ରେଢ଼ାଖୋଲ (କନ୍ଦର୍ପ ବେହେରା): ଭାରତୀୟ ବୀର ଯବାନଙ୍କୁ ସମ୍ମାନ ଜଣାଇ ରେଢ଼ାଖୋଲ ସହରରେ ପରାକ୍ରମ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ସନ୍ଥ କବି ଭୀମ ଭୋଇ ଙ୍କ ପ୍ରତି ମୂର୍ତ୍ତିରେ ପୁଷ୍ପ ମାଲ୍ୟ ଅର୍ପଣ କରାଯାଇ ଥିଲା। ନାରୀଙ୍କ ମଥାରୁ ସିନ୍ଦୂର ପୋଛିଥିବା ପାକିସ୍ଥାନ ପ୍ରୋତ୍ସାହିତ ଆତଙ୍କବାଦୀଙ୍କୁ ନିପାତ କରିବା ପାଇଁ ହୋଇଥିବା ଅପରେସନକୁ ‘ଅପରେସନ୍ ସିନ୍ଦୂର’ ଭାବେ ନାମିତ କରିବା ଦେଶର ପ୍ରତିଟି ମହିଳାଙ୍କୁ ସମ୍ମାନିତ କରିଛି।
ଅପରପକ୍ଷରେ ପାକିସ୍ଥାନରେ ପଶି ଆତଙ୍କୀ ନିପାତ କରିବାରେ ଭାରତୀୟ ବୀର ଯବାନଙ୍କ ପରାକ୍ରମ ବିଶ୍ଵ ଦେଖିଛିl କାର୍ଯ୍ୟକ୍ରମରେ ବହୁ ପୂର୍ବତନ ସେନା କର୍ମଚାରୀ ସାମିଲ ହେବା ତ୍ରିରଙ୍ଗା ଯାତ୍ରାର ସୌନ୍ଦର୍ଯ୍ୟକୁ ବହୁଗୁଣିତ କରିଛି। ବିଭିନ୍ନ ଅନୁଷ୍ଠାନର ସଦସ୍ୟ ଓ ବହୁ ସହଯୋଗୀଙ୍କ ସହ ବିଜେପି ନେତା ଦେବେନ୍ଦ୍ର ମହାପାତ୍ର, ପ୍ରତାପ କୁମାର ପ୍ରଧାନ, ରାଜା ପାଲ, ରାମାନୁଜ ମହାପାତ୍ର ପ୍ରମୁଖ ବହୁ ବିଜେପି କର୍ମୀ ଏହି ଅନନ୍ୟ କାର୍ଯ୍ୟକ୍ରମରେ ସାମିଲ ହୋଇଥିଲେ।
