Tag: ବୃକ୍ଷ ରୋପଣ କାର୍ଯ୍ୟକ୍ରମ

ଭୁବନେଶ୍ଵର: ଚଳିତ ବର୍ଷ ଆମ ରାଜ୍ୟ ଓଡିଶାର ନୂତନ ଚାରିଗୋଟି ଆଦ୍ରଭୂମି ରାମସାର ସାଇଟ ଅନ୍ତର୍ଭୁକ୍ତ ହୋଇଛି। ପ୍ରକୃତି ଓ ପରିବେଶ ସୁରକ୍ଷା ନିମନ୍ତେ ଚଳିତ ବର୍ଷ ଏହି ନୂତନ ଚାରିଗୋଟି ଆଦ୍ରଭୂମି ରାମସାର ସାଇଟ ହେଲା ପମ୍ପରା, ଅଂଶୁପା, ସାତକୋଶିଆ ଏବଂ ହିରାକୁଦ। ଆଦ୍ରଭୂମି ବିଦ୍ୟାଳୟ ଠାରେ ବିଭିନ୍ନ ପ୍ରକାର ଔଷଧୀୟ ବୃକ୍ଷ ଓ ଅନ୍ୟାନ୍ୟ ଜଙ୍ଗଜାତ ବୃକ୍ଷ ରୋପଣ କରାଯାଇଛି।

ଏଥିରେ ଗୋଟିଏ ଆଦ୍ରଭୂମିର ପାଞ୍ଚଗୋଟି ଲେଖାଏଁ ବିଦ୍ୟାଳୟ ଯାହାକି ଗଞ୍ଜାମ ଜିଲ୍ଲା ଅନ୍ତର୍ଗତ ପମ୍ପରା ରାମସାର ସାଇଟର ହୁମର ୟୁପି ସ୍କୁଲ, ଚଷାକଣମଣା ୟୁପି ସ୍କୁଲ, ତରେଇ ପାଟପୁର ୟୁପି ସ୍କୁଲ, ପୋଡା ପହର ହାଇସ୍କୁଲ ଓ ଏ-ନୂଆଗାଁ ୟୁପିସ୍କୁଲ। କଟକ ଜିଲ୍ଲା ଅନ୍ତର୍ଗତ ଅଂଶୁପା ରାମସାର ସାଇଟର ଏସ-ଗାରହ ହାଇସ୍କୁଲ,  ସୁବର୍ଣ୍ଣପୁର ୟୁପି ସ୍କୁଲ, ଘୋଡାବର ୟୁପି ସ୍କୁଲ, ବିଷ୍ଣୁପୁର ୟୁପି ସ୍କୁଲ, ନୂଆଓସ୍ତିଆ ଏଲପି ସ୍କୁଲ ଓ କେ ଖାନି ୟୁପିସ୍କୁଲ। ନୟାଗଡ ଜିଲ୍ଲା ଅନ୍ତର୍ଗତ ସାତକୋଶିଆ ରାମସାର ସାଇଟର ଛାମୁଣ୍ଡିଆ ହାଇସ୍କୁଲ, ବେଣ୍ଟପଡା ଏଲପିସ୍କୁଲ, ବେଠିଆ ସାହି ୟୁପିସ୍କୁଲ ଓ ମାଳିସାହି ଏଲପି ସ୍କୁଲ। ସେହିଭଳି ବରଗଡ ଜିଲ୍ଲା ଅନ୍ତର୍ଗତ ହୀରାକୁଦ ରାମସାର ସାଇଟର ଲଖନପୁର ହାଇସ୍କୁଲ, ଚଣ୍ଡୀପାଲି ୟୁପି ସ୍କୁଲ, ଡ଼ୁଙ୍ଗୁରୀ ହାଇସ୍କୁଲ, ଲାମସାରା ଏଲପି ସ୍କୁଲ ଓ ଉତ୍ତମ ହାଇସ୍କୁଲ ଏହିପରି ସମୁଦାୟ ୨୦ ଗୋଟି ବିଦ୍ୟାଳୟରେ ବୃକ୍ଷରୋପଣ କରାଯାଇଛି।

ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ପ୍ରଧାନ ଶିକ୍ଷକ ଏବଂ ପ୍ରଧାନ ଶିକ୍ଷୟତ୍ରୀ, ଶ୍ରେଣୀ ଶିକ୍ଷକ ଶିକ୍ଷୟତ୍ରୀ ଓ ସ୍ଥାନୀୟ ପରିବେଶବିତ୍ ସହଯୋଗ କରିଥିଲେ।

ଏହି କାର୍ଯ୍ୟକ୍ରମକୁ କେଇଡାନ୍ରେନ ନେଚର କଞ୍ଜରଭେସନ ଫଣ୍ଡ ଜାପାନ ବୈଷୟିକ ସହାୟତା ଆରସି ଜାପାନ ସହାୟତା କରିଥିବା ବେଳେ ଭୁବନେଶ୍ବର ପଲ୍ଲୀଶ୍ରୀ ସ୍ଵେଚ୍ଛାସେବୀ ଅନୁଷ୍ଠାନ ସଂଗଠିତ କରିଥିଲା।

ଜଗତସିଂହପୁର: ସର୍ବୋତ୍ତମ ସୋସିଆଲ ଅର୍ଗାନାଇଜେସନ ଦ୍ଵାରା ଓଡ଼ିଶା ପରିବେଶ ସମିତି ଓ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ମିଳିତ ସହଯୋଗରେ ଜଗତସିଂହପୁର ସ୍ଥିତ ଗଭର୍ମେଣ୍ଟ ପଲି ଟେକନିକାଲ କଲେଜ, ଜାମୁଗାଁ ଓ କଣ୍ଟୁନିଆ ନୋଡାଲ ହାଇସ୍କୁଲ ପରିସରରେ ପ୍ରାୟ ବିଭିନ୍ନ ପ୍ରଜାତି ର ୫୦୦ ବୃକ୍ଷ ଯଥା – ଲିମ୍ୱ, କରଞ୍ଜ, କୃଷ୍ଣଚୂଡ଼ା, ପିଜୁଳି, ଆମ୍ବ, ଅର୍ଜୁନ, ଜାମୁ ଆଦି ରୋପଣ କାର୍ଯ୍ୟକ୍ରମ କରାଯାଇଛି।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ, ଗଭର୍ମେଣ୍ଟ୍ ପଲିଟେକନିକାଲ କଲେଜର ଅଧ୍ୟାପକ ଶ୍ରୀଯୁକ୍ତ ସୌମ୍ୟ ରଞ୍ଜନ ମହାନ୍ତି ,ଇନ ଭାରମେଣ୍ଟ ସୋସାଇଟି ର ଉପ ସଭପତି ମନୋରଞ୍ଜନ ମିଶ୍ର, ସର୍ବୋତ୍ତମ ସୋସିଆଲ ଅର୍ଗାନାଇସେସନ ର ସଭାପତି ରବୀନ୍ଦ୍ର କୁମାର ବେହେରା, ବରିଷ୍ଠ ସମାଜସେବୀ ପ୍ରତାପ ମିଶ୍ର, କଣ୍ଟୁନିଆ ନୋଡାଲ ହାଇସ୍କୁଲ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ସନ୍ତୋଷ କୁମାର ସାହୁ ଯୋଗଦାନ କରିଥିଲେl ପ୍ରଥମେ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କୁ ନେଇ ପରିବେଶ ସୁରକ୍ଷା ଓ ବୃକ୍ଷ ରୋପଣ ର ଆବଶକ୍ୟତା ଓ ଉପକାରିତା ବିଷୟରେ ଏକ ସଚେତନତା ସଭା ଆୟୋଜନ କରାଯାଇଥିଲା। ବିଶ୍ଵରେ ଯେଭଳି ଦୃତ ଶିଳ୍ପାୟନ ତଥା ବିକାଶ ମୂଳକ ଯୋଜନା ଦ୍ଵାରା ଅବିଚାରିତ ଜଙ୍ଗଲ ଅପସାରଣ ହୋଇ ଚାଲିଛି ଏବମ୍ ବିଶ୍ଵ ତାପନ ଓ ଜଳବାୟୁ ପରିବର୍ତ୍ତନ ଭଳି ସମସ୍ୟା ଦେଖା ଦେଉଛି, ଜୈବ ବିଭିନ୍ନତାରେ ହ୍ରାସ ଘଟୁଛି ତାହାର ସମାଧାନ ପାଇଁ ବ୍ୟାପକ ବୃକ୍ଷ ରୋପଣ ଏବମ୍ ଜଙ୍ଗଲ ସୃଷ୍ଟି କରିବା ନିତାନ୍ତ ଜରୁରୀ ହୋଇ ପଡ଼ିଛି ବୋଲି ଉପସ୍ଥିତ ଅତିଥି ମାନେ ମତବ୍ୟକ୍ତ କରିଥିଲେ।

ଉକ୍ତ କାର୍ଯ୍ୟକ୍ରମ କୁ ସର୍ବୋତ୍ତମ ସୋସିଆଲ ଅର୍ଗାନାଇଜେସନର ସମ୍ପାଦିକା ଶ୍ରାବଣୀ ରାୟ, ମୁଖ୍ୟ ଉପଦେଷ୍ଟା ପ୍ରଦୀପ କୁମାର ଲେଙ୍କା, ପରିଚାଳନା କମିଟି ସଦସ୍ୟ ସୁଧୀର ରାୟ, ପରିଚାଳନା କମିଟି ସଦସ୍ୟା ପୁନମ ନାୟକ, ଉତ୍ତମ ବିଶ୍ଵାଳ ଏବଂ ଅଶୋକ ରାୟ ଆଦି ପ୍ରମୁଖ ପରିଚାଳନା କରିଥିଲେ।

ଓଡ଼ିଶା ପରିବେଶ ସମିତି ଓ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ପୃଷ୍ଠପୋଷକ ତାରେ ଏବମ ସର୍ବୋତ୍ତମ ସୋସିଆଲ ଅର୍ଗାନାଇଜେସନ ସହଯୋଗରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମରେ ବହୁ ସଂଖ୍ୟାରେ ପ୍ରକୃତି ପ୍ରେମୀ ଛାତ୍ର ଛାତ୍ରୀ ତଥା ଅନ୍ୟମାନେ ଯୋଗଦାନକରି ଉତ୍ସାହ ପ୍ରଦାନ କରିଥିଲେ।

ବାଣପୁର: ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ନୂତନ ଭାବେ ଗଢି ଉଠିଥିବା ସ୍ଵାମୀ ବିବେକାନନ୍ଦ ସେବା ସଂଘ ପକ୍ଷରୁ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଗତକାଲି ଏହି ସଂଗଠନର କାର୍ଯ୍ୟକର୍ତ୍ତାମାନେ ଏକତ୍ରିତ ହୋଇ ସୋଲରୀ ଠାରେ ବୃକ୍ଷ ରୋପଣ କରିଥିଲେ। ଦିନକୁ ଦିନ ବାୟୁମଣ୍ଡଳ ପ୍ରଦ୍ୟୁଷଣ ହେଉଥିବାରୁ ଗଛ ଲଗାଇ ପରିବେଶକୁ ରକ୍ଷା କରିବା ପାଇଁ ପ୍ରୟାସ କରାଯାଇଛି।

ଏହା ସହିତ ଏଭଳି କାର୍ଯ୍ୟରେ ଅଧିକରୁ ଅଧିକ ଯୁବକମାନଙ୍କୁ ଯୋଡିବା ପାଇଁ ଉଦ୍ୟମ କରାଯାଇଛି। କରୋନା ସମୟରେ ଗଢି ଉଠିଥିବା ଏହି ସଂଗଠନର ପ୍ରଥମ କାର୍ଯ୍ୟ ଭାବେ ଏକ ରକ୍ତଦାନ ଶିବିର କରାଯାଇ ସ୍ଥାନୀୟ ଲୋକଙ୍କ ଦ୍ରୁଷ୍ଟି ଗୋଚର ହୋଇଥିଲେ। କରୋନା ସଂକ୍ରମଣ ଉପରମୁହାଁ ଥିବା ବେଳେ ନିଜ ଜୀବନକୁ ବାଜି ଲଗାଇ ଏହି ସଂଗଠନର ସଦସ୍ୟମାନେ ରକ୍ତ ଦାନ କରି ସ୍ଥାନୀୟ ଲୋକଙ୍କ ଠାରୁ ପ୍ରଶଂସା ସାଉଣ୍ଟି ଥିଲେ।

ତେବେ ବୃକ୍ଷ ରୋପଣ କରି ପରିବେଶକୁ ରକ୍ଷା କରିବା ପାଇଁ ସ୍ଵାମୀ ବିବେକାନନ୍ଦ ସେବା ସଂଗଠନ ଅଣ୍ଟା ଭିଡିଛି। ଆଗାମୀ ଦିନରେ ବୃକ୍ଷରୋପଣକୁ ବ୍ୟାପକ କରାଯିବା ସହ ଅଞ୍ଚଳରେ ସାମାଜିକ କାର୍ଯ୍ୟ କରିବା ପାଇଁ ସଂଗଠନ ପକ୍ଷରୁ କୁହାଯାଇଛି। ଏଥିରେ ପାଖାପାଖି ୧୦୦ ଟି ବୃକ୍ଷ ରୋପଣ କରାଯାଇଛି।

ଉକ୍ତ ବୃକ୍ଷରୋପଣ କାର୍ଯ୍ୟକ୍ରମରେ ସଂଗଠନର ସଭାପତି ବିଦ୍ୟୁତ କୁମାର କାଣ୍ଡି, ଉପସଭାପତି ଶ୍ରୀକାନ୍ତ ପଲାଇ, ସମ୍ପାଦକ ଶିବ ପ୍ରସାଦ ବଳିୟାରସିଂହ, ଉପଦେଷ୍ଟା ସୁମିତପ୍ରଜ୍ଞ ଷଡଙ୍ଗୀ, ନରେଶ ଜେନା, ଟି. ମୋହନ ଦାସ, ପ୍ରଦୀପ ବିଶ୍ଵାଳ, ଶକ୍ତି, ଝରଣା ପ୍ରମୁଖ ଯୋଗ ଦେଇ ବୃକ୍ଷରୋପଣ କରିଥିଲେ।

କନ୍ଦର୍ପ ବେହେରା
ରେଢାଖୋଲ: ଆଜି ନାକଟିଦେଉଳ ସ୍ନାତକ ମହାବିଦ୍ୟାଳୟ ଜାତୀୟ ସେବା ଯୋଜନା ଏବଂ ୟୁଥ୍ ରେଡ୍‌କ୍ରସ୍ ତରଫରୁ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କରୋନା ମହାମାରୀକୁ ଆଖି ଆଗରେ ରଖି ଅଧ୍ୟକ୍ଷ ସୁଧିର କୁମାର ସାହୁ, ୟୁଥ୍ ରେଡ୍‌କ୍ରସ୍ର ସଂଯୋଜକ ଦେବେଶ କୁମାର ବିଶ୍ୱାଳ, ଜାତୀୟ ସେବା ଯୋଜନା କାର୍ଯ୍ୟକ୍ରମ ଅଧିକାରୀ ପୁଷ୍ପାଞଳୀ ରବନା, ଅଧ୍ୟାପିକା ସ୍ୱେତାଶ୍ରୀ ପ୍ରଧାନ, ସଙ୍ଗୀତା ସେଟ୍, ଖେଳ ଶିକ୍ଷକ ଧନଞୟ ମହାକୁଡ, ଲାଇବ୍ରେରୀଆନ୍ ବିଭୂତି ଭୂଷଣ ସାହୁ, ଡେମୋଷ୍ଟେଟର୍ ସୁଦାମ ଚରଣ ସାହୁ ଗୋବିନ୍ଦ ସାହୁ, ସ୍ୱେଚ୍ଛାସେବୀ ମିନକେତନ, ରାକେଶ, ହେମନ୍ତ , ସୁଜାତା, ଲକ୍ଷ୍ମୀ, ଲୁସି, ପ୍ରଦୀପ, ଭୂବନ ପ୍ରମୁଖ ୫୦ ଗୋଟି ନିମ୍ବ ଗଛକୁ ଲଗାଇବା ସହ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ। କଲେଜ ତରଫରୁ ଆଗାମୀ ଦିନରେ ବହୁ ଔଷଧିୟ ବୃକ୍ଷ ରୋପଣ କରାଯିବ ବୋଲି ଅଧ୍ୟାପକ ଓ ଅଧ୍ୟାପିକାମାନେ ପ୍ରକାଶ କରିଛନ୍ତି।