ନୂଆଦିଲ୍ଲୀ: ଆଜି ସନ୍ଧ୍ୟାରେ ଦିଲ୍ଲୀରୁ ଭୁବନେଶ୍ୱର ଅଭିମୁଖେ ଆସୁଥିବା ବିମାନରେ ଯାନ୍ତ୍ରିକ ତ୍ରୁଟି ଦେଖାଦେଇଛି। ଯାହା ପରେ ଦିଲ୍ଲୀ ଆଇଜି ବିମାନ ବନ୍ଦରରେ ସମ୍ପୂର୍ଣ୍ଣ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି। ଡିଜିସିଏ କହିଛି ଯେ, ହାଇଡ୍ରୋଲିକ୍ ବିଫଳତା କାରଣରୁ ଦିଲ୍ଲୀରୁ ଭୁବନେଶ୍ୱର ଆସୁଥିବା ଏୟାର ବିସ୍ତାରା ୟୁକେ -781 ବିମାନ ପାଇଁ ସମ୍ପୂର୍ଣ୍ଣ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି।
ହାଇଡ୍ରୋଲିକ୍ ସିଷ୍ଟମ୍ ବିଫଳତା ହେତୁ ବିମାନଟି ଉଡ଼ାଣ ପରେ ଫେରିଆସିଥିଲା। ଏହି ଘଟଣା ସନ୍ଧ୍ୟା 7.53 ରେ ଘଟିଥିଲା। 8.19 ମିନିଟରେ ଫ୍ଲାଇଟ୍ UK-781 ସୁରକ୍ଷିତ ଅବତରଣ କରିଥିଲା। ସୂଚନାନୁସାରେ, ବିମାନରେ 140 ଜଣ ଯାତ୍ରୀ ଥିଲେ।