ଭୁବନେଶ୍ୱର : ମନ୍ତ୍ରୀ ଅଶୋକ ପାଣ୍ଡା ଅପେରା ମଞ୍ଚରେ। ଏହି କଥା ଯେ କେହି ଶୁଣିବ ସେ ଆଶ୍ଚର୍ଯ୍ୟ ହେବ। କାରଣ ହେଲା ସେ କୌଣସି ଅପେରାରେ ଅଭିନୟ କରିବା ପାଇଁ ନୁହେଁ। ତେବେ ଘଟଣାଟି ହେଲା, ବ୍ରହ୍ମେଶ୍ୱର ପାଟଣା ଛକ ନିକଟ ମେଳଣ ପଡ଼ିଆରେ ୯୦ତମ ବ୍ରହ୍ମେଶ୍ୱର ଭାଗବତ ପଂଚୁଦୋଳ ମେଳଣ ଉଦ୍ଯାପିତ ହୋଇଯାଇଛି।
ଉଦ୍ଯାପନ ଦିବସରେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ଡେପୁଟି ମେୟର ମଞ୍ଜୁଲତା କଁଅର, ପୂର୍ବତନ କର୍ପୋରେଟର ପୁଷ୍ପା ଦାସ ଯୋଗ ଦେଇଥିଲେ। ଏଥିରେ ବ୍ରହ୍ମେଶ୍ୱର ସମେତ ବଡ଼ଗଡ଼, ଲକ୍ଷ୍ମୀସାଗର, କେଶୁରା, ବାସୁଆଘାଇ ଓ ବାଙ୍କୁଆଳ ଗ୍ରାମର ଦୋଳ ଠାକୁର ସାମିଲ ହୋଇଥିଲେ। ତିନି ଦିନ ଧରି ଏହି ମେଳଣରେ ଯାତ୍ରା ମହାରଥି କଳିଙ୍ଗ ଗଣନାଟ୍ୟ ପକ୍ଷରୁ କଳାକାରମାନଙ୍କ ଦ୍ୱାରା ନାଟ୍ୟ ପରିବେଷଣ ହୋଇଥିଲା। ଏହା ପୂର୍ବରୁ ମନ୍ତ୍ରୀ ଅଶୋକ ପଣ୍ଡା ଅପେରା ମଞ୍ଚକୁ ଯାଇ ଲୋକଙ୍କୁ ନମସ୍କାର କରିଥିଲେ।