ଭୁବନେଶ୍ବର,ଭୀନିଲ କ୍ରିଷ୍ଣାଙ୍କୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଅଫିସର ଅନ ସ୍ପେଶାଲ ଡ୍ୟୁଟି OSD ଭାବେ ନିଯୁକ୍ତି ଦିଆଯାଇଛି। ସେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ରହି କୋଭିଡ ପରିଚାଳନା କଥା ବୁଝିବେ। ଓଡ଼ିଶା ଖଣି ନିଗମର ଏମଡି, କ୍ରୀଡା ବିଭାଗର ନିର୍ଦେଶକ ଭାବେ ପୂର୍ବ ଦାୟିତ୍ବ ସହ ଓଏସଡି ଭାବେ ଅତିରିକ୍ତ ଦାୟିତ୍ବ ତୁଲାଇବେ।ଭୀନିଲ କ୍ରିଷ୍ଣା OMECLରେ ଏମଡି ମଧ୍ୟ ଅଛନ୍ତି।
ଆଉ ଦୁଇ ଅଫିସରଙ୍କୁ ମଧ୍ୟ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ନିଯୁକ୍ତି ମିଳିଛି। ଲାଲା ମନୋଜ କୁମାର ରାୟ ସିଏମଓ ଯୁଗ୍ମ ସଚିବ ନିଯୁକ୍ତ ହୋଇଛନ୍ତି। ଏବେ ସେ ଜଳସମ୍ପଦ ବିଭାଗରେ ଯୁଗ୍ମ ସଚିବ ଥିଲେ। କଟକ ଉପଜିଲ୍ଲାପାଳ ଶୁଭ୍ରାଂଶୁ ମିଶ୍ର ସିଏମଓ ଡେପୁଟୀ ସଚିବ ହୋଇଛନ୍ତି। ଶୁଭ୍ରାଂଶୁ ମିଶ୍ରଙ୍କ ସ୍ଥାନରେ ପ୍ରତାପ କୁମାର ବେଉରାଙ୍କୁ କଟକ ଉପଜିଲ୍ଲାପାଳ ପଦରେ ଅବସ୍ଥାପିତ କରାଯାଇଛି।