ନୂଆଦିଲ୍ଲୀ: ଆଜି କେନ୍ଦ୍ର ସଂଖ୍ୟାଲଘୁ ବିଭାଗ ମନ୍ତ୍ରୀ ମୁକ୍ତାର୍ ଅବ୍ବାସ ନାକଭି ତାଙ୍କ ପଦରୁ ଇସ୍ତଫା ଦେଇଛନ୍ତି। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବା ପରେ ସେ ଏହି ଇସ୍ତଫା ଦେଇଛନ୍ତି। ସେ ଆଜି ତାଙ୍କର ଶେଷ କେନ୍ଦ୍ର କ୍ୟାବିନେଟ ବୈଠକରେ ମଧ୍ୟ ଯୋଗ ଦେଇଥିଲେ। ଏହି ବୈଠକରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ତାଙ୍କୁ ପ୍ରଶଂସା କରିଥିଲେ।
ଏଭଳି ପରିସ୍ଥିତିରେ କଳ୍ପନାଜଳ୍ପନା କରାଯାଉଛି ଯେ ବର୍ତ୍ତମାନ ମୁକ୍ତାର୍ ଅବ୍ବାସ ନାକଭିଙ୍କୁ ଅନେକ ବଡ ଦାୟିତ୍ବ ଦିଆଯାଇପାରେ। ବିଜେପି ତାଙ୍କୁ ଏଥର ରାଜ୍ୟସଭାକୁ ମଧ୍ୟ ପଠାଇ ନାହିଁ। ଏଭଳି ପରିସ୍ଥିତିରେ ଆଲୋଚନା ଆହୁରି ସରଗରମ ହେଉଛି। ଦୀର୍ଘ ଦିନ ଧରି ବିଜେପିରେ ରହିଆସୁଥିବା ଅଳ୍ପ କିଛି ମୁସଲମାନ ନେତାଙ୍କ ମଧ୍ୟରୁ ମୁକ୍ତାର୍ ଅବ୍ବାସ ନାକଭି ହେଉଛନ୍ତି ଅନ୍ୟତମ।