ରେଢାଖୋଲ (କନ୍ଦର୍ପ ବେହେରା): ନାକଟିଦେଉଳ ବ୍ଲକ କିସିଣ୍ଡା ମହାବିଦ୍ୟାଳୟ ଠାରେ ସମ୍ବଲପୁର ନେହେରୁ ଯୁବକ କେନ୍ଦ୍ର ସହାୟତାରେ “ମୋ ମାଟି ମୋ ଦେଶ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କିସିଣ୍ଡା ମହାବିଦ୍ୟାଳୟର ଅଧ୍ୟକ୍ଷା ସୁଶ୍ରୀତା ଭୋଇ ଏହି କାର୍ଯ୍ୟକ୍ରମରେ ଅଧକ୍ଷତା କରିଥିବା ବେଳେ ମହାବିଦ୍ୟାଳୟର ଅଧ୍ୟାପକ କୌଶିକ କୁମାର ପ୍ରଧାନ, ସୁଶାନ୍ତ ନାଏକ, ସଞ୍ଜୟ କୁମାର ପ୍ରଧାନ, ଅଧ୍ୟାପିକା ଅନିତା ପ୍ରଧାନ, ସୁଶ୍ରୀ ସ୍ଵାଗତିକ, ମୁଦୁଲି ଦିଲ୍ଲୀପ କୁମାର ପ୍ରଧାନ, ଗୁଲେଖ ବିଶ୍ୱାଳ ପର୍ଶୁରାମ ପ୍ରଧାନ, କନ୍ଦର୍ପ ବିଶ୍ୱାଳ, ହରେକୃଷ୍ଣ ପ୍ରଧାନପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
ସମ୍ମାନିତ ଅତିଥି ଭାବେ ନେହେରୁ ଯୁବ କେନ୍ଦ୍ର ଜିଲ୍ଲା ସଂଯାଜକ ମାରିଆନ ବିଲୁଙ୍ଗ, କିଶୋର ଛତର, ୟୁଥ ସ୍ପୋର୍ଟିଂ କ୍ଳବର ସଭାପତି ଅମିତ କୁମାର ସାହୁ ଯୋଗ ଦେଇଥିଲେ। ଏଥି ସକାଶେ ସମସ୍ତ ଛାତ୍ରଛାତ୍ରୀ ବିଦ୍ୟାଳୟରୁ ମାଟି ସଂଗ୍ରହ କରି ମାଠିଆରେ ଦେଇଥିଲେ। ଏହି ବ୍ଲକ ସ୍ତରୀୟ କାର୍ଯ୍ୟକ୍ରମରେ ମାଟିକୁ ଜିଲ୍ଲା ମୁଖ୍ୟ କାଯ୍ୟଳୟକୁ ପଠାଇବା ପାଇଁ ସ୍ଥିର କରାଯାଇଥିଲା।
