ନୂଆଦିଲ୍ଲୀ: ଆଗାମୀ ତିନି ମାସ ଭାରତୀୟ କ୍ରିକେଟ୍ ଦଳର ଖେଳାଳିଙ୍କ ପାଇଁ ବହୁତ ବ୍ୟସ୍ତବହୁଳ କାର୍ଯ୍ୟସୂଚୀ ରହିଛି। ଆଇପିଏଲ୍ ପରେ ତୁରନ୍ତ ଟିମ୍ ଇଣ୍ଡିଆକୁ ବିଶ୍ୱକପ୍ ଖେଳିବା ପାଇଁ ପଡ଼ିଆରେ ପ୍ରବେଶ କରିବାକୁ ପଡିବ। ତେବେ ବିଶ୍ୱକପ ପ୍ରସ୍ତୁତି ପାଇଁ ବିସିସିଆଇ ଏକ ସ୍ୱତନ୍ତ୍ର ଯୋଜନା ପ୍ରସ୍ତୁତ କରିଛି। ଖବର ଅନୁଯାୟୀ ଟିମ୍ ଇଣ୍ଡିଆ ବିଶ୍ୱକପ୍ ପୂର୍ବରୁ ଦୁଇଟି ଅଭ୍ୟାସ ମ୍ୟାଚ୍ ଖେଳିବ।
ୟୁଏଇରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ୱକପ ଅକ୍ଟୋବର ୧୮ ତାରିଖରୁ ଆରମ୍ଭ ହେବାକୁ ଯାଉଛି। ଏଥି ସହିତ ଟିମ୍ ଇଣ୍ଡିଆର ଖେଳାଳିମାନେ ଅକ୍ଟୋବର ୧୫ ତାରିଖରେ ଆଇପିଏଲରୁ ମୁକ୍ତ ହେବେ। ଖେଳାଳିଙ୍କୁ ଏକଜୁଟ କରିବା ପାଇଁ ବିସିସିଆଇ ଦୁଇଟି ଅଭ୍ୟାସ ମ୍ୟାଚ୍ ଖେଳିବାକୁ ଯୋଜନା କରିଛି। ଇଂଲଣ୍ଡ ଏବଂ ଅଷ୍ଟ୍ରେଲିଆ ବିପକ୍ଷରେ ଦୁଇଟି ଅଭ୍ୟାସ ମ୍ୟାଚ୍ ପାଇଁ ବିସିସିଆଇ ଆୟୋଜନ କରିପାରେ। ଏବଂ ଅକ୍ଟୋବର ୧୮ ତାରିଖ ଏବଂ ଅକ୍ଟୋବର ୨୦ ତାରିଖରେ ଅଭ୍ୟାସ ମ୍ୟାଚ୍ ଆୟୋଜିତ ହୋଇପାରିବ। ଖୁବ୍ ଶୀଘ୍ର ଏହା ବିଷୟରେ ଘୋଷଣା କରାଯିବ।
ଟିମ୍ ଇଣ୍ଡିଆ ଅକ୍ଟୋବର ୧୮ ତାରିଖରେ ସନ୍ଧ୍ୟା ୭.୩୦ ରେ ଇଂଲଣ୍ଡ ବିପକ୍ଷରେ ଅଭ୍ୟାସ ମ୍ୟାଚ୍ ଖେଳିବ। ଦ୍ୱିତୀୟ ଅଭ୍ୟାସ ମ୍ୟାଚ୍ ଅକ୍ଟୋବର ୨୦ ତାରିଖରେ ଦୁବାଇରେ ଅପରାହ୍ନ ୩.୩୦ ରେ ଅଷ୍ଟ୍ରେଲିଆ ବିପକ୍ଷରେ ଖେଳିବା ସମ୍ଭାବନା ରହିଛି। ଏହି ଦୁଇଟି ମ୍ୟାଚ୍ ର ଲାଇଭ୍ ଟେଲିକାଷ୍ଟ ଷ୍ଟାର୍ ସ୍ପୋର୍ଟସ୍ ନେଟୱାର୍କରେ ହେବ।
ତେବେ ଟି -୨୦ ବିଶ୍ୱକପରେ ଟିମ୍ ଇଣ୍ଡିଆର ଅଭିଯାନ ଅକ୍ଟୋବର ୨୩ ତାରିଖରୁ ଆରମ୍ଭ ହେବ। ଟିମ୍ ଇଣ୍ଡିଆ ଏହାର ପ୍ରଥମ ମ୍ୟାଚ୍ ରେ ପାକିସ୍ତାନକୁ ଭେଟିବ।