ଭାରତ ୨୦୩୦ ସୁଦ୍ଧା ଏହାର ଅନୁସନ୍ଧାନ କ୍ଷେତ୍ରକୁ ୧ ନିୟୁତ ବର୍ଗ କିଲୋମିଟରକୁ ବୃଦ୍ଧି କରିବା ଦିଗରେ ଗତି କରୁଛି ଏବଂ ୨୦୨୫ ସୁଦ୍ଧା ଏହା ୧୬% ବୃଦ୍ଧି ପାଇବ ବୋଲି ଆଶା କରାଯାଉଛି।
ପେଟ୍ରୋଲରେ ଇଥାନଲ ମିଶ୍ରଣ କୁ ୨୦୧୪ରେ ୧.୫୩% ରୁ ୨୦୨୪ରେ ୧୬% କୁ ବୃଦ୍ଧି କରିବାରେ ସରକାରଙ୍କ ସଫଳତା ଉପରେ ଶ୍ରୀ ପୁରୀ ଆଲୋକପାତ କରିଥିଲେ ଏବଂ ଆସନ୍ତା ବର୍ଷ ଏହା ୨୦% ରେ ପହଞ୍ଚିବାକୁ ଲକ୍ଷ୍ୟ ରଖାଯାଇଛି। ଏହି ଉପଲବ୍ଧି ବ୍ରାଜିଲ ପରେ ଜୈବ ଇନ୍ଧନ ମିଶ୍ରଣକ୍ଷେତ୍ରରେ ଭାରତକୁ ଦ୍ୱିତୀୟ ବୃହତ୍ତମ ଅର୍ଥନୀତି ରେ ପରିଣତ କରିଛି । ସିଟି ଗ୍ୟାସ ଡିଷ୍ଟ୍ରିବ୍ୟୁସନ (ସିଜିଡି) କଭରେଜର ସମ୍ପ୍ରସାରଣ ଉପରେ ମଧ୍ୟ ଗୁରୁତ୍ୱ ଦିଆଯାଇଥିଲା, ୨୦୨୪ରେ ୧୦୦% ସିଜିଡି ଅଞ୍ଚଳ କଭରେଜ୍ ଆଶା କରାଯାଉଥିଲା, ଯାହା ୨୦୧୪ରେ ମାତ୍ର ୫.୫% ଥିଲା।
ସରକାରୀ ପଦକ୍ଷେପ ଏବଂ ନିବେଶକଙ୍କ ଆତ୍ମବିଶ୍ୱାସ ଯୋଗୁଁ ଡିପଟେକ୍ ଷ୍ଟାର୍ଟ-ଅପ୍ ଗୁଡ଼ିକର ବୃଦ୍ଧି ସହିତ ଭାରତର ଶକ୍ତି କ୍ଷେତ୍ର ଦ୍ରୁତ ଗତିରେ ବିକଶିତ ହେଉଛି ବୋଲି ମନ୍ତ୍ରୀ ଉଲ୍ଲେଖ କରିଥିଲେ। ଭାରତୀୟ ଉଦ୍ୟୋଗୀମାନେ ଗତ ପାଞ୍ଚ ବର୍ଷ ମଧ୍ୟରେ ଡିପଟେକ୍ ରେ ୧,୪୦୦ରୁ ଅଧିକ ପେଟେଣ୍ଟ ଦାଖଲ କରିଛନ୍ତି ଏବଂ ଦେଶର ଷ୍ଟାର୍ଟଅପ୍ ଇକୋସିଷ୍ଟମ ବର୍ତ୍ତମାନ ୧ ଲକ୍ଷରୁ ଅଧିକ ଷ୍ଟାର୍ଟଅପ୍ ଏବଂ ପାଖାପାଖି ୧୨୦ ୟୁନିକର୍ନ ସହିତ ବିଶ୍ୱର ତୃତୀୟ ବୃହତ୍ତମ ସଂସ୍ଥା ଭାବରେ ସ୍ଥାନ ପାଇଛି।
ଏହି ଅବସରରେ ଶ୍ରୀ ପୁରୀ ଇଣ୍ଡିଆ ଏନର୍ଜି ୱିକ୍ (ଆଇଇଡବ୍ଲ୍ୟୁ) ୨୦୨୪ର ଦ୍ଵିତୀୟ ସଂସ୍କରଣକୁ ସଫଳ କରିଥିବାରୁ ସମସ୍ତ ଅଂଶଗ୍ରହଣକାରୀଙ୍କୁ ଅଭିନନ୍ଦନ ଜଣାଇଥିଲେ। ଏହି ଅବସରରେ ସେ ଘୋଷଣା କରିଛନ୍ତି ଯେ ଇଣ୍ଡିଆ ଏନର୍ଜି ୱିକ୍ (ଆଇଇଡବ୍ଲ୍ୟୁ) ୨୦୨୪-୨୫ର ପରବର୍ତ୍ତୀ ସଂସ୍କରଣ ଆସନ୍ତା ଫେବ୍ରୁଆରି ୧୧ରୁ ୧୪ ତାରିଖ ପର୍ଯ୍ୟନ୍ତ ନୂଆଦିଲ୍ଲୀର ଦ୍ୱାରକାସ୍ଥିତ ଯଶୋଭୂମିଠାରେ ଅନୁଷ୍ଠିତ ହେବ। ଶ୍ରୀ ପୁରୀ ଆଲୋକପାତ କରିଥିଲେ ଯେ ଆଇଇଡବ୍ଲୁ ଦ୍ରୁତ ଗତିରେ ଏକ ଗୁରୁତ୍ୱପୂର୍ଣ୍ଣ ବିଶ୍ୱ ଶକ୍ତି ପ୍ଲାଟଫର୍ମରେ ପରିଣତ ହୋଇଛି, ଯାହା ବ୍ୟବସାୟରେ ଲକ୍ଷ ଲକ୍ଷ ଡଲାର ଆକୃଷ୍ଟ କରିଛି ଏବଂ ବିଶ୍ୱବ୍ୟାପୀ ଶକ୍ତି ପେସାଦାରମାନଙ୍କ ପାଇଁ ନିଜକୁ ନୂତନ ମିଟିଂ ପଏଣ୍ଟ ଭାବରେ ପ୍ରତିଷ୍ଠିତ କରିଛି ।
ଭାରତର ଦ୍ରୁତ ଅର୍ଥନୈତିକ ଅଭିବୃଦ୍ଧି, ଉପଭୋକ୍ତା ଭିତ୍ତିଭୂମି ବୃଦ୍ଧି ଏବଂ ଅନୁକୂଳ ନିବେଶ ପରିବେଶ ଯୋଗୁଁ ମାତ୍ର ଦୁଇ ବର୍ଷ ମଧ୍ୟରେ ଭାରତୀୟ ଶକ୍ତି ସପ୍ତାହ ବିଶ୍ୱ ଶକ୍ତି କ୍ୟାଲେଣ୍ଡରରେ ନିଜର ସ୍ଥାନ ସୁଦୃଢ଼ କରିଛି। ଶ୍ରୀ ପୁରୀ ଦର୍ଶାଇଥିଲେ ଯେ ଭାରତର ଶକ୍ତି କ୍ଷେତ୍ର ଏହାର ଉଦ୍ଭାବନ ଏବଂ ସମ୍ଭାବନା ପାଇଁ କ୍ରମଶଃ ସ୍ୱୀକୃତି ପ୍ରାପ୍ତ ହେଉଛି ।
ଆଗାମୀ ଆଇଇଡବ୍ଲ୍ୟୁ ୨୦୨୫ର ମୁଖ୍ୟ ଆକର୍ଷଣ ବିଷୟରେ ମନ୍ତ୍ରୀ ଉଲ୍ଲେଖ କରିଥିଲେ ଯେ ଏଥିରେ ୭୦୦ରୁ ଅଧିକ ପ୍ରଦର୍ଶକ, ୧୦୫ ଟି ସମ୍ମିଳନୀ ଏବଂ ୭୦,୦୦୦ରୁ ଅଧିକ ପ୍ରତିନିଧିଙ୍କୁ ଆକୃଷ୍ଟ କରାଯିବ।୨୦୨୪ ସଂସ୍କରଣରେ ୬୦୦ରୁ ଅଧିକ ପ୍ରଦର୍ଶକ ଏବଂ ୪୫ଟି ରଣନୈତିକ ଓ ୪୬ଟି ବୈଷୟିକ ସମ୍ମିଳନୀ ଅଂଶଗ୍ରହଣ କରିଥିଲେ। ଆଇଇଡବ୍ଲ୍ୟୁ ୨୦୨୫ ମଧ୍ୟ ୧୦+ ଦେଶର ପ୍ୟାଭିଲିୟନ ଆୟୋଜନ ପାଇଁ ବିସ୍ତାର କରିବ, ଯାହା ଭାରତର ଶକ୍ତି ଇକୋସିଷ୍ଟମର ବିଶ୍ୱସ୍ତରୀୟ ମହତ୍ତ୍ୱକୁ ଆହୁରି ପ୍ରଦର୍ଶିତ କରିବ। ସେ ସମସ୍ତ ଅଂଶଗ୍ରହଣକାରୀଙ୍କୁ ଆହ୍ୱାନ ଦେଇଥିଲେ ଯେ ଆଇଇଡବ୍ଲୁ ୨୦୨୫କୁ କେବଳ ଏକ ସମ୍ମିଳନୀ ନୁହେଁ, ବରଂ ଏକ ସବୁଜ, ସ୍ମାର୍ଟ ଏବଂ ଅଧିକ ସହନଶୀଳ ଶକ୍ତି ଇକୋସିଷ୍ଟମ ସୃଷ୍ଟି କରିବା ଦିଗରେ ଏକ ଅଭିଯାନ ଭାବରେ ଗ୍ରହଣ କରନ୍ତୁ ।
ଶକ୍ତି ଆତ୍ମନିର୍ଭରଶୀଳତା ଦିଗରେ ଭାରତର ଅଗ୍ରଗତିକୁ ସୁଦୃଢ଼ କରୁଥିବା ଉଲ୍ଲେଖନୀୟ ଅବଦାନ ପାଇଁ ମନ୍ତ୍ରୀ ପୁରସ୍କାର ବିଜେତା ଏବଂ ମନୋନୀତ ବ୍ୟକ୍ତିମାନଙ୍କୁ ଅଭିନନ୍ଦନ ଜଣାଇଥିଲେ ।