Categories
ଆଜିର ଖବର ରାଜ୍ୟ ଖବର

ଭୁଷଣ୍ଡପୁର ବାଣ ବିସ୍ଫୋରଣ ପରେ ଆକ୍ସନ ମୋଡରେ ଜିଲ୍ଲା ପ୍ରଶାସନ: ୧୭ଟି ସ୍ଥାନରେ ଚଢାଉ

ଖୋର୍ଦ୍ଧା: ଭୁଷଣ୍ଡପୁର ବାଣ ବିସ୍ଫୋରଣ ଘଟଣା ପରେ ଖୋର୍ଦ୍ଧା ଜିଲ୍ଲା ପ୍ରଶାସନ ଏବେ ଆକ୍ସନ ମୋଡକୁ ଆସିଛି। ଏନେଇ  ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଆରମ୍ଭ ହୋଇଛି ଗୁରୁତ୍ୱପୂର୍ଣ୍ଣ ବୈଠକ।

ବୈଠକରେ ସାମିଲ ହୋଇଛନ୍ତି ଖୋର୍ଦ୍ଧା ଏସପିଙ୍କ ଠାରୁ ଆରମ୍ଭ କରି ଅତିରିକ୍ତ ଏସ.ପି., ଏସ.ଡି.ପି.ଓ, ତହସିଲଦାର, ବିଡ଼ିଓ ଓ ବିଭିନ୍ନ ଥାନା ଅଧିକାରୀ। ଆଗକୁ ଦୋଳ ଉତ୍ସବ ଥିବାବେଳେ  ବିଭିନ୍ନ ଦୋଳ ମେଳଣରେ ବାଣ ଫୁଟାଇବା ଓ ବେଆଇନ ବାଣ ତିଆରି ଉପରେ ରୋକ୍ ଲଗାଇବାକୁ ନେଇ ବୈଠକରେ ବିଷଦ ଆଲୋଚନା ହୋଇଛି।

ଭୁଷଣ୍ଡପୁର ବାଣ ବିସ୍ଫୋରଣ ଘଟଣା ପରେ ଅଦ୍ୟାବଧି ଜିଲ୍ଲାର ୧୭ଟି ସ୍ଥାନରେ ଚଢାଉ କରି ୬୨କିଲୋଗ୍ରାମ ବିସ୍ଫୋରକ ଜବତ କରିଥିବା ବେଳେ ମୋଟ୍ ୬ଜଣଙ୍କୁ ଗିରଫ କରାଯାଇଥିବା ନେଇ ସୂଚନା ଦେଇଛି ପୋଲିସ୍।

Categories
ଅପରାଧ ଆଜିର ଖବର ରାଜ୍ୟ ଖବର

ଟାଙ୍ଗୀ: ସାମାନ୍ୟ ବଚସାରୁ ସାଙ୍ଗକୁ ପଥରରେ ଆକ୍ରମଣ କଲା ସାଙ୍ଗ, ଦୁଇ ଗୁରୁତର

ସୀତାରାମ ଅଗ୍ରୱାଲ

ଟାଙ୍ଗୀ: ସାମାନ୍ୟ ବଚସାରୁ ସାଙ୍ଗକୁ ପଥରରେ ଆକ୍ରମଣ କଲା ଉତ୍ୟକ୍ତ ସାଙ୍ଗ। ବଂଚାଇବାକୁ ଯାଇ ୨ ଗୁରୁତର ସହ ଜଣେ ସାମାନ୍ୟ ଆହତ। ଖୋର୍ଦ୍ଧା ଜିଲା ଟାଙ୍ଗୀ ଥାନା ଭୁଷଣ୍ଡପୁର ଫାଣ୍ଡି ଅଧିନସ୍ଥ ଜଗନ୍ନାଥ ପୁର ଗ୍ରାମରେ ଏଭଳି ଘଟଣା ଘଟିଛି। ଗୁରୁତର ଦ୍ୱୟ ହେଲେ ଜଗନ୍ନାଥ ପୁର ଗ୍ରାମର ସଂଗ୍ରାମ ବେହେରା (୧୯) ଏବଂ ତାଙ୍କ ବଡ ବାପା ଜୟ ବେହେରା (୬୫। ଉକ୍ତ ଘଟଣାରେ ମଧ୍ୟ୍ୟ ସଂଗ୍ରାମ ବେହେରାଙ୍କ ପିତା ସୁବାସ ବେହେରା ଆହତ ହୋଇଥିବା ଜଣା ପଡିଛି। ଏ ନେଇ ଭୁଷଣ୍ଡପୁର ଫାଣ୍ଡିରେ ଲିଖିତ ଅଭିଯୋଗ ହୋଇଛି।

ଗତ ୩ ମାସ ତଳେ ଭୁଷଣ୍ଡପୁର ଜଗନ୍ନାଥ ପୁର ଗ୍ରାମର ସଂଗ୍ରାମ ବେହେରା ଓ ତାଙ୍କର ଜଣେ ସାଙ୍ଗ ସହ କୌଣସି କାରଣକୁ ନେଇ ଗଣ୍ଡଗୋଳ ହୋଇଥିଲା। ତେବେ ଏହି ଗଣ୍ଡଗୋଳ ଘଟଣାର ସ୍ଥାନୀୟ ଲୋକଙ୍କ ଉପସ୍ଥିତିର ଆପୋଷ ସମାଧାନ କରାଯାଇଥିଲା। ସେହି ଦିନ ଠାରୁ ସଂଗ୍ରାମ ଓ ତାଙ୍କର ସାଙ୍ଗଙ୍କ ମଧ୍ୟ୍ୟରେ କଥାବାର୍ତ୍ତା ବନ୍ଦ ରହିଥିଲା।

ତେବେ ଗତକାଲି ସଂଗ୍ରାମ ଏକ ଦୋକାନ ନିକଟରେ ବସିଥିବା ବେଳେ ତାଙ୍କର ସାଙ୍ଗ ଅମ୍ବୁରା ବେହେରା ଓ ଅମ୍ବୁରାଙ୍କ ବଡ ଭାଇ ସାଗର ବେହେରା ସଂଗ୍ରାମ ନିକଟରେ ପହଂଚି ଆମସହ କଣ ପାଇଁ କଥାବାର୍ତ୍ତା କରୁନାହିଁ ବୋଲି ସଂଗ୍ରାମକୁ ପଚାରିଥିଲେ। କ୍ରମେ ଏହି ଘଟଣାକୁ ନେଇ ଉଭୟଙ୍କ ମଧ୍ୟ୍ୟରେ ବଚସା ହୋଇଥିଲା। ଏଥିରେ ଅମ୍ବୁରା ଓ ସାଗର ଦୁଇ ଭାଇ ଉତ୍ୟକ୍ତ ହୋଇ ସଂଗ୍ରାମଙ୍କୁ ପଥରରେ ଆକ୍ରମଣ କରିଥିଲେ।

ସଂଗ୍ରାମଙ୍କୁ ଏଥିରୁ ବଂଚାଇବାକୁ ଯାଇ ତାଙ୍କ ବଡ ବାପା ଜୟ ବେହେରା ଗୁରୁତର ଆହତ ହୋଇଛନ୍ତି। ଜୟ ବେହେରାଙ୍କ ଛାତି ଓ ବେକରେ ଗଭୀର କ୍ଷତ ହୋଇଥିବା ବେଳେ ସଂଗ୍ରାମଙ୍କ ମଧ୍ୟ୍ୟ ମୁଖରେ ଗଭୀର କ୍ଷତି ହୋଇଛି। ଏ ନେଇ ଭୁଷଣ୍ଡପୁର ଫାଣ୍ଡିରେ ଅଭିଯୋଗ କରାଯାଇଥିବା ଜଣା ପଡିଛି। ବର୍ତ୍ତମାନ ଆହତଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।

Categories
ଆଜିର ଖବର ରାଜ୍ୟ ଖବର

ଭୁଷଣ୍ଡପୁର ରେଲୱେ ଷ୍ଟେସନ ନିକଟରେ ଅଘଟଣ: ହାତୀକୁ ପିଟିଲା ଟ୍ରେନ୍

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ରେଂଜ୍ ଭୁଷଣ୍ଡ ପୁର ରେଲୱେ ଷ୍ଟେସନ ନିକଟରେ ଅଘଟଣ ଘଟିଛି। ଭୁଷଣ୍ଡ ପୁର ଉଗ୍ରତାରା ରେଳ ଫାଟକ ନିକଟରେ ଦନ୍ତାକୁ ଟ୍ରେନ ଧକ୍କା ଦେଇଛି। ଫଳରେ ହାତୀଟି ଗୁରୁତର ଆହାତ ହୋଇଛି।

ସୂଚନା ଅନୁଯାୟୀ, ଟାଙ୍ଗୀ ରେଂଜ୍ ର ଭୁଷଣ୍ଡ ପୁର ଡିପିଏଫ୍ ଉଗ୍ରତାରା ରେଳ ଫାଟକ ନିକଟରେ ହାତୀ ପଲ ରେଳ ଟ୍ରାକ ଅତିକ୍ରମ କରୁଥିଲେ। ୧୯ ଟିକିଆ ହାତୀ ପଲ ମଧ୍ୟରୁ ୬ ଦନ୍ତା, ୫ ଛୁଆ ହାତୀ ଏବଂ ୮ ଟି ମାଇ ହାତୀ ଥିବା ଜଣା ପଡିଛି। ଉକ୍ତ ହାତୀ ପଲ ରାତିରେ ଗାଁ ମୁହାଁ ହୋଇ ଧାନ ଫସଲ ଖାଇବା ପାଇଁ ଚାଷ କ୍ଷେତକୁ ଯାଉଥିଲେ। ଆଜି ରାତିରେ ୧୯ ଟିକିଆ ହାତୀ ପଲ ଉଗ୍ରତାରା ଛକ ନିକଟ କନ୍ତଳ ବାଇ ନିକଟରେ ରେଳ ଧାରଣା ପାର୍ ହୋଇ ଚାଷ କ୍ଷେତକୁ ଧାନ ଖାଇବାକୁ ଯାଉଥିବା ବେଳେ କନ୍ତଳ ବାଇ ରେଳ ଫାଟକ ନିକଟରେ ଏକ ଦନ୍ତାକୁ ଧକ୍କା ଦେଇଥିଲା ମାଲ ବାହୀ ଟ୍ରେନ୍।

ଫଳରେ ଦନ୍ତାର ପଛ ଭାଗରେ ଗୁରୁତର ଆଘାତ ଲାଗିଥିଲା। ବର୍ତ୍ତମାନ ସେହି ହାତୀଟି ଚାଲିବା ପାଇଁ ଅକ୍ଷମ ବୋଲି ସୂଚନା ରହିଛି। ଖବର ପାଇ ଟାଙ୍ଗୀ ବନ ବିଭାଗ ରେଂଜର ରବିନ୍ଦ୍ର ନାଥ ପଣ୍ଡାଙ୍କ ନେତ୍ରୁତ୍ୱରେ ଏକ ଦଳ ବାହାରି ଗୁରୁତର ଆହତ ଦନ୍ତାକୁ ଠାବ କରିବା ପାଇଁ ଯାଇଥିବା ସୂଚନା ରହିଛି।