ନୂଆଦିଲ୍ଲୀ: ବିଜେଡି ସାଂସଦ ମମତା ମହନ୍ତ ରାଜ୍ୟସଭାର ଉପାଧ୍ୟକ୍ଷ ପ୍ୟାନେଲରେ ସାମିଲି ହୋଇଛନ୍ତି। ଆଜି ସ୍ବତନ୍ତ୍ର ଅଧିବେସନରେ ଏହା ଘୋଷଣା କରିଛନ୍ତି ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖର। ମମତାଙ୍କ ସହିତ ଆଜି ଆଠଜଣ ସାଂସଦଙ୍କୁ ନୂଆ ପ୍ୟାନେଲରେ ସାମିଲ କରାଯାଇ ଏହାର ପୁନଃଗଠନ କରାଯାଇଛି। ଏଥିରେ ଚାରି ଜଣ ମହିଳା ସଦସ୍ୟା ଅଛନ୍ତି।
ମମତାଙ୍କ ସହିତ ଯେଉଁ ମହିଳା ସାଂସଦ ସାମିଲି ହୋଇଛନ୍ତି ସେମାନେ ହେଲେ ବିଜେପିର କାନ୍ତ କରଡାମ, ସୁମିତ୍ରା ବାଲମିକ ଏବଂ ଗୀତା ଓରଫ ଚନ୍ଦ୍ରପ୍ରଭା। ଏହି ଚାରିଜଣଙ୍କୁ ନିଯୁକ୍ତି ଦିଆଯାଇ ପଚାଶ ପ୍ରତିଶତ ମହିଳା ସଂରକ୍ଷଣ କରାଯାଇଛି ବୋଲି ଅଧ୍ୟକ୍ଷ କହିଥିଲେ।