ଭୁବନେଶ୍ୱର: ପକ୍ଷୀଘର ପ୍ରକାଶନୀ ଆୟୋଜିତ କବି ଓ ପ୍ରଶାସକ ରଂଜନ କୁମାର ଦାସଙ୍କ କବିତା ପୁସ୍ତକ ‘ପୂରବୀକୁ ନେଇ ଯେତେସବୁ ପ୍ରେମ କବିତା’ ସ୍ଥାନୀୟ ବୁଦ୍ଧ ମନ୍ଦିର ପ୍ରେକ୍ଷ୍ୟାଳୟରେ ଉନମୋଚିତ ହୋଇଯାଇଛି। ମୁଖ୍ୟ ଅତିଥି ଭାବେ ବିଶିଷ୍ଟ କବି ଫନୀ ମହାନ୍ତି ବକ୍ତବ୍ୟ ରେ କହିଲେ ପ୍ରେମ ଏକ ଅଦେଖା ଆକର୍ଷଣ, ରଂଜନ ଦାସ ଙ୍କ ପୁରବୀ ଶରୀରରେ ଥାଉ ବା ନଥାଉ କିନ୍ତୁ ତାର ଅନୁପସ୍ଥିତ ବି ତା’ର ଉପସ୍ଥିତି ଜାହିର କରୁଛି।
ବିଶିଷ୍ଟ ଅତିଥି ଭାବେ ବିଶିଷ୍ଟ ଲେଖକ ଦାଶ ବେନହୁର କହିଲେ ପ୍ରେମରେ ସଂସାର ଚାଲିଛି। ରଂଜନ ଦାସ ଙ୍କ ପୁରବୀ ସତ ହେଉ ବହୁତ ମିଛ ହେଇଥାଇପାରେ, ମାତ୍ର ପ୍ରତ୍ୟେକ ମଣିଷ ଙ୍କ ଜୀବନ ରେ ପୁରବୀ ଟିଏ ନିଶ୍ଚୟ ଆସିଥିବ। କବିଟିଏ ସେ ପ୍ରେମକୁ ଜୀବନ ଦେଇପାରେ, ଯାହା ରଂଜନ ଦାସ କରିଛନ୍ତି। ରଂଜନ ଦାସ ଙ୍କ ସରଳ ଶବ୍ଦ, ଶୈଳୀ ତଥା ଭାଷାର ଯାଦୁକରୀ ନିଶ୍ଚୟ ପାଠକ ମାନଙ୍କୁ ଆକୃଷ୍ଟ କରିବ।
କବି ରଂଜନ ଦାସ ତାଙ୍କର ଲେଖକୀୟ ବକ୍ତବ୍ୟ ରଖିଥିଲେ ଳ ସମ୍ମାନିତ ଅତିଥି ଭାବେ ଯୋଗଦେଇନିଜେ ପ୍ରସ୍ତୁତ କରିଥିବା କବିତା ପୁସ୍ତକ ର ଦୃଶ୍ୟ ଶ୍ରାବ୍ୟ ପ୍ରସ୍ତୁତ ବିଷୟରେ ବକ୍ତବ୍ୟ ରଖିଥିଲେ. ଏହି ଉତ୍ସବ ରେ ଦିନେଶ ଦାଶ ଓ ପୁଷ୍ପଲତା ରଥଙ୍କ ଏକ ଘଣ୍ଟାର ପ୍ରସ୍ତୁତ ଦୃଶ୍ୟ ଶ୍ରବ୍ୟ ପରିବେଷଣ କରାଯାଇଥିଲା। ପକ୍ଷୀଘର ର ମୁଖ୍ୟ ବନୋଜ ତ୍ରିପାଠୀ କାର୍ଯ୍ୟକ୍ରମ ପରିଚାଳନା କରିଥିଲେ.ସମ୍ମାନିତ ଅତିଥି ପୁଷ୍ପଲତା ରଥ ଶେଷ ବକ୍ତବ୍ୟ ଓ ଧନ୍ୟବାଦ ଅର୍ପଣ କରିଥିଲେ।