ନୂଆଦିଲ୍ଲୀ: ଗତକାଲି ମଧ୍ୟପ୍ରଦେଶର ଦୁଇଟ ସହରର ନାମ ବଦଳାଇ ରାଣୀ ଲକ୍ଷ୍ମୀବାଇ ଏବଂ ଅହିଲ୍ୟାବାଇଙ୍କ ନାମରେ ନାମିତ କରିବାକୁ କଂଗ୍ରେସ ନେତା ସଜ୍ଜନ ସିଂହ ଦାବି କରିଛନ୍ତି। ମଧ୍ୟପ୍ରଦେଶର ଗ୍ୱାଲିଅର ଏବଂ ଇନ୍ଦୋର ସହରର ନାମକୁ ବଦଳାଇ ରାଣୀ ଲକ୍ଷ୍ମୀବାଇ ଏବଂ ଅହିଲ୍ୟାବାଇଙ୍କ ନାମରେ ନମିତା କରିବାକୁ ସେ ଦାବି କରିଛନ୍ତି। ଏହାସହ ନା କେବଳ ଯେଉଁମାନେ ଦେଶ ପାଇଁ ନିଜ ଜୀବନକୁ ବଳି ଦେଇଛନ୍ତି, ସେମାନଙ୍କ ବ୍ୟତୀତ ଦେଶର ଗଦ୍ଦାରମାନଙ୍କୁ ମଧ୍ୟ ସ୍କୁଲ ପାଠ୍ୟକ୍ରମରେ ସାମିଲ କରିବା ଉଚିତ। ଯାହା ଫଳରେ ସେହି ଗଦ୍ଦାରମାନଙ୍କ ବିଷୟରେ ଆଗାମୀ ପିଢି ଜାଣିପାରିବେ।
