ସୀତାରାମ ଅଗ୍ରୱାଲ
ଟାଙ୍ଗୀ: ଗାଁରେ ମଦ ବେପାରକୁ ବିରୋଧ କରିବା ମହଙ୍ଗା ପଡିଛି। ଏହି ଘଟଣାରେ ୱାର୍ଡ ସଭ୍ୟାଙ୍କ ସ୍ୱାମୀଙ୍କୁ ପେଟ୍ରୋଲ ପକାଇ ପୋଡି ମାରି ଦେବା ଉଦ୍ୟମ ହୋଇଛି। ଗୁରୁତର ଅବସ୍ଥାରେ ୱାର୍ଡ ସଭ୍ୟାଙ୍କ ସ୍ୱାମୀଙ୍କୁ ଉଦ୍ଧାର କରାଯାଇଛି। ଖୋର୍ଦ୍ଧା ଜିଲ୍ଲା ଟାଙ୍ଗୀ ପଞ୍ଚାଯତ ପଥରବନ୍ଧ ଗ୍ରାମରେ ଏଭଳି ଏକ ଅଭାବନୀୟ ଘଟଣା ଘଟିଛି। ଗୁରୁତର ବ୍ୟକ୍ତିଙ୍କ ନାମ ରମେଶ ଚନ୍ଦ୍ର ବେହେରା (୪୫)।
ସୂଚନା ଅନୁଯାୟୀ, ଗତ କାଲି ରାତିରେ ରମେଶ ଓ ତାଙ୍କର ଜଣେ ବନ୍ଧୁ ପଥର ବନ୍ଧ ଗ୍ରାମରେ ଥିବା ଜଳ ଯୋଗାଣ କଣ୍ଟ୍ରୋଲ ରୁମ୍ ରେ ଶୋଇଥିଲେ। ଶୋଇଥିବା ଅବସ୍ଥାରେ କବାଟ ବାହାରୁ ପେଟ୍ରୋଲ ଢାଳି ମଦ ବେପାରୀ ସେମାନଙ୍କୁ ଜୀବନରେ ମାରି ଦେବାକୁ ଉଦ୍ୟମ ହୋଇଥିବା ଅଭିଯୋଗ ହୋଇଛି। ରମେଶଙ୍କର ଗୋଡ ହାତ ପୋଡି ଯାଇଥିବା ବେଳେ ଟାଙ୍ଗୀ ପୋଲିସ୍ ଉକ୍ତ ଘଟଣାରେ ତଦନ୍ତ ଆରମ୍ଭ ଆରମ୍ଭ କରିଦେଇଛି।
ଅଭିଯୁକ୍ତ ଜଣଙ୍କ ପଥର ବନ୍ଧ ଗ୍ରାମରେ ବୋଲି ଜଣା ପଡିଛି। ହେଲେ ଅଭିଯୁକ୍ତ ମଦ ବେପାରିଜଣଙ୍କ ଗାଁ ନିକଟରେ ଏକ ଦୋକାନ କରି ବେଆଇନ ମଦ ଗଂଜେଇ ବେପାର କରି ଆସୁଥିବା ବେଳେ ପୋଲିସ୍ କୌଣସି କାର୍ଯ୍ୟାନୁଷ୍ଟାନ ନେଉନଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।