ଭୁବନେଶ୍ବର: ଆଜି ଭାରତ ସୁଖୋଇ ଯୁଦ୍ଧ ବିମାନରୁ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର ବ୍ରାହ୍ମୋସର ବାୟୁ ସଂସ୍କରଣକୁ ସଫଳତାର ସହ ପରୀକ୍ଷଣ କରିଛି। ଏହି କ୍ଷେପଣାସ୍ତ୍ରଟି ଓଡିଶାର ଚାନ୍ଦିପୁର ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜରୁ ସଫଳତାର ସହ ପରୀକ୍ଷଣ କରାଯାଇଛି।
ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ଏହାକୁ ବ୍ରହ୍ମୋସ ବିକାଶରେ ଏକ ପ୍ରମୁଖ ସଫଳତା ବୋଲି ବର୍ଣ୍ଣନା କରିଛି ଏବଂ ଏହା ଦେଶ ମଧ୍ୟରେ ବ୍ରହ୍ମୋସ କ୍ଷେପଣାସ୍ତ୍ରର ଉତ୍ପାଦନ ପ୍ରଣାଳୀର ରାସ୍ତା ସଫା କରିବ ବୋଲି କହିଛି। ଡିଆରଡିଓ କହିଛି, ରାମଜେଟ୍ ଇଞ୍ଜିନ୍ ର ମୂଳ ଗଠନ କରୁଥିବା ପ୍ରମୁଖ ଏୟାରଫ୍ରେମ୍ ଆସେମ୍ବଲିଗୁଡିକ ଭାରତୀୟ ଶିଳ୍ପ ଦ୍ୱାରା ସ୍ୱଦେଶୀ ଭାବରେ ବିକଶିତ ହୋଇଛି।
ଏହାପୂର୍ବରୁ ମଙ୍ଗଳବାର ଦିନ ଭାରତ ଏକ ସ୍ୱଳ୍ପ ଦୂରଗାମୀ ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ସଫଳତାର ସହ ପରୀକ୍ଷଣ କରିଥିଲା। ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ଅଧିକାରୀମାନେ ଏହି ସୂଚନା ଦେଇଥିଲେ। ଏହି ପରୀକ୍ଷା ଓଡିଶା ଉପକୂଳରେ ମଧ୍ୟ କରାଯାଇଥିଲା।