ନୂଆଦିଲ୍ଲୀ: ୟୁକ୍ରେନର ସୁମି ସହର ଉପରେ ଋଷର ଆକ୍ରମଣରେ ଅତି କମରେ ୧୮ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୨ ଜଣ ପିଲା ମଧ୍ୟ ଅଛନ୍ତି। ଋଷର ଏହି ଆକ୍ରମଣ କିବରୁ ୩୫୦ କିଲୋମିଟର ଦୂରରେ ଅବସ୍ଥିତ ସୁମି ସହରରେ ଘଟିଛି। ଏହାପୂର୍ବରୁ, ଓଖତିର୍କା ସ୍କୁଲରେ ବୋମା ପଡିବା ପରେ ଜଣେ ୭ ବର୍ଷର ୟୁକ୍ରେନ ଝିଅର ମୃତ୍ୟୁ ଘଟିଥିଲା। ଝିଅଟିର ଜେଜେବାପା ତାଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ।
ଏଥିସହ ମିଳିତ ଜାତିସଂଘ ସୁରକ୍ଷା ପରିଷଦକୁ ଭାରତ କହିଛି ଯେ, ଉଭୟ ଋଷ ଏବଂ ୟୁକ୍ରେନକୁ ବାରମ୍ବାର ନିବେଦନ କରାଯିବା ସତ୍ତ୍ୱେ ୟୁକ୍ରେନର ପୂର୍ବ ସହର ସୁମିରେ ଫସି ରହିଥିବା ଭାରତୀୟ ଛାତ୍ରମାନଙ୍କୁ ସ୍ଥାନାନ୍ତର କରିବା ପାଇଁ ଏକ ସୁରକ୍ଷିତ କରିଡର ସୃଷ୍ଟି କରାଯାଇ ନାହିଁ।
ଫେବୃଆରୀ ୨୪ ତାରିଖରୁ ଦୁଇ ଦେଶ ମଧ୍ୟରେ ଯୁଦ୍ଧ ଚାଲିଛି। ୟୁକ୍ରେନ ଉପରେ ଋଷର ଆକ୍ରମଣରୁ ଯୁଦ୍ଧ ଆରମ୍ଭ ହୋଇଥିଲା। ଋଷ ଏବଂ ୟୁକ୍ରେନ ମଧ୍ୟରେ ଏପର୍ଯ୍ୟନ୍ତ ତିନି ପର୍ଯ୍ୟାୟ ଆଲୋଚନା ହୋଇଛି। ସମସ୍ତ ତିନୋଟି ଆଲୋଚନା ବିଫଳ ହୋଇଛି।