Categories
ଆଞ୍ଚଳିକ

ମହୁକୁଦ ଗ୍ରାମରେ ହାତୀ ଉପଦ୍ରବ, ଧାନ ଫସଲ ନଷ୍ଟ

କନ୍ଦର୍ପ ବେହେରା
ରେଢ଼ାଖୋଲ: ନାକ୍ଟିଦେଉଳ ରେଞ୍ଜ ଅଧିନରେ ଥିବା ଗାଁ ମାନଙ୍କରେ ହାତୀ ଉପଦ୍ରବ ଯୋଗୁଁ ବ୍ୟାପକ ଫସଲ ନଷ୍ଟ ହେଉଥିବା ଜଣା ପଡ଼ିଛି। ତା ୧୮.୧୦.୨୨ ରିଖ ର ଵିଳମ୍ଵିତ ରାତ୍ରିରେ ନାକଟିଦେଉଳ ବ୍ଲକ୍ ଅନ୍ତର୍ଗତ ବଳମ ପଞ୍ଚାୟତ ର ମହୁକୁଦ ଗ୍ରାମ ଖଳିମୁଣ୍ଡା ନିକଟବର୍ତ୍ତୀ ଜାମୁପଟି ରେ ପ୍ରାୟ ଵାର ଘରିଆ ହାତୀ ପ୍ରଵେଶ କରି ପାଞ୍ଚ ଜଣ ଵ୍ୟକ୍ତି ଙ୍କର ଚାଷ ଜମିର ଅଧାଭାଗ ଫସଲ ନଷ୍ଟ କରିଛନ୍ତି।

ଏବର୍ଷ ଚାଷ ଭଲ ହୋଇଥିବାରୁ ଚାଷୀମାନେ ମାନସିକ ସ୍ତରରେ ଭାଙ୍ଗି ପଡିଛନ୍ତି। ବାରମ୍ବାର ହାତୀ ଉପଦ୍ରବ ହେଉଥିଲେ ମଧ୍ୟ ଏପର୍ଯ୍ୟନ୍ତ ସ୍ଥାୟୀ ପ୍ରତିକାର କରାଯାଇପାରିନାହିଁ। କ୍ଷତିଗ୍ରସ୍ତ ଚାଷୀମାନଙ୍କୁ ଆବଶ୍ୟକୀୟ କ୍ଷତିପୁରଣ ଦେବାକୁ ଦାବୀ ହେଉଛି। ହାତୀ ଘଉଡାଇବାରେ ବନବିଭାଗର କର୍ମଚାରୀମାନେ ଆଗ ଭର ହେଉ ନ ଥିବା ଅଭିଯୋଗ ହେଉଛି।

Categories
ଆଜିର ଖବର ରାଜ୍ୟ ଖବର

ଭାରତୀୟ ନିଟ୍ ପରୀକ୍ଷାରେ ଗାଁ ପୁଅ ଓ ଝିଅର ବିରଳ କୃତିତ୍ୱ

କନ୍ଦର୍ପ ବେହେରା

ରେଢାଖୋଲ: ସର୍ବଭାରତୀୟ ନିଟ୍ ପରୀକ୍ଷାରେ ନାକଟିଦେଉଳ ବ୍ଲକ୍ ମହୁକୁଦ ଗ୍ରାମର ଜଣେ ଛାତ୍ର ଓ ଜଣେ ଛାତ୍ରୀ କୃତୀତ୍ୱ ହାସଲ କରି ରେଢାଖୋଲ ଅଂଚଳ ପାଇଁ ଗର୍ବ ଓ ଗୌରବ ଆଣିଛନ୍ତି।

ନାକଟିଦେଉଳ ବ୍ଲକ୍‌ର ମହୁକୁଦ ଗ୍ରାମର ବିଶିଷ୍ଟ ଶିଶୁ ସାହିତ୍ୟିକ ନୃସିଂହ ଚରଣ ବିଶ୍ୱାଳଙ୍କ କନିଷ୍ଠ ପୁତ୍ର ସର୍ବଜିତ୍ ବିଶ୍ୱାଳ ୬୪୦ ନଂ ରଖି ଜାତୀୟ ସ୍ତରରେ ୬୭୮୬ ର‌୍ୟାଙ୍କ ହାସଲ କରିଛନ୍ତି। ଠିକ୍ ସେଇ ଗ୍ରାମର ପ୍ରହଲ୍ଲାଦ ରାଉଳଙ୍କ ଝିଅ ଶୃତି ରାଉଳ ୫୯୬ ନମ୍ବର ରଖି ଜାତୀୟ ସ୍ତରରେ ୨୨୭୦୨ ର‌୍ୟାଙ୍କ ହାସଲ କରି କୃତିତ୍ୱ ହାସଲ କରିଛନ୍ତି। ଏହି ଛାତ୍ର ଛାତ୍ରୀଙ୍କ କୃତିତ୍ୱ ପାଇଁ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି।

ଏପରିକି ଗ୍ରାମାଂଚଳର ଗୋଟିଏ ଗ୍ରାମର ଛାତ୍ର ଛାତ୍ରୀ ଏହି ଡାକ୍ତରୀ ପାଠ ପଢିବା ପାଇଁ  ସୁଯୋଗ ମିଳିଥିବାରୁ ଗ୍ରାମାଂଚଳର ଅନ୍ୟ ଛାତ୍ର ଛାତ୍ରୀ ମାନଙ୍କୁ ନିଶ୍ଚୟ ପ୍ରେରଣା ଯୋଗଇବ  ବୋଲି ଚର୍ଚ୍ଚା ହେଉଛି। ପ୍ରକାଶ ଥାଉ କି ନୃସିଂହ ଚରଣ ବିଶ୍ୱାଳ ଙ୍କ ଜ୍ୟେଷ୍ଠ ପୁତ୍ର ସିଏଟି ପରୀକ୍ଷାରେ କୃତୀତ୍ୱ ହାସଲ କରିବା ସହ ସେ ଏବେ ଇଣ୍ଡିଆନ୍ ଇନ୍‌ଷ୍ଟିଚ୍ୟୁଟ୍ ଅଫ୍ ମ୍ୟାନେଜ୍‌ମେଂଟ୍, ରାଂଚି ଠାରେ ଅଧ୍ୟୟନ କରୁଛନ୍ତି।