ମାଥିଲି ଥାନା Archives

ଭୁବନେଶ୍ଵର: ମାଓବାଦୀ ଅଭିଯାନ କ୍ଷେତ୍ରରେ ମାଲକାନଗିରି ପୁଲିସକୁ ଏକ ବଡ ସଫଳତା ମିଳିଛି। ଦୁଇଜଣ ଦୁର୍ଦାନ୍ତ ମାଓବାଦୀଙ୍କୁ ଗିରଫ କରିବାରେ ପୁଲିସ ସଫଳ ହୋଇଛି। ଗିରଫ ଦୁଇଜଣ ହେଉଛନ୍ତି, କେଶା କୌୱାସି ଓ ରାକେଶ ଓରଫ୍‌ ସାନୁକୁଞ୍ଜମ। କେଶାର ଘର ଛତିଶଗଡର ବସ୍ତର ଜିଲ୍ଲାରେ ହୋଇଥିବା ବେଳେ ସାନୁର ଘର ମଧ୍ୟ ସେହି ଛତିଶଗଡ଼ର ବିଜାପୁର ଅଞ୍ଚଳ ବୋଲି ଜଣାଯାଇଛି। ଉଭୟଙ୍କ ନିକଟରୁ ଗୋଟିଏ ପିସ୍ତଲ, ୬ ରାଉଣ୍ଡ ଗୁଳି, ଇଲେକ୍ଟ୍ରିକ୍‌ ଡିଟୋନେଟର, କୋଡେକ୍ସ ତାର, ଗନ ପାଉଡର, ୱାକିଟକି, ବ୍ୟାଟେରୀ ଓ ମାଓ ପୁସ୍ତିକା ଜବତ ହୋଇଛି।

ଭୁବନେଶ୍ବର: ସୁରକ୍ଷାକର୍ମୀଙ୍କ ଗୁଳିରେ ୩ ଜଣ ମାଓବାଦୀ ପ୍ରାଣ ହରାଇଛନ୍ତି। ମାଲକାନଗିରି ମାଥିଲି ଥାନା ଅନ୍ତର୍ଗତ ତୁଲସୀ ବନାଞ୍ଚଳରେ ଆଜି ସୁରକ୍ଷାକର୍ମୀଙ୍କ ଗୁଳିରେ ୩ ଜଣ ମାଓବାଦୀ ପ୍ରାଣ ହରାଇଛନ୍ତି। ଘଟଣାସ୍ଥଳରୁ ୨ ଟି ବନ୍ଧୁକ ମଧ୍ୟ ଜବତ କରାଯାଇଛି। ନିହତ ହୋଇଥିବା ୩ ଜଣ ମାଓବାଦୀଙ୍କ ମଧ୍ୟରୁ ୨ ଜଣ ମହିଳା ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ ଜଣେ ପୁରୁଷ ମାଓବାଦୀ ପ୍ରାଣ ହରାଇଛନ୍ତି।

ତେବେ ଏହି ଏନକାଉଣ୍ଟରରେ ଆନ୍ଧ୍ର-ଓଡିଶା ବର୍ଡର ସ୍ପେଶାଲ ଜୋନାଲ କମିଟିର ମିଲିଟାରୀ ପ୍ଲାଟୁନ ସଦସ୍ୟ ସାମିଲ ଥିଲେ। ବର୍ତ୍ତମାନ ସୁରକ୍ଷାକର୍ମୀଙ୍କ ଦ୍ଵାରା କମ୍ବିଂ ଅପରେସନ ଜାରି ରହିଛି। ସାମ୍ବାଦିକ ସମ୍ମିଳନୀରେ ପୋଲିସ ଡିଜି ଅଭୟ ଏନେଇ ସୂଚନା ଦେଇଛନ୍ତି।