ମୁମ୍ବାଇ: ଭାରତୀୟ ଷ୍ଟକ୍ ମାର୍କେଟରେ କ୍ରମାଗତ ବୃଦ୍ଧି ଘଟିଛି। ସେୟାର ମାର୍କେଟ ପୁଣି ଥରେ ଇତିହାସ ସୃଷ୍ଟି କରିଛି। ପ୍ରଥମ ଥର ପାଇଁ ସେନସେକ୍ସ ୫୮ ହଜାର ଅତିକ୍ରମ କରିଛି। ଶୁକ୍ରବାର ଦିନ ପ୍ରାରମ୍ଭରୁ ସେନସେକ୍ସ ୨୧୭ ପଏଣ୍ଟକୁ ବୃଦ୍ଧି ହୋଇ ୫୮ ହଜାର ୬୯ ରେ ପହଞ୍ଚିଛି। ଅନ୍ୟପକ୍ଷରେ, ନିଫ୍ଟି ୬୬.୨୦ ପଏଣ୍ଟ ବୃଦ୍ଧି ପାଇ ୧୭ ହଜାର ୩୦୦ରେ ପହଞ୍ଚିଛି। ଏହାର ଗୋଟିଏ ଦିନ ପୂର୍ବରୁ ବିଏସଏ ସେନସେକ୍ସ ଗୁରୁବାର ଦିନ ୫୧୪ ପଏଣ୍ଟ ଲମ୍ଫ ଦେଇ ଏକ ନୂଆ ରେକର୍ଡରେ ବନ୍ଦ ହୋଇଯାଇଥିଲା। ଏନଏସଇ ନିଫ୍ଟି ମଧ୍ୟ ୧୫୭.୯୦ ପଏଣ୍ଟ ଉପରକୁ ଚଢି ୧୭, ୨୩୪.୧୫ ର ସର୍ବୋଚ୍ଚ ସ୍ତରରେ ବନ୍ଦ ହୋଇଥିଲା।
