Tag: ଭୀଷଣ ବାତ୍ୟା ଅସାନି

ଭୁବନେଶ୍ବର: ଦୁର୍ବଳ ହେଲା ଭୀଷଣ ବାତ୍ୟା “ଅସାନି” । ଏ ନେଇ ପାଣିପାଗ ବିଭାଗ ତରଫରୁ ସୂଚନା ଦିଆଯାଇଛି। ତେବେ କୌଣସି ସତର୍କ ହଟାଯାଇ ନାହିଁ ବୋଲି ଜଣାପଡିଛି। କାରଣ ଏହା ବର୍ତ୍ତମାନ ସୁଦ୍ଧା ବାତ୍ୟା ଭାବେ ପରିଣତ ହୋଇଛି। ଏହାପରେ ଅବପାତରେ ପରିଣତ ହୋଇ ତାହା ଉଭେଇ ଯିବ।

ପାଣିପାଗ ବିଭାଗ ଅନୁସାରେ ବର୍ତମାନ ଅସାନି ଗୋପାଳପୁରଠାରୁ ଦକ୍ଷିଣ-ଦକ୍ଷିଣ-ପଶ୍ଚିମ ଦିଗରେ 540 କିମି ଦୂରରେ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ କେନ୍ଦ୍ରୀଭୂତ ହୋଇଛି।  ଏହା ଘଣ୍ଟାରେ 12  କିଲୋମିଟର ବେଗରେ ପଶ୍ଚିମ-ଉତ୍ତର-ପଶ୍ଚିମ ଦିଗରେ ଗତି କରିଛୁ। ତେବେ ଏହାର ପ୍ରଭାବରେ ଆଜି ମଧ୍ୟ ଓଡିଶାର ବିଭିନ୍ନ ସ୍ଥାନରେ ବର୍ଷା ଜାରୀ ରହିବ ବୋଲି ଜଣାପଡିଛି।