ନୂଆଦିଲ୍ଲୀ: ଉତ୍ତରପ୍ରଦେଶରେ ଆସନ୍ତା ବର୍ଷ ବିଧାନସଭା ନିର୍ବାଚନ ହେବ। ହେଲେ ସେଠାରେ ଏବେଠାରୁ ରାଜନୀତି ହଲଚଲ ଆରମ୍ଭ ହୋଇଯାଇଛି। ଏହି ପ୍ରରିପ୍ରେକ୍ଷୀରେ ବହୁଜନ ସମାଜବାଦୀ ପାର୍ଟିର ୯ ଜଣ ବିଧାୟକ ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବଙ୍କୁ ସାକ୍ଷାତ କରିବାକୁ ଯାଇଥିବା ସୂଚନା ମିଳିଛି।
ଖବର ମୁତାବକ, ବିଏସପିର ଏହି ୯ ବିଧାୟକ ଦଳ ପ୍ରତି ଅସନ୍ତୋଷ ଥିଲେ। ତେବେ ଅଖିଳେଶଙ୍କ ସହ ଏହି ବିଧାୟଙ୍କ ସାକ୍ଷାତ ଖବର ଶୁଣି ରାଜନୈତିକ ମହଲରେ ଅନେକ କଳ୍ପନାଜଳ୍ପନା ଆରମ୍ଭ ହୋଇଯାଇଛି। ବିଏସପିର ଏହି ଅସନ୍ତୋଷ ବିଧାୟକମାନେ ହାତୀ ଛାଡି ସାଇକେଲରେ ବସିବେ ବୋଲି ଅନୁମାନ କରାଯାଉଛି। ଯଦି ଏହା ସତ ହୁଏ, ତେବେ ବିଏସପି ସୁପ୍ରିମୋ ମାୟାବତୀଙ୍କୁ ବଡ ଝଟକା ଲାଗିବ ବୋଲି କୁହାଯାଉଛି।