Tag: ବଡ଼ବଜାର ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ବଡ଼ବଜାର ଥାନା ଅନ୍ତର୍ଗତ ସୁକୁଣ୍ଡା ଅଞ୍ଚଳରେ ଏକ ଘରେ ଜୁଆ ଖେଳ ଚାଲୁଥିବା ଖବର ପାଇ ବଡ଼ବଜାର ଥାନା ପୋଲିସ୍ ଚଢାଉ କରିଥଲା। ଏହି ଚଢାଉ ସମୟରେ ପୋଲିସ ଘଟଣାସ୍ଥଳରୁ ୩ ଟି ମୋଟରସାଇକେଲ, ୭ ଟି ମୋବାଇଲ ଫୋନ ଓ ନଗଦ ୩ ଲକ୍ଷ ୨୬ ହଜାର ୬୦୦ ଟଙ୍କା ଜବତ କରିବା ସହ ୭ ଜୁଆଡିଙ୍କୁ ଗିରଫ କରାଯାଇଛି। ଏନେଇ ଅତିରିକ୍ତ ଏସପି ରମେଶ ଚନ୍ଦ୍ର ସେଠୀ ସୂଚନା ଦେଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ପ୍ରହଲ୍ଲାଦ ନଗରରେ ଗୋଟିଏ ପରିବାରର ଶାଶୁ, ବୋହୁ ଓ ଦୁଇ ପୁଅଙ୍କୁ ଆକ୍ରମଣ ହେଇଥିବା ବଡ଼ବଜାର ଥାନାରେ ଅଭିଯୋଗ ହୋଇଛି।

ଘଟଣାରୁ ପ୍ରକାଶ ଯେ, ଉକ୍ତ ସାହିର ସନ୍ତୋଷ ପାତ୍ର ନାମକ ଜଣେ ଯୁବକ ରାତ୍ରୀ ସମୟରେ ଘରକୁ ଫେରୁଥିବା ବେଳେ ସେହି ସାହିର ସୁରେନ୍ଦ୍ର ସ୍ବାଇଁ ନାମକ ଜଣେ ଯୁବକ ସନ୍ତୋଷକୁ ଡ଼ାକି ଅଯଥା ଗାଳି ଗୁଲଜ କରିବା ଫଳରେ ସନ୍ତୋଷର ମାଁ, ସ୍ତ୍ରୀ ଓ ଭାଇ ଘଟଣାସ୍ଥଳରେ ପହଞ୍ଚି ଏହାର ପ୍ରତିବାଦ କରିଥିଲେ। ଏତିକି ବେଳେ ସୁରେନ୍ଦ୍ର ଉତକ୍ଷିପ୍ତ ହୋଇ ଘରକୁ ଯାଇ ଏକ କଟୁରି ଧରି ଆସି ଉକ୍ତ ସମସ୍ତ ପରିବାର ଲୋକଙ୍କୁ ଆକ୍ରମଣ କରିଥିଲା।

ଯାହା ଫଳରେ ସମସ୍ତ ପରିବାର ଲୋକେ ଗୁରୁତର ଆହତ ହୋଇ ଚିକିତ୍ସା ନିମନ୍ତେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ଓ ଖବର ପାଇ ବଡ଼ବଜାର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିବା ସହ ଆହତ ସନ୍ତୋଷ ଠାରୁ ଅଭିଯୋଗ ଗ୍ରହଣ କରି ଘଟଣାର ତଦନ୍ତ ଆରମ୍ଭ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ଗୌଡ଼ ସାହିରେ ବୁଧବାର ପ୍ରାୟ ରାତି ୩ଘଣ୍ଟା ସମୟରେ କିଛି ଦୁର୍ବୁତ୍ତ ସତୀଶଙ୍କ ଘରର ଛାତ ଉପରକୁ ଯାଇ ଘରର ଲୁହା ଗ୍ରିଲ୍ କାଟି ଘର ଭିତରକୁ ପ୍ରବେଶ କରୁଥିବା ବେଳେ ସତୀଶ ଓ ତାଙ୍କର ସ୍ତ୍ରୀଙ୍କ ନିଦ ଭାଙ୍ଗିଯାଇଥିଲା। ଏ ନେଇ ସତୀଶ କିଏ କିଏ ବୋଲି ପାଟି କରିବାରୁ ଦୁର୍ବୁତ୍ତମାନେ ସତୀଶକୁ ଆକ୍ରମଣ କରିଥିଲେ। ଏହା ଦେଖି ତାଙ୍କର ସ୍ତ୍ରୀ ପ୍ରତିବାଦ କରିବାରୁ ତାଙ୍କୁ ମଧ୍ୟ ଆକ୍ରମଣ କରି ଘଟଣା ସ୍ଥଳରୁ ଚମ୍ପଟ ମାରିଥିଲେ ଦୁର୍ବୁତ୍ତ।

ଘଟଣାକୁ ନେଇ ସତୀଶ ବଡ଼ ବଜାର ଥାନାର ଦ୍ୱାରସ୍ଥ ହୋଇଥିଲେ। ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର କରାଯାଇ ବ୍ରହ୍ମପୁର ଏମକେସିଜି ମେଡ଼ିକାଲରେ ଭର୍ତ୍ତି ହୋଇଥିଲେ। ଘଟଣା ସ୍ଥଳକୁ ପୁଲିସ ଯାଇ ତଦନ୍ତ କରୁଥିବା ଜଣାପଡିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଋଣ ଭାରରେ ଅସହ୍ୟ ହୋଇ ଆଉ ଜଣେ ଯୁବ ବ୍ୟବସାୟୀ ଆତ୍ମହତ୍ୟା କରିଛନ୍ତି। ମୃତ୍ୟୁ ପୂର୍ବରୁ ଯୁବ ବ୍ୟବସାୟୀଜନକ ଆତ୍ମହତ୍ୟାର କାରଣ ଉଲ୍ଲେଖ କରିଛନ୍ତି। ପୋଲିସ ତାଙ୍କର ଆତ୍ମହତ୍ୟା ନୋଟ ଜବତ କରିଥିବା ଜଣାପଡିଛି।

ସୂଚନା ଅନୁଯାୟୀ, ବ୍ରହ୍ମପୁର ବଡ଼ବଜାର ଥାନା ଅନ୍ତର୍ଗତ କୁଠାରୀ ମନ୍ଦିର ସାହିର ମନୋଜ କୁମାର ପାତ୍ର ନାମକ ଜଣେ ଯୁବକ ନିଜର ପାଣି ବଟଲିଂ କାରଖାନାରେ ବେକରେ ଦଉଡ଼ି ଗୁଡାଇ ଆତ୍ମହତ୍ୟା କରିଛନ୍ତି। ଖବର ପାଇ ପୋଲିସ ଓ ପରିବାର ଲୋକେ ସିଲିଂ ଫ୍ୟାନରେ ଝୁଲୁଥିବା ଅବସ୍ଥାରେ ଉଦ୍ଧାର କରିଛି। ଏହି ଘଟଣାରେ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହକୁ ପୋଲିସ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇ ଘଟଣାର ତଦନ୍ତ ଆରମ୍ଭ କରିଛି।

ଋଣ ସୁଝି ନପାରି ଆତ୍ମହତ୍ୟା କରିଥିବା ମୃତ ଯୁବକଙ୍କ ଏକ ହାତଲେଖା ଚିଠି ପୋଲିସ ଘଟଣାସ୍ଥଳରୁ ଉଦ୍ଧାର କରିଛି ଓ ଭାବବିହ୍ୱଳ ଭାଷାରେ ତାଙ୍କର ମୃତ୍ୟୁ ପାଇଁ ସେ ନିଜେ ଦାୟୀ ବୋଲି ଚିଠିରେ ଉଲ୍ଲେଖ କରିଛନ୍ତି।

ଋଣ ପରିଶୋଧ ନକରି ଏହିଭଳି ପଦକ୍ଷେପ ନେବାପାଇଁ ବାଧ୍ୟ ହେଲି ବୋଲି ଲେଖିବା ସହ ଏହି ଘଟଣାରେ ପରିବାର ଲୋକେ ଦାୟୀ ନୁହନ୍ତି ବୋଲି ସେ କହିଛନ୍ତି। ମୋ ପରେ ମୋର ପରିବାର ଲୋକଙ୍କୁ ପ୍ରଶାସନ ସୁରକ୍ଷା ଦେବା ପାଇଁ ସେ ଅନୁରୋଧ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ଆସ୍କା ରୋଡ଼ ଜଗନ୍ନାଥ ବିହାର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ନାବାଳିକା ଭଉଣୀକୁ ହତ୍ୟା କରି ସମ୍ପର୍କୀୟ ଭାଇ ଆତ୍ମହତ୍ୟା ଉଦ୍ୟମ କରିଥିବା କୁହାଯାଉଛି।

ନିହତ ନାବାଳିକା ଜଣଂକ ଲୋଚାପଡା ଅଞ୍ଚଳର ରବୀନ୍ଦ୍ର ପାଣିଗ୍ରାହୀଙ୍କ କନ୍ୟା ପ୍ରଯୁକ୍ତା ପାଣିଗ୍ରାହୀ ଓ ଅନ୍ୟ ଜଣେ ସମ୍ପର୍କୀୟ ଭାଇ ଆୟୁଷ୍ମାନ ପାଣିଗ୍ରାହୀ ଛୁରୀ ମାଡରେ ଗୁରୁତର ଆହତ ହୋଇ ବଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଆକ୍ରମଣକାରୀ ଯୁବକ ଆଶୁତୋଷ ପାଣିଗ୍ରାହୀ ଉଭୟ ଭାଇ ଓ ଭଉଣିଙ୍କ ଦଦା ପୁଅ ଭାଇ ବୋଲି ଜଣାପଡିଛି। ଏହି ଭଳି ପରିସ୍ଥିତିର କାରଣ ଜଣାପଡି ନାହିଁ। ତଥାପି ବଡ଼ବଜାର ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

ଅନ୍ୟ ପକ୍ଷରେ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିବା ଯୁବକ ଆଶୁତୋଷ ହିଞ୍ଜିଳି ଥାନା ଅନ୍ତର୍ଗତ ସୋନପୁର ନିକଟରେ ଏକ ଚଳନ୍ତା ବସ୍ ଉପରକୁ ଡେଇଁ ଆତ୍ମହତ୍ୟା ଉଦ୍ୟମ କରି ଗୁରୁତର ଆହତ ହୋଇ ହିଞ୍ଜିଳି ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ଶ୍ରୀକ୍ଷେତ୍ର ବିହାର ଛକରେ ବିଭିନ୍ନ ଗାଡ଼ି ଯାଞ୍ଚ କରିବା ବେଳେ ଏକ କାର୍ କୁ ଅଟକାଇ ଯାଞ୍ଚ କରିବା ସମୟରେ କାର୍ ଭିତରୁ ୪୦ ଗ୍ରାମ ବ୍ରାଉନ ସୁଗର ଜବତ ହୋଇଛି। କାର ଜବତ କରିବା ସହ ତିନି ଯୁବକଙ୍କୁ ପୋଲିସ ଅଟକ ରଖିଛି। ଉକ୍ତ ଯୁବକ ମାନଙ୍କୁ ଅବକାରୀ ଆଇନ ଅନୁଯାୟୀ ମାମଲା ରୁଜୁ କରି କୋର୍ଟ ଚାଲାଣ କରିଛନ୍ତି।

ଅଭିଯୁକ୍ତ ଯୁବକ ମାନେ ହେଲେ ଚନ୍ଦନ ସେଠୀ, କିରଣ ଦଳବେହେରା ଓ କାଳୁ ଚରଣ ଭୁୟାଁ। ସେମାନେ ଉକ୍ତ ଧଳା ଜହର ପୋଲସରାରୁ ଆଣି ବ୍ରହ୍ମପୁର ସହର ର ବିଭିନ୍ନ ସ୍ଥାନରେ ବିକ୍ରି କରୁଥିଲେ ବୋଲି ପୋଲିସ ସୁତ୍ରରୁ ଜଣାପଡିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିମଖଣ୍ଡି ଥାନା ପୋଲିସ୍ ଅର୍ଥ ଠକେଇ ଅଭିଯୋଗରେ ବଡ଼ବଜାର ଥାନା ଅନ୍ତର୍ଗତ ରଙ୍ଗୁଣିବନ୍ଧ ସାହିର ପ୍ରଶାନ୍ତ କୁମାର ନାୟକ ଓ ଜରଡା ଥାନା ଅନ୍ତର୍ଗତ ଅଭୟପୁର ଗ୍ରାମର ସୁଧୀର ପ୍ରଧାନ ନାମକ ଦୁଇଜଣ ବ୍ୟକ୍ତିଙ୍କୁ ଗିରଫ କରି କୋର୍ଟ ଚାଲାଣ କରିଛି। ଘଟଣାରୁ ପ୍ରକାଶ ଯେ, ନିମଖଣ୍ଡି ଥାନା ଅଞ୍ଚଳରେ ଉକ୍ତ ଦୁଇ ବ୍ୟକ୍ତି ଡି ଏ ଆଇ ଇନଭେଷ୍ଟ ନାମରେ ଏକ ସଂସ୍ଥା ଖୋଲି ଉକ୍ତ ସଂସ୍ଥାରେ ଅର୍ଥ ପୈଠ କଲେ ଦୁଇ ଗୁଣ ହେବାର ପ୍ରଲୋଭନ ଦେଖାଇ ସଚେତନତା ସୃଷ୍ଟି କରୁଥିଲେ।

ଏହି ଭଳି ପରିସ୍ଥିତିରେ ରଙ୍ଗୁଣିବନ୍ଧ ସାହିର ମନୋଜ କୁମାର ମହାପାତ୍ର ନାମକ ଜଣେ ବ୍ୟକ୍ତି ଗିରଫ ପ୍ରଶାନ୍ତ ସହ ଯୋଗାଯୋଗ କରିଥିଲେ। ପ୍ରଶାନ୍ତ ସୁଧୀର ସହିତ ମିଶାଇବା ପରେ ମନୋଜ ଗତ ଏପ୍ରିଲ ମାସରେ ସଂସ୍ଥାର ଦରଖାସ୍ତ ଫର୍ମ ସହିତ ନଗଦ ୨.୪୦ ହଜାର ଟଙ୍କା ସଂସ୍ଥା ରେ ପୈଠ କରିଥିଲେ। ପରେ ସଂସ୍ଥାର ମୁଖ୍ୟ ସୁଧୀର ପ୍ରଧାନ କମ୍ପାନୀର ନିୟମ ବଦଳିବାର ବାହାନା ଦେଖାଇ ଗତ ଜୁଲାଇ ମାସରେ ସଂସ୍ଥା ବନ୍ଦ ହେବା ଜାଣି ଠକାମୀର ଶୀକାର ହୋଇଥିବା ଅନୁଭବ କରି ଉକ୍ତ ଦୁଇ ବ୍ୟକ୍ତିଙ୍କୁ ଫୋନ୍ କରିଥିଲେ। କିନ୍ତୁ ଫୋନ ନ ଉଠାଇବାରୁ ନିମଖଣ୍ଡି ଥାନାର ଦ୍ବାରସ୍ଥ ହୋଇଥିଲେ।

ନିମଖଣ୍ଡି ଥାନା ପୋଲିସ୍ ଅଭିଯୋଗ ଗ୍ରହଣ କରି ଉକ୍ତ ଦୁଇ ବ୍ୟକ୍ତିଙ୍କ ମୋବାଇଲ ଫୋନ ଟ୍ରାକ୍ କରି ବିଭିନ୍ନ ସ୍ଥାନରେ ଚଢାଉ କରି ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ଆସ୍କା ରୋଡ଼ ଠାରେ ଏକ ମଦ ଦୋକାନ ନିକଟରେ ଧାନମେରା ସାହିର ତ୍ରିପତି ଦାସ ନାମକ ଜଣେ ଯୁବକ ନିଜ ଘରକୁ ଫେରୁଥିବା ବେଳେ କିଛି ଯୁବକ ତାଙ୍କୁ ରାସ୍ତାରେ ଅଟକାଇ ଗାଳିଗୁଲଜ କରିଥିଲେ। ଯାହା ଫଳରେ ତ୍ରିପତି ଆପତ୍ତି କରିବାରୁ ଉକ୍ତ ଯୁବକ ମାନେ ସାଙ୍ଗରେ ଆଣିଥିବା ଖଣ୍ଡାରେ ତାଙ୍କୁ ଆକ୍ରମଣ କରିଥଲେ।

ଏହି ଆକ୍ରମଣରେ ତ୍ରିପତିଙ୍କ ଗୋଡ଼ ଓ ହାତ ପାପୁଲିରେ ଗଭୀର ଆଘାତ ଲାଗିଥିବା ବେଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣା ବିଷୟରେ ତାଙ୍କର ମାଁ ଉନ୍ନତି ଦାସ ବଡ଼ବଜାର ଥାନାରେ ଅଭିଯୋଗ କରିଛନ୍ତି। ଅଭିଯୋଗ ପାଇ ପୋଲିସ ତଦନ୍ତ ଚଳାଇଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବଡ଼ବଜାର ଥାନା ଅନ୍ତର୍ଗତ ପନ୍ଦରା ସାହିର ପିଆଜ ବ୍ୟବସାୟୀ ସଚିନ୍ ମହାପାତ୍ର ଓ ଶ୍ରୀ ରାମ ନଗର ଅଞ୍ଚଳର ବରଫ ବ୍ୟବସାୟୀ ସୁର୍ଯ୍ୟ ନାରାୟଣ ପାତ୍ର ଙ୍କ ଅଭିଯୋଗ କରିଛନ୍ତି ଯେ, ବଡ଼ବଜାର ଥାନା ଅନ୍ତର୍ଗତ ଗଣେଶ ନଗରର ବଦ୍ରିନାଥ ପଣ୍ଡା ଉଭୟଙ୍କ ସାଙ୍ଗ ଓ ସେ ଅନ୍ଧପସରା ରାସ୍ତାରେ ଥିବା ତାଙ୍କର ହାର୍ଡୱେର ଦୋକାନକୁ ଡାକି ଦୁଇ ଗୁଣ ଲାଭକାରୀ ବ୍ୟବସାୟ ନିମନ୍ତେ ବୁଝାଇଥିଲା। କଲିକତାର ଏକ ବ୍ୟବସାୟିକ ପ୍ରତିଷ୍ଠାନ ରେ ଟ୍ରେଡ୍ ପ୍ରଫିଟ୍ ଫଣ୍ଡ୍ ୟୁ ଟର୍ଣ୍ ସ୍କିମ୍ ଜରିଆରେ ଖଟାଇଥିବା ମୁଳଧନ ଦୁଇ ଗୁଣ ହେଉଛି ବୋଲି ପ୍ରଲୋଭନ ଦେଖାଇ ବୁଝାଇଥିଲେ। ଯାହା ଫଳରେ ୩ ଜଣ ମିଶି ୨୮ ଲକ୍ଷ ଟଙ୍କା ଯୋଗାଡ କରି ଗତ ୧୦ ତାରିଖ ମଧ୍ୟ ରାତ୍ରୀରେ କମାପଲ୍ଲୀ ଓଭରବ୍ରିଜ୍ ନିକଟରେ ପହଞ୍ଚିଥିଲେ। ସେଠାରୁ ତିନି ଜଣ ମିଶି ଲାଞ୍ଜିପଲୀ ଡିପିଏସ୍ ସ୍କୁଲ ନିକଟରେ ପହଞ୍ଚିଥିଲେ। ପୁର୍ବରୁ ସେଠାରେ ଥିବା ଅକ୍ଷୟ ନାୟକ ଓ ମହେଶ୍ ବର୍ମା ଏହି ୩ ଜଣଙ୍କ ସହ କାର୍ ଭିତରେ ବସି ବ୍ୟବସାୟର ଲାଭ ବିଷୟରେ ଆଲୋଚନା କରିବା ବେଳେ ସଂସ୍ଥାର ମାଲିକ ବୋଲି କେପି ନାମରେ ଜଣେ ବ୍ୟକ୍ତି ଏକ ବ୍ୟାଗ୍ ଧରି କାର୍ ଭିତରେ ବସି ସମସ୍ତଙ୍କ ସହ ଆଲୋଚନାରେ ଭାଗ ନେଇଥିଲା ଓ କୌଶଳ କ୍ରମେ ଏହି ୩ ଜଣଙ୍କ ଟଙ୍କା ବ୍ୟାଗ୍ କୁ ନେଇ ସେ ଆଣିଥିବା ବ୍ୟାଗ୍ କୁ ଧରି ମହେଶ୍ ସହ ଘଟଣାସ୍ଥଳରୁ ଚମ୍ପଟ୍ ମାରିଥିଲେ।

ଏହା ପରେ ବଦ୍ରିନାଥ ଓ ଅକ୍ଷୟକୁ ଚମ୍ପଟ୍ ମାରିଥିବା ବ୍ୟକ୍ତି ମାନେ ଅନ୍ୟ ସ୍ଥାନକୁ ନେଇ ଆଲୋଚନା କରୁଥିବା ଦେଖି ସୁର୍ଯ୍ୟ ନାରାୟଣ ଓ ସଚିନ୍ ର ସନ୍ଦେହ ବଢିଥିଲା। ଯ’ଦ୍ଵାରା ଉଭୟେ କାର୍ ଭିତରେ ଥିବା ଅନ୍ୟ ବ୍ୟାଗ୍ କୁ ଯାଞ୍ଚ କରିବା ବେଳେ ସେ ଭିତର ୮ ହଜାରଟି ୫ ଶହ ଟଙ୍କିଆ ନକଲି ନୋଟ ଥିବା ଜାଣିବାକୁ ପାଇଥିଲେ। ଏହି ଭଳି ପରିସ୍ଥିତିରେ ଉଭୟେ ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ପାଇ ଘଟଣାର ତଦନ୍ତ ଚଳାଇ ଏହି କାର୍ଯ୍ୟରେ ଲିପ୍ତ ଅଭିଯୁକ୍ତ ବଦ୍ରିନାଥ ସହ ଘଟଣାର ଅନ୍ୟତମ ଅଭିଯୁକ୍ତ ଅକ୍ଷୟ କୁମାର ନାୟକ, ଭବାନୀ ଶଙ୍କର ପଟ୍ଟନାୟକ, ରାମଚନ୍ଦ୍ର ପଣ୍ଡା ଓ ନିବାସ ନାହାକ ପ୍ରମୁଖ ଙ୍କୁ ବିଭିନ୍ନ ସ୍ଥାନରୁ ଉଠାଇ ଜେରା କରିବା ପରେ ବିଭିନ୍ନ ଦଫାରେ ମୋକଦ୍ଦମା ରୁଜ୍ଜୁ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବିଶ୍ଵସ୍ତ ସୁତ୍ରରୁ ଖବର ପାଇ ବଡ଼ବଜାର ଥାନା ଅନ୍ତର୍ଗତ ରଘୁପତି ନଗରର ଏକ ଭଡ଼ା ଘରେ ଚଢ଼ାଉ କରି ବଡ଼ବଜାର ପୋଲିସ କିଛି ଧଳା ଜହର, ୩ ଟି ମୋବାଇଲ ଫୋନ ଓ ନଗଦ ଟଙ୍କା ଜବତ କରିବା ସହ ପୁଜା ପ୍ରଧାନ ନାମ୍ନୀ ଜଣେ ମହିଳା ଓ ତାଙ୍କ ଦୁଇ ପୁଅ ଆକାଶ ଓ ବିକାଶକୁ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଅନୁଯାୟୀ, ଉକ୍ତ ମା ଓ ଦୁଇ ପୁଅ ୫୦୦ ଟଙ୍କା ଲେଖାଏଁ ଛୋଟ ଛୋଟ ପୁଡିଆ କରି ଉକ୍ତ ଅଞ୍ଚଳରେ ବ୍ୟବସାୟ କରୁଥିଲେ। ଏହି ଭଳି ପରିସ୍ଥିତିରେ ପୋଲିସ ବିଶ୍ଵସ୍ତ ସୁତ୍ରରୁ ଖବର ପାଇ ଅଚାନକ ଉକ୍ତ ଘର ଉପରେ ଚଢ଼ାଉ କରି ସଫଳତା ପାଇଛି।

ପୋଲିସ କେଶ୍ ନଂ ୪୧୦/୨୩ ଓ ଧାରା ୨୧ ବି/ ଏନ୍ ଡି ପି ଏସ୍ ଆଇନ ଅନୁଯାୟୀ ଗିରଫ କରି କୋର୍ଟ ଚାଲାଣ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ଶୁକ୍ରବାର ସନ୍ଧ୍ୟାରେ ବଡ଼ବଜାର ଥାନା ଅନ୍ତର୍ଗତ ଜଗବନ୍ଧୁ ସାହିରେ ଘଟିଥିବା ବୋମାମାଡ ଘଟଣାରେ ବଡ଼ବଜାର ପୋଲିସ କମଲେଶ୍, ବଳିଆ ନାଏକ ଓ ରୋଷନ୍ ଖଟେଇକୁ ଗିରଫ କରି କୋର୍ଟ ଚାଲାଣ କରିଛନ୍ତି ଓ ଅନ୍ୟତମ ମୁଖ୍ୟ ଅଭିଯୁକ୍ତ କାଳିଆ ବର୍ତ୍ତମାନ ସୁଦ୍ଧା ଫେରାର ଅଛି।

ମାମଲାର ବିବରଣୀରୁ ଜଣାପଡିଛି ଯେ, ଅଭିଯୁକ୍ତ ପେଷାଦାର ଅପରାଧୀ ମାନେ ଉକ୍ତ ସାହିର ଯୁବ ବ୍ୟବସାୟୀ ପ୍ରସାନ୍ତ କୁମାର ନାୟକ (ମୁନା) ଙ୍କୁ ବିଭିନ୍ନ ସମୟରେ ଦାଦା ବଟି ମାଗୁଥିଲେ। ମୁନା ମନା କରିବାରୁ ତାଙ୍କ ଘର ଉପରକୁ ବୋମାମାଡ କରି ଫେରାର ହୋଇଯାଇଥିଲେ।

ଘଟଣା ପରେ ସାହିରେ ଆତଙ୍କ ସୃଷ୍ଟି ହୋଇଥିଲା ଓ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରି ଉକ୍ତ ୩ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କ ଠାରୁ ଗୋଟିଏ ଖଣ୍ଡା ଓ ଗୋଟିଏ ମୋଟରସାଇକେଲ ଜବତ ହୋଇଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଓମ୍ ନଗରରେ ଗତ ଜୁନ ୧୭ ତାରିଖରେ ଗୋଟିଏ ନକଲି ମଦ ତିଆରି କାରଖାନା ଉପରେ ପୋଲିସ ଚଢ଼ାଉ କରିଥିଲା। ଏହାପରେ ପୋଲିସ ଗୋଟିଏ ପରେ ଗୋଟିଏ ସଫଳତା ହାସଲ କରୁଛି। ଚଢ଼ାଉ ବେଳେ ବହୁ ପରିମାଣର ନକଲି ମଦ ତିଆରି ସାମଗ୍ରୀ ଜବତ କରିଥିବା ବେଳେ ବୋତଲ ଯୋଗାଉଥିବା ଜନୈକ କବାଡି ଦୋକାନ ବାଲାକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଏହି କିଛି ଦିନ ତଳେ ମଦ ତିଆରି କରୁଥିବା ବେପାରୀ ତାରିଣୀ ଜେନାଙ୍କୁ ଜେଲରୁ ରିମାଣ୍ଡରେ ଆଣି ପଚରାଉଚରା କରିବା ବେଳେ ନକଲି ମଦ ତିଆରି ପାଇଁ ସ୍ପିରିଟ, ଲେବଲ୍ ଓ ଅନ୍ୟାନ୍ୟ ସାମଗ୍ରୀ କଲିକତାରୁ ଆଣୁଥିବା ପୋଲିସ ଆଗରେ ପ୍ରକାଶ କରିଥିଲା। ଯ’ଦ୍ଵାରା ପୋଲିସ ତାରିଣୀଙ୍କୁ ଧରି କଲିକତା ସହରର ବୁରା ବଜାର ସ୍ଥିତ ସାଗର ଗେଷ୍ଟ୍ ହାଉସରୁ ଉକ୍ତ ସାମଗ୍ରୀ ଯୋଗାଉଥିବା ଦଲାଲ୍ ଶମ୍ଭୁ ପଟେଲଙ୍କୁ ସେଠାରୁ ଉଠାଇ ଆଣି ଜେରା କରିବା ବେଳେ ସେ ଉକ୍ତ ସମସ୍ତ ସାମଗ୍ରୀ ଯୋଗାଉଥିବା ରାଜି ହୋଇଥିଲା।

ଏହା ପରେ ପୋଲିସ ଶମ୍ଭୁଙ୍କୁ ସେଠିକାର ମେଟ୍ରୋ ପଲିଟାନ୍ ଅଦାଲତରେ ହାଜର କରାଇ ତାଙ୍କୁ ବ୍ରହ୍ମପୁର ଏସ୍ ଡି ଜେ ଏମ୍ ଅଦାଲତରେ ହାଜର କରାଇ ଅଦାଲତ ନିର୍ଦ୍ଦେଶ ଅନୁଯାୟୀ ବିଚାର ବିଭାଗୀୟ ହାଜତକୁ ପଠାଇଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଜଗବନ୍ଧୁ ସାହି ରେ ଗତକାଲି ରାତିରେ ବୋମାମାଡରେ ମାଲୁ ମହାନ୍ତି ନାମକ ଜଣେ ସଫେଇ କର୍ମଚାରୀ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ତାଙ୍କର ଦୁଇ ଗୋଡ଼ରେ ଗଭୀର ଆଘାତ ହୋଇଛି।

ଘଟଣାରୁ ପ୍ରକାଶ ଯେ, ମାଲୁ ନିଜ ଘରକୁ ଯାଉଥିବା ବେଳେ ପୁର୍ବ ଶତ୍ରୁତାକୁ ନେଇ କିଛି ଯୁବକ ଅଚାନକ ତାଙ୍କ ଉପରକୁ ବୋମାମାଡ କରି ଚାଲିଯାଇଥିଲେ। ସୌଭାଗ୍ୟ ବଶତଃ ବୋମାମାଡ ତାଙ୍କର ଶରୀରର ଅନ୍ୟ କୌଣସି ସ୍ଥାନକୁ ନବାଜି କେବଳ ଗୋଡ଼ରେ ବାଜିଥିଲା, ଯାହା ଫଳରେ ସେ ବଞ୍ଚି ଯାଇଛନ୍ତି।

ଏ ସଂକ୍ରାନ୍ତରେ ବଡ଼ବଜାର ଥାନାରେ ଏକ ମାମଲା ରୁଜୁ ହୋଇଛି ଓ ପୋଲିସ ଏତଲା ଗ୍ରହଣ କରି ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ୨୦୨୦ ଜୁନ ମାସ ୩ ତାରିଖରେ ଜନୈକା ନାବାଳିକା ନିଜ ସମ୍ପର୍କୀୟଙ୍କ ଘର ବଡ଼ବଜାର ଥାନା ଅନ୍ତର୍ଗତ ଗଣେଶ ନଗରକୁ ଯାଉଥିବା ବେଳେ ସୁବାସ ମହାନ୍ତି ନାମକ ଜଣେ ବ୍ୟକ୍ତି ବାଟରେ ଉକ୍ତ ନାବାଳିକାକୁ ମୋଟରସାଇକେଲରେ ଉଠାଇ ନେଇ ନିକଟସ୍ଥ ଏକ ମନ୍ଦିର ନିକଟ ନିଚ୍ଛାଟିଆ ଜାଗାରେ ଦୁଷ୍କର୍ମ କରିଥିଲା। ସେଠାରୁ ଫେରି ନାବାଳିକା ଜଣକ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ବଡ଼ବଜାର ଥାନାରେ ଅଭିଯୋଗ କରିଥିଲେ।

ବଡ଼ବଜାର ଥାନା ପୋଲିସ ଏତଲା ନଂ ୧୨୧/୨୦୨୦ ଅନୁଯାୟୀ ଏକ ମାମଲା ରୁଜୁ କରି ତତ୍କାଳୀନ ଜନୈକା ମହିଳା ଉପନିରୀକ୍ଷକଙ୍କ ଦ୍ଵାରା ତଦନ୍ତ ଚଳାଇ ଠିକ ପରଦିନ ଅଭିଯୁକ୍ତ ସୁବାସକୁ ଗିରଫ କରି ପୋସ୍କ ଅଦାଲତକୁ ଚାଲାଣ କରିଥିଲେ। ମାନ୍ୟବର ଅଦାଲତ ୭ ଜଣ ସାକ୍ଷୀଙ୍କ ବୟାନ ରେକର୍ଡ କରି ଅଭିଯୁକ୍ତ ସୁବାସକୁ ୩ ବର୍ଷ କାରାଦଣ୍ଡ ସହ ନଗଦ ୫ ହଜାର ଟଙ୍କା ଜରିମାନା ଦଣ୍ଡ ପ୍ରଦାନ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଆଇନାବନ୍ଧ ସାହିର ଶିବଶଙ୍କର ପାତ୍ର ନାମକ ଜନୈକ ଯୁବକ ନିଜ ଘର ବିକ୍ରି କରିବାକୁ କହି ଗେଟ୍ ବଜାର ନିକଟସ୍ଥ ଚନ୍ଦ୍ରମଣି ପେଟା ସାହିର ଏ. ନମିତା ଗୁପ୍ତା ନାମ୍ନୀ ଜଣେ ମହିଳାଙ୍କ ଠାରୁ ଅଗ୍ରୀମ ୧୫ ଲକ୍ଷ ଟଙ୍କା ନେଇଥିଲେ। କିନ୍ତୁ ଶିବଶଙ୍କର ଘର ବିକ୍ରି ନକରି ଦିନ ପରେ ଦିନ ଗଡ଼େଇ ଚାଲିଲେ।

ଶେଷରେ ନମିତା ଅଗ୍ରୀମ ଟଙ୍କା ଫେରାଇବାକୁ କହିବାରୁ ଶିବଶଙ୍କର ୟୁନାଇଟେଡ଼ ବ୍ୟାଙ୍କ ଆକାଉଣ୍ଟ ରୁ ୨ ଲକ୍ଷ ଓ ୧୨ ଲକ୍ଷ ଟଙ୍କାର ଚେକ୍ ପ୍ରଦାନ କରିଥିଲେ। ନମିତା ବ୍ୟାଙ୍କକୁ ଟଙ୍କା ଉଠାଇ ପାଇଁ ଯାଇ ଦେଖିଲା ବେଳେ ଶିବଶଙ୍କର ଦେଇଥିବା ଚେକ୍ ରେ କିଛି ଅର୍ଥ ଜମା ନାହିଁ। ଏହି ବିଷୟରେ ଶିବଶଙ୍କରଙ୍କୁ କହିଲେ ମଧ୍ୟ ସେ ଧରା ଛୁଆଁ ନଦେବାରୁ ଶେଷରେ ନମିତା ବ୍ରହ୍ମପୁର ଏସ୍ ପି ଡଃ ଶ୍ରବଣ କୁମାରଙ୍କୁ ଅଭିଯୋଗ କରିଥିଲେ। ଏସ୍ ପି ଏହି ଘଟଣାକୁ ଗୁରୁତର ସହ ଗ୍ରହଣ କରିବା ପାଇଁ ବଡ଼ବଜାର ଥାନାକୁ ନିର୍ଦ୍ଦେଶ ଦେଇଥିଲେ।

ବଡ଼ବଜାର ଥାନା ପୋଲିସ୍ ନମିତାଙ୍କ ଅଭିଯୋଗ ଗ୍ରହଣ କରି ଠକିଥିବା ଶିବଶଙ୍କର ବିରୋଧରେ ଏତଲା ନଂ ୨୦୯/୨୩ ଓ ଧାରା ୪୨୦ ଅନୁଯାୟୀ ମାମଲା ରୁଜୁ କରିଛି ଓ ଉପ ଆରକ୍ଷୀ ନୀରିକ୍ଷକ ପ୍ରଫୁଲ୍ଲ କୁମାର ସାହୁ ଏହାର ତଦନ୍ତ ଦାୟିତ୍ୱ ଦେଇଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ୨୦ ତାରିଖ ଦିନ ଟାଉନ ଥାନା ଅନ୍ତର୍ଗତ ନନ୍ଦନ ହୋଟେଲ ନିକଟରୁ ୩ କିଲୋ ରୁପା ଅଳଙ୍କାର ଲୁଟ୍ ହୋଇଥିବାକୁ ଭିତ୍ତି କରି ଅନୁସନ୍ଧାନ ଜାରି ରହିଥିଲା। ଶେଷରେ ଦୁଇ ଜଣ ଯୁବକକୁ ଟାଉନ ଥାନା ପୋଲିସ ଗିରଫ କରିଛି ଓ ତାଙ୍କ ନିକଟରେ ଥିବା ୨ କିଲୋ ୮୦୦ ଗ୍ରାମ ରୁପା ଅଳଙ୍କାର ଜବତ କରିଛି।

ପ୍ରକାଶ ଥାଉକି ବଡ଼ବଜାର ଥାନା ଅନ୍ତର୍ଗତ ଜେମାଦେଇ ପେଣ୍ଠ ସାହିର ସୁରେନ୍ଦ୍ର ମହାପାତ୍ର ଗାଁ ଗାଁ ବୁଲି ରୁପା ଅଳଙ୍କାର ବିକ୍ରି କରି ଫେରୁଥିବା ବେଳେ ରାସ୍ତାରେ ନନ୍ଦନ ହୋଟେଲ ସାମନାରେ ଗାଡ଼ି ରଖି କିଛି ଖାଦ୍ୟ ପଦାର୍ଥ କିଣିବାକୁ ଯାଇଥିଲେ। ଠିକ ସେତିକି ବେଳେ ଗାଡ଼ିରେ ଲାଗିଥିବା ରୁପା ଅଳଙ୍କାର ବ୍ୟାଗ୍ ଟିକୁ ଉକ୍ତ ଦୁଇ ଯୁବକ କାଳଷଣ୍ଢପୁର ଗ୍ରାମର ଡି ଗାନ୍ଧୀ ଓ ସୋରଡ଼ା ଅଞ୍ଚଳର ଏମ୍ ଦିଲୀପ ଝାମ୍ପି ଚମ୍ପଟ ମାରିଥିଲେ।

ଏହି ବିଷୟରେ ସୁରେନ୍ଦ୍ର ମହାପାତ୍ର ଟାଉନ ଥାନାରେ ଅଭିଯୋଗ କରିବା ପରେ ପୋଲିସ ପହଞ୍ଚି ଘଟଣାସ୍ଥଳ ନିକଟରେ ଥିବା ସି ସି କ୍ୟାମେରା ଫୁଟେଜ କୁ ଆଧାର କରି ତଦନ୍ତ ଚଳାଇ ଲୁଟେରା ମାନେ ବ୍ୟବହାର କରୁଥିବା ପଲସର ମୋଟରସାଇକେଲ ନଂ କୁ ଟ୍ରାକିଂ କରି ଦୁଇ ଯୁବକ କୁ ଧରିବାରେ ସଫଳ ହୋଇଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଜେମାଦେଇପେଣ୍ଠ ସାହିର ସୁରେନ୍ଦ୍ର ମହାପାତ୍ର ନାମକ ଜଣେ ରୁପା ଅଳଙ୍କାର ବ୍ୟବସାୟୀ ଗଞ୍ଜାମ ଜିଲ୍ଲାର ଗାଁ ଗାଁ ବୁଲି ରୁପା ଅଳଙ୍କାର ବ୍ୟବସାୟ କରନ୍ତି। ସନ୍ଧ୍ୟାରେ ବ୍ୟବସାୟ ସାରି ଘରକୁ ଫେରିବା ବେଳେ ସେ ପ୍ରତ୍ୟେକ ଦିନ କିଛି ଖାଦ୍ୟ ପଦାର୍ଥ କିଣି ଘରକୁ ନିଅନ୍ତି। ଏହି ପରିପ୍ରେକ୍ଷୀରେ ସେ ଟାଉନ ଥାନା ଅନ୍ତର୍ଗତ ନନ୍ଦନ ହୋଟେଲ ସାମନାରେ କିଛି ଫାଷ୍ଟ୍ ଫୁଡ୍ କିଣିବା ବେଳେ ହଠାତ୍ ଦୁଇ ଜଣ ଯୁବକ ଏକ କଳା ପଲସର ମୋଟରସାଇକେଲରେ ଆସି ସୁରେନ୍ଦ୍ରଙ୍କ ଗାଡ଼ିରେ ଲାଗିଥିବା ଅଳଙ୍କାର ବ୍ୟାଗ୍ ଟିକୁ ଲୁଟି ନେଇଥିଲେ।

ଏହି ସମୟରେ ଲୁଟିଆଙ୍କ ସହ ସୁରେନ୍ଦ୍ରର ଟଣାଉଟରା ଓ ଧସ୍ତାଧସ୍ତି ହୋଇଥିଲା। କିନ୍ତୁ ଲୁଟେରା ମାନେ ଉକ୍ତ ଅଳଙ୍କାର ବ୍ୟାଗ୍ ତତକ୍ଷଣାତ୍ ସେଠାରୁ ଚମ୍ପଟ୍ ମାରିଥିଲେ। ସୁରେନ୍ଦ୍ର ଲୁଟେରା ମାନଙ୍କୁ ଅନୁସରଣ କରିଥିଲେ ମଧ୍ୟ ସେମାନଙ୍କୁ ପାଇଲେ ନାହିଁ। ଶେଷରେ ଉପାୟ ନପାଇ ସେ ଟାଉନ ଥାନାରେ ଅଭିଯୋଗ କରିଛନ୍ତି ଓ ଏତଲା ଗ୍ରହଣ କରି ପୋଲିସ ନିକଟରେ ସଂଯୋଗ ହୋଇଥିବା ସି ସି କ୍ୟାମେରା ଫୁଟେଜ କୁ ଆଧାର କରି ଘଟଣାର ତଦନ୍ତ ଆରମ୍ଭ କରିଛନ୍ତି।