ନିରାକାରପୁର: ଖାଦ୍ୟ ଅନ୍ୱେଷଣରେ ଜନବସତି ଆଡକୁ ପଳାଇ ଆସି କୂଅରେ ପଡିଲା ଜଙ୍ଗଲି ଗାଢ ଭାଲୁ। ଗାଢଭାଲୁକୁ କୂଅରୁ ଅକ୍କାନ୍ତ ପରିଶ୍ରମ କରି ଉଦ୍ଧାର କଲା ଟାଗିଂ ବନବିଭାଗ ଓ ଅଗ୍ନିଶମ ବିଭାଗ। ସୂଚନାରୁ ଜଣାପଡିଛି ଗତକାଲି ରାତିରେ ଚିତ୍ରକୂଟ ଜଙ୍ଗଲରୁ ଏକ ଗାଢଭାଲୁ କାଶିପୁର ଗାଁ ଆଡକୁ ପଳାଇ ଆସି ଗଗାଂ ପାଇକରାୟଙ୍କ କୂଅରେ ପଡିଯାଇଥିଲା।
ଗାଢଭାଲୁଟି କାଶିପୁର ଗ୍ରାମର ପଦ୍ମାବତୀ ଦଳାଇ ନାମକ ଜଣେ ମହିଳାଙ୍କୁ କାମୁଡି ରକ୍ତାକ୍ତ କରିଥିଲା। ମହିଳା ଜଣଙ୍କ ଖୋର୍ଦ୍ଧା ମେଡିକାଲରେ ଭର୍ତ୍ତି ହୋଇଛନ୍ତି। ଗାଢଭାଲୁକୁ ଦେଖିବା ପାଇଁ ଲୋକେ ଜମା ହୋଇଥିଲେ। ଟାଙ୍ଗୀ ବନବିଭାଗ ଗାଢ ଭାଲୁକୁ ଉଦ୍ଧାର କରି ଜଂଗଲରେ ଛାଡିବାକୁ ନେଇଥିବା ଜଣାପଡିଛି। ତେବେ ତା ପୂର୍ବରୁ ତାହାର ସ୍ୱାସ୍ଥ୍ୟ ପରୀକ୍ଷା କରାଯିବ ବୋଲି ବନଵିଭାଗ ସୂଚନାରୁ ଜଣାପଡିଛି।
