ଭୁବନେଶ୍ବର: କବି ତଥା ଗବେଷକ କେଦାର ମିଶ୍ର ଏବଂ ଗାଳ୍ପିକ ତଥା ଗବେଷକ ଡ ସଂଜୟ କୁମାର ବାଗ୍ ପାଇବେ ଭୁବନେଶ୍ବର ବେହେରା ସାହିତ୍ୟ ସମ୍ମାନ। କେଦାର ମିଶ୍ରଙ୍କୁ 2020 ମସିହା ଏବଂ ସଂଜୟ ବାଗଙ୍କୁ 2021 ମସିହା ପୁରସ୍କାର ପାଇଁ ମନୋନିତ କରାଯାଇଛି। ମହାବୀର ସାଂସ୍କୃତି ଅନୁଷ୍ଠାନ ତରଫରୁ ଏହି ପୁରସ୍କାର ପ୍ରତି ବର୍ଷ ପ୍ରଦାନ କରାଯାଇଥାଏ।
ଆଜି ଅନୁଷ୍ଠାନର ଏକ ଚୟନ କମିଟ ବସି ଏହି ନିଷ୍ପତି ଗ୍ରହଣ କରିଛନ୍ତି। କେଦାର ମିଶ୍ରଙ୍କ ଲିଖିତ ‘ଶଦ୍ଦକୁ ଚାରିପାଦ’, ‘ଆଶାସୁପ୍ତ’, ‘ରାଗ କେଦାର’ ଏବଂ ‘ପ୍ରେମର ଦୂରଗୀତି’ ପ୍ରଭୃତି କୃତି ବେଶ ଆଦୃତି ଲାଭ କରିଛି। ସେହିପରି ଗବେଷକ ତଥା ଗାଳ୍ପୀକ ସଂଜୟ ବାଗଙ୍କ ‘ବର୍ଣ୍ଣବୋଧ ଓ ମଧୁବାବୁଙ୍କ କଥା’, ‘ପଶ୍ଚିମ ଓଡିଶାର ପାରଂପାରିକ କ୍ରୀଡା’, ‘ଓଡିଶାର ଲୋକ କ୍ରୀଡା’ ପ୍ରଭୃତି କୃତି ରହିଛି। ଏହି ଦୁଇ ଜଣଙ୍କୁ ନଭେମ୍ବର ମାସରେ ଅନୁଷ୍ଠାନ ତରଫରୁ ଆୟୋଜିତ ଏକ ଉତ୍ସବରେ ପୁରସ୍କୃତ କରାଯିବ।