Categories
ଆଞ୍ଚଳିକ

ଟାଙ୍ଗୀ: ମା ମଙ୍ଗଳା ମନ୍ଦିରରୁ ଚୋରୀ, ଦାନ ବାକ୍ସ ସହ ଅଳଂକାର ଲୁଟିନେଲେ ଦୁର୍ବୃତ୍ତ

ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଜରିପଡା ହରିଜନ ସାହିର ମା’ ମଙ୍ଗଳା ମନ୍ଦିରରୁ ଗତ କାଲି ରାତିରେ ଚୋରୀ ହୋଇଥିବା ଜଣାପଡିଛି। ଦୁର୍ବୃତ୍ତମାନେ ମନ୍ଦିରର ତାଲା ଭାଙ୍ଗି ମନ୍ଦିରରୁ ଚୋରୀ କରିଥିବା ଅଭିଯୋଗ ହୋଇଛି। ଗତକାଲି ରାତିରେ ତାଲା ଭାଙ୍ଗି ମନ୍ଦିରର ଦାନ ବାକ୍ସ ସହ ଅଳଂକାର, ପୂଜା ସାମଗ୍ରୀ ଚୋରୀ ହୋଇଥିବା ଜଣା ପଡି।

ମନ୍ଦିରର ପୂଜକ ଆଜି ସକାକୁ ମନ୍ଦିରକୁ ପୂଜା କରିବା ପାଇଁ ଆସିଥିବା ବେଳେ ମନ୍ଦିରର ତାଲା ଭଙ୍ଗା ଯାଇଥିବା ଦେଖିଥିଲେ। ଏ ନେଇ ପୂଜକ ଗାଁ ଲୋକଙ୍କୁ ଚୋରୀ ସମ୍ପର୍କରେ
ଜଣାଇଥିଲେ।

ଗାଁ ଲୋକଙ୍କ ପକ୍ଷରୁ ଟାଙ୍ଗୀ ଥାନାରେ ଲିଖିତ ଅଭିଯୋଗ କରିବା ପରେ ଟାଙ୍ଗୀ ଥାନା ପୋଲିସ ଗାଁ ରେ ପହଞ୍ଚି ତଦନ୍ତ ଆରମ୍ଭ କରିଛି।

Categories
ଆଜିର ଖବର ରାଜ୍ୟ ଖବର

ଆଜି ଶେଷ ଚୈତ୍ର ମଙ୍ଗଳବାର: କାକଟପୁର ମା’ ମଙ୍ଗଳା ମନ୍ଦିରରେ ୧୪୪ ଧାରା ଜାରି

କୋଣାର୍କ: କରୋନା ସଂକ୍ରମଣକୁ ଦେଖି କାକଟପୁର ମା’ ମଙ୍ଗଳା ମନ୍ଦିରରେ ୧୪୪ ଧାରା ଜାରି କରାଯାଇଛି। ଝାମୁ ଯାତ୍ରାରେ ଶ୍ରଦ୍ଧାଳୁଙ୍କ ଭିଡ ସମ୍ଭାବନା ଥିବାରୁ ପ୍ରଶାସନ ଏଭଳି ନିଷ୍ପତ୍ତି ନେଇଛି। ଆଜି ଶେଷ ଚୈତ୍ର ମଙ୍ଗଳବାରରେ ମା’ ମଙ୍ଗଳାଙ୍କ ପୀଠରେ ଝାମୁ ଯାତ୍ରା ଅନୁଷ୍ଠିତ ହେବ। ତେଣୁ ଭିଡକୁ ରୋକିବା ପାଇଁ ପ୍ରଶାସନ ୧୪୪ ଧାରା ଜାରି କରିଛି। କୋଭିଡ଼ କଟକଣା ମଧ୍ୟରେ ଝାମୁ ଯାତ୍ରା କରିବାକୁ ପ୍ରଶାସନ ନିର୍ଦ୍ଦେଶ ଦେଇଛି। କେବଳ ମାନସିକଧାରୀ ଓ ସେବାୟତଙ୍କ ଉପସ୍ଥିତିରେ ଝାମୁ ଯାତ୍ରା ପାଇଁ ପ୍ରଶାସନ ନିର୍ଦ୍ଦେଶ ଦେଇଛି।