The Samikhsya Odia
ଭୁବନେଶ୍ବର: ସୁରକ୍ଷା ଦୃଷ୍ଟିରୁ ଭୁବନେଶ୍ବରର ୧୦ଟି ସ୍ଥାନରେ ରାବଣ ପୋଡି ପାଇଁ କମିଶନରେଟ ପୋଲିସ ଅନୁମତି ପ୍ରଦାନ କରିଛି। କାରଣ ଯେଉଁ ସ୍ଥାନ ଅଭାବ ରହିଛି ସେଠାରେ ରାବଣ ପୋଡି ପାଇଁ ପୋଲିସ ଅନୁମତି ପ୍ରଦାନ କରି ନାହିଁ।
ଯେଉଁ ୧୦ଟି ପୂଜା କମିଟିକୁ ଏହି ରାବଣ ପୋଡି ପାଇଁ ଅନୁମତି ମିଳିଛି ସେଗୁଡିକ ହେଲା ନହରକଣ୍ଟା, ଝାରପଡ଼ା, ବରମୁଣ୍ଡା, କୋରଡ଼କଣ୍ଟା, ବାଙ୍କୁଆଳ, ଗୋପାଳପୁର, କିଟ୍ ରୋଡ୍, ଚନ୍ଦକା କ୍ଲବ ପଡିଆ, ସିମୁଳିପାଟଣା ଦୋଳ ଯାତ୍ରା ପଡ଼ିଆ ଓ କପିଳପ୍ରସାଦ ଫୁଟବଲ ଗ୍ରାଉଣ୍ଡରେ ରାବଣପୋଡ଼ି ଉତ୍ସବ ପାଇଁ ଅନୁମତି ମିଳିଛି।
ଭୁବନେଶ୍ବର: ଅଧର୍ମର ପରାଜୟ ଘଟି ହେବ ଧର୍ମର ଜୟ। ସେଥିପାଇଁ ଦଶହରାକୁ ବିଜୟା ଦଶମୀ ଭାବେ ପାଳନ କରାଯାଇଥାଏ। ଏହି ଦିନ ପ୍ରଭୃଶ୍ରୀରାମ ରାବଣକୁ ହତ୍ୟା କରି ମା ସୀତାଙ୍କୁ ଉଦ୍ଧାର କରିଥିଲେ। ସେଥିପାଇଁ ଆଜିର ଦିନରେ ବିଭିନ୍ନ ପୂଜା ମଣ୍ଡପ ତରଫରୁ ରାବଣ ପୋଡି ଉତ୍ସବର ଆୟୋଜନ କରାଯାଇଥାଏ। ଏଥିରେ ବିରାଟକାୟ ରାବଣ ପ୍ରତିମୂର୍ତ୍ତିରେ ଅଗ୍ନି ସଂଯୋଗ କରାଯାଇ ତାକୁ ବଧ କରାଯାଇଥାଏ।
ଗତକାଲି ସଂଧ୍ୟାରେ ଅନେକ ସ୍ଥାନରେ ବିଜୟା ଦଶମୀ ପାଳନ କରାଯାଇ ରାବଣ ପୋଡି କରାଯାଇଛି। ହେଲେ ଓଡିଶାର ଅନେକ ସ୍ଥାନରେ ଆଜି ରାବଣପୋଡି ଉତ୍ସବ ପାଳନ କରାଯାଉଛି। ତେବେ ହାଇକୋର୍ଟଙ୍କ ରାୟ ଅନୁସାରେ ଏଥର କଟକରେ ବାଣ ଫୁଟାଯାଇପାରିବ ନାହିଁ। ସେହିପରି ଭୁବନେଶ୍ବରରେ ଜନଗହଳି ସ୍ଥାନରୁ ବହୁଦୂରରେ ଏହି ଆତସବାଜି ପ୍ରତିଯୋଗୀତା କରାଯିବାକୁ ନିର୍ଦ୍ଦେଶ ଦିଆଯାଇଛି।
ଏହି ରାବଣ ପୋଡି ଦେଖିବା ପାଇଁ ବହୁ ଭକ୍ତଙ୍କ ସମାଗମ ହେବାକୁ ଥିବାରୁ ପୋଲିସ ଏବଂ ଅଗ୍ନିଶମ ବିଭାଗ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି।
ନୂଆଦିଲ୍ଲୀ: ଆଜି ନୂଆଦିଲ୍ଲୀଠାରେ ଉଭୟ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ମଞ୍ଚ ଉପରୁ ଧନୁଶର ଧରି ମାରିଲେ ତୀର। ତାହା ଯାଇ ରାବଣ ଶରୀରରେ ବାଜିଲା। ଆଉ ନିମିଷେକ ମଧ୍ୟରେ ରାବଣର ଶରୀର ଜଳିପୋଡି ପାଉଁଶ ହୋଇଗଲା।
ଆଜି ବିଜୟା ଦଶମୀ ଉପଲକ୍ଷେ ନୂଆଦିଲ୍ଲୀର ଲାଲ କିଲ୍ଲା ମଇଦାନରେ ଆୟୋଜିତ ହୋଇଥିଲା ରାବଣ ପୋଡି ଉତ୍ସବ। ଏହି ଉତ୍ସବରେ ଯୋଗଦେଇଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏଥିରେ ଉଭୟ ତୀରମାରି ରାବଣ, ମହୀରାବଣ, କୁମ୍ଭକର୍ଣ୍ଣ ଏବଂ ମେଘନାଦର ବାଉଁଶ ମୂର୍ତ୍ତିରେ ନିଆଁଲଗାଇଥିଲେ। ଏହି ଉତ୍ସବ ଦେଖିବା ପାଇଁ ସେଠାରେ େହଜାର ହଜାର ଲୋକ ଏକଜୁଟ ହୋଇଥିଲେ।
ଖୋର୍ଦ୍ଧା: ଆଜି ଅପରାହ୍ନରେ ଖୋର୍ଦ୍ଧା ଜୟୀ ରାଜଗୁରୁ ଟାଉନ ହଲରେ ଚଳିତ ବର୍ଷ ୨୦୨୪ ଦଶହରା, ରାବଣ ପୋଡି, ପ୍ରସିଦ୍ଧ ଗଜଲକ୍ଷ୍ମୀ ପୂଜା ଓ ଭସାଣି ଉତ୍ସବ ଶାତିଶୃଙ୍ଖଳା ଓ ସୌହାର୍ଦ୍ଦ ପୂର୍ବ ବାତାବରଣ ମଧ୍ୟରେ ପାଳନ ହେବା ପାଇଁ ଏକ ପ୍ରସ୍ତୁତି ବୈଠକ ଖୋର୍ଦ୍ଧା ଜିଲ୍ଲାପାଳଙ୍କ ନିର୍ଦ୍ଦେଶ ଅନୁସାରେ ଉପ-ଜିଲ୍ଲାପାଳଙ୍କ ଦ୍ଵାରା ଆହୁତ ହୋଇଥିଲା। ଏହି ବୈଠକରେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦେବ ମୁଖ୍ୟ ଅତିଥି ଥିବାବେଳେ ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା ଅଧ୍ୟକ୍ଷତା କରିଥିଲେ।
ବୈଠକ ସଂଯୋଜନା ଉପ ଜିଲ୍ଲାପାଳ ଦିପ୍ତି ରଞ୍ଜନ ସେଠି କରିଥିବା ବେଳେ ଜିଲ୍ଲାପରିଷଦ ଅଧ୍ୟକ୍ଷା ରୂପଶ୍ରୀ ରାଣୀ ଗୁମାନସିଂହ, ପୌରପାଳିକା ଅଧ୍ୟକ୍ଷା କନକ ଲକ୍ଷ୍ମୀ ମହାନ୍ତି, ଖୋର୍ଦ୍ଧା ଏସ.ଡି.ପି.ଓ ଅନିଲ କୁମାର ମହାନ୍ତି, ଡ଼ିଏସପି ପ୍ରଶାନ୍ତ କୁମାର ମାଝୀ, ତହସିଲଦାର ବିଭାଷ ରଞ୍ଜନ ପାଣିଗ୍ରାହୀ, ପୌର କାର୍ଯ୍ୟନିର୍ବାହି ଅଧିକାରୀଣି ରିଜୁଆନ କବଅବ, ବିଡିଓ କ୍ଷୀରାବ୍ଧି ତନୟା ସାହୁ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀଣି ଜ୍ୟୋସ୍ନାମୟୀ ଆଚାର୍ଯ୍ୟ, ବିଭିନ୍ନ ପୂଜା କମିଟି ଏବଂ ରାବଣ ପୋଡି କମିଟିର ବରିଷ୍ଠ କର୍ମକର୍ତ୍ତା ଏବଂ ଜିଲ୍ଲା ସ୍ତରୀୟ ପ୍ରଶାସନିକ ଅଧିକାରୀମାନେ ଉପସ୍ଥିତ ରହି ଉକ୍ତ ଆଲୋଚନାଚକ୍ରରେ ଅଂଶଗ୍ରହଣ କରିଥିଲେ।
ଉପ-ଜିଲ୍ଲାପାଳ ଶ୍ରୀ ସେଠି ଚଳିତ ବର୍ଷର ପ୍ରସ୍ତୁତି ବୈଠକ ବିବରଣୀ ପାଠକରିବା ସହିତ ଉତ୍ସବର ପୂର୍ବ-ପର ପ୍ରସ୍ତୁତି ବ୍ୟବସ୍ଥା ଅନୁଭୂତିକୁ ଉପସ୍ଥାପନ କରିଥିଲେ ଯାହା ଉପରେ ସର୍ବସମ୍ମତି କ୍ରମେ ନିଷ୍ପତିମାନ ନିଆଯାଇଥିଲା।
ପୂଜା ମଣ୍ଡପ / ପେଣ୍ଡାଲ ନିକଟରେ କୌଣସି ଅଶ୍ଳୀଳ ସଙ୍ଗୀତ ତଥା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ ସର୍ବସମ୍ମତିକ୍ରମେ ବାରଣ କରାଗଲା। ପୂଜା ସମୟ ମଧ୍ୟରେ ଅନୁଷ୍ଠାନ ର ସଭ୍ୟମାନେ ସମସ୍ତ ପ୍ରକାର ଶାରିଶୃଙ୍ଖଳା ରକ୍ଷା କରିବେ ଏବଂ ଆୟୋଜକ ବଡି ଜୋନ ର କର୍ମକର୍ତା ବୃନ୍ଦ ଆଜି ଏହି ବୈଠକରେ ଆଗତ କରିଥିବା କାର୍ଯ୍ୟସୂଚୀ ଅନୁସାରେ କାର୍ଯ୍ୟ କରିବା ପାଇଁ ଅନୁମୋଦନ ଗୃହିତ ହୋଇଥିଲା। ରାବଣ ପୋଡି ଉତ୍ସବ ସ୍ଥଳକୁ ରାସ୍ତା ଓ ଗୃହନିର୍ମାଣ ବିଭାଗ, ବିଦ୍ୟୁତ ବିଭାଗ ଏବଂ ଅଗ୍ନିଶମ ବିଭାଗ, ପୌରପରିଷଦ, ତହସିଲଦାର ଅଧିକାରୀଙ୍କ ଦ୍ଵାରା ମିଳିତ ଭାବେ ଯାଞ୍ଚ କରାଯିବା ନିମନ୍ତେ ଅତିରିକ୍ତ ଜିଲ୍ଲାପାଳ ସମ୍ପୃକ୍ତ ଅଧିକାରୀମାନଙ୍କୁ ଅନୁରୋଧ କରିଥିଲେ।
ଏହି ସମୟ ରେ ଲାଇସେନ୍ସ ପ୍ରାପ୍ତ ବ୍ୟକ୍ତିଙ୍କ ଦ୍ୱାରା ଆତସବାଜି କାର୍ଯ୍ୟକ୍ରମ କରାଇବା ନିମନ୍ତେ ଅନୁଷ୍ଠାନର କର୍ମକର୍ତ୍ତାଙ୍କୁ ଅଗ୍ନିଶମ ବିଭାଗ ଅଧିକାରୀ ଅନୁରୋଧ କରିଥିଲେ। ରାବଣ ପୋଡି ସ୍ଥଳ ରେ ଆବଶ୍ୟକୀୟ ବ୍ୟାରିକେଡ଼ କରିବା ପାଇଁ ରାସ୍ତା ଓ ଗୃହନିର୍ମାଣ ବିଭାଗକୁ ଅନୁରୋଧ କରାଗଲା। ଉଜ୍ଜ୍ଵଳ ଆଲୋକ ବ୍ୟବସ୍ଥା ଏବଂ ଯାନବାହାନ ପାକିଂ ବ୍ୟବସ୍ଥା ପାଇଁ ପୌରପରିଷଦ ଉପରେ ନ୍ୟସ୍ତ କରାଗଲା। ରାବଣ ପୋଡି ଉତ୍ସବ ରାତ୍ର ୧୦ ଘଟିକା ପୂର୍ବରୁ ସାରିବା ନିମନ୍ତେ ପ୍ରସ୍ତାବ ଗ୍ରହଣ କରାଗଲା।
୧୪.୧୦.୨୪ ତାରିଖ ଭସାଣି ଦିନ ସମସ୍ତ ମୂର୍ତ୍ତି ମେଢ ସହିତ କେଉଁ ମାର୍ଗ ଦେଇ କେଉଁ ପଡ଼ିଆରେ ଏକତ୍ରିତ ହେବେ ସେ ନିମନ୍ତେ ଅତିରିକ୍ତ ଜିଲ୍ଲାପାଳଙ୍କ ଅନୁରୋଧ କ୍ରମେ ଏକ କମିଟି ଗଠନ କରାଗଲା। ଏହି କମିଟି ରେ ଉପ-ଜିଲ୍ଲାପାଳ, ଏସ.ଡି.ପି.ଓ, ଅଗ୍ନିଶମ ଅଧିକାରୀ, କାର୍ଯ୍ୟନିର୍ବାହୀ ଅଧିକାରୀଣି , ଖୋର୍ଦ୍ଧା ପୌରପାଳିକା, ରାସ୍ତା ଓ ଗୃହନିର୍ମାଣ ଯନ୍ତ୍ରୀ, ବିଦ୍ୟୁତ ବିଭାଗ ଯନ୍ତ୍ରୀ ସଦସ୍ୟ ରହିବେ। ଆୟୋଜକ ବିଶୁଦ୍ଧ ପାନୀୟ ଜଳ ବ୍ୟବସ୍ଥା କରିବେ, ବୁଲା ଗାଈଗୋରୁମାନଙ୍କୁ ପୌରପରିଷଦ ଏବଂ ପୁଲିସ ବିଭାଗ କୁ ଏହାର ଆୟତ୍ତ କରିବାକୁ ନିଷ୍ପତି ନିଆଗଲା।
ନିଶାମୁକ୍ତ, ଡିଜେ ମୁକ୍ତ, ପଲିଥିନ ମୁକ୍ତ ଭସାଣି ପାଇଁ ବୈଠକରେ ସ୍ଥିର କରାଗଲା। ଭକ୍ତିର ବାତାବରଣ ସୃଷ୍ଟି ହେବା ପରି ସଙ୍ଗୀତ ପରିବେଷଣ କରିବେ ଏବଂ ଅଶ୍ଳୀଳ ସଙ୍ଗୀତ ତଥା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ ସର୍ବସମ୍ମତିକ୍ରମେ ବାରଣ କରାଗଲା। ଆୟୋଜକ, ପୂଜା ମଣ୍ଡପ ପାଖରେ ବିଶୁଦ୍ଧ ପାନୀୟ ଜଳର ବ୍ୟବସ୍ଥା ରଖିବେ। ଯେଉଁମାନେ ରାସ୍ତା ଉପରେ ତୋରଣ ବାନ୍ଧୁଛନ୍ତି ସେମାନେ ମ୍ୟୁନିସିପାଲିଟି କର୍ତ୍ତୃପକ୍ଷ / ରାସ୍ତା ଓ ଗୃହନିର୍ମାଣ ବିଭାଗ, ବିଦ୍ୟୁତ ବିଭାଗ ଏବଂ ଅଗ୍ନିଶମ ବିଭାଗ ଠାରୁ ଆବଶ୍ୟକ ଅନୁମତି ଆଣିବେ ଏବଂ ତୋରଣ ଗୁଡିକୁ ସମ୍ଭାବ୍ୟ ଉଚ୍ଚତା ୫ ମିଟର ରଖିବେ। ସିଡିଏମଓ ଙ୍କୁ ଲକ୍ଷ୍ମୀପୂଜା ଦିନ ରାବଣ ପୋଡି ଓ ଭସାଣି ଉତ୍ସବ ଦିନ ଆମ୍ବୁଲାନ୍ସ ଯୋଗାଇଦେବାକୁ, ମୁନିସିପାଲିଟି ଓ ପି ଏଚ ଡି ପାଣି ଟାଙ୍କି, ବିଦ୍ୟୁତ ବିଭାଗ କୁ ଅନ୍ୟୁନ ୨୦ ପୁଟ୍ଟ ଉଚ୍ଚତାରେ ବିଦ୍ୟୁତ ସଂଯୋଗ ଦେବାକୁ ଅନୁରୋଧ କରାଗଲା।
ହାବେଳି ପଡିଆରେ ୧୩.୧୦.୨୪ ଦିନ ରାବଣ ପୋଡ଼ି କାର୍ଯ୍ୟକ୍ରମ ସନ୍ଧ୍ୟା ୭ ଟାରୁ ରାତି ୧୦ ଭିତରେ ସାରିବାକୁ ନିର୍ଦ୍ଦେଶ ରହିଲା। ୨୩.୧୦.୨୦୨୪ ଲକ୍ଷ୍ମୀ ପୂଜା ଦିନ ମଧ୍ୟାହ୍ନ ୧୨ ସୁଦ୍ଧା ମଣ୍ଡପ ଛାଡିବାକୁ ଏବଂ ବିଜେବି ହାଇ ସ୍କୁଲ ପଡିଆରେ ଅପରାହ୍ନ ୩ ସୁଦ୍ଧା ସମସ୍ତ ମୂର୍ତ୍ତି ଏକାଠି ହୋଇ ସନ୍ଧ୍ୟା ୫ଟା ରେ ଭସାଣି ଆରମ୍ଭ କରିବାକୁ ନିଷ୍ପତି ନିଆଯାଇଛି। ଶେଷରେ ମୁଖ୍ୟ ଅତିଥି ନିକଟରେ ଅସ୍ଥାୟୀ ଦୋକାନକୁ ଉଠାଇବାକୁ ସମସ୍ତଙ୍କର ସହଯୋଗ କାମନା କରିଥିଲେ।
ପରିଶେଷରେ ପୌରପରିଷଦ ଅଧ୍ୟକ୍ଷା କନକ ଲକ୍ଷ୍ମୀ ମହାନ୍ତି ଧନ୍ୟବାଦ ଜ୍ଞାପନ କରିଥିଲେ।
ନୂଆଦିଲ୍ଲୀ: ବଲିଉଡ ଅଭିନେତ୍ରୀ କଙ୍ଗନା ରନାୱତ ତାଙ୍କ ଫିଲ୍ମ ‘ତେଜସ୍’ ରିଲିଜ୍ ପୂର୍ବରୁ ଏକ ଇତିହାସ ସୃଷ୍ଟି କରିଛନ୍ତି। ଏହି ଅଭିନେତ୍ରୀ ଦିଲ୍ଲୀର ପ୍ରସିଦ୍ଧ ଲବ କୁଶ ରାମଲିଲାରେ ରାବଣ ଦହନ କରିଛନ୍ତି। ୫୦ ବର୍ଷ ଇତିହାସରେ ରାବଣ ଦହନ କରିବାରେ କଙ୍ଗନା ପ୍ରଥମ ମହିଳା ହୋଇପାରିଛନ୍ତି। ତେବେ ତାଙ୍କର ଗୋଟିଏ ବଡ ଭୁଲ ହେତୁ ବର୍ତ୍ତମାନ ତାଙ୍କୁ ବହୁତ ଟ୍ରୋଲ କରାଯାଉଛି। ଯାହାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି।
ବାସ୍ତବରେ ମଙ୍ଗଳବାର ଦିନ ଦିଲ୍ଲୀରେ ଆୟୋଜିତ ଲଭ କୁଶ ରାମଲିଲାରେ କଙ୍ଗନା ରନାୱତଙ୍କୁ ରାବଣ ଦହନ କରିବାକୁ ନିମନ୍ତ୍ରଣ କରାଯାଇଥିଲା। ରାବଣଙ୍କୁ ବଧ କରୁଥିବା ଅଭିନେତ୍ରୀଙ୍କ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ସେ ତୀର ଚଳାଉଥିବା ନଜର ଆସିଛନ୍ତି, ତଥାପି ଏହି ସମୟରେ ସେ ତାଙ୍କର ତିନିଟି ଲକ୍ଷ୍ୟ ବିଫଳ ହୋଇଛି। ଭିଡିଓରେ କଙ୍ଗନା ଜୟ ଶ୍ରୀ ରାମ ସ୍ଲୋଗାନ ଉଠାଉଥିବା ବେଳେ ତୀର ଧରିଥିବାର ନଜର ଆସିଛନ୍ତି। ସେ ତୀରକୁ ତିନିଥର ଚଳାଇବାକୁ ଚେଷ୍ଟା କରିଛନ୍ତି, କିନ୍ତୁ ତିନିଥର ଅଭିନେତ୍ରୀଙ୍କ ଉଦ୍ୟମ ବୃଥା ହୋଇଯାଇଛି। ଯାହା ପରେ କମିଟିର ଜଣେ ସଦସ୍ୟ ତାଙ୍କୁ ତୀର ମାରିବା ଏବଂ ରାବଣ ଦହନରେ ସାହାଯ୍ୟ କରନ୍ତି।
ବର୍ତ୍ତମାନ ଏହି ଭିଡିଓ ରିଲିଜ୍ ହେବା ପରେ ଉପଭୋକ୍ତାମାନେ ସୋସିଆଲ ମିଡିଆରେ ତାଙ୍କୁ ଟ୍ରୋଲ କରୁଛନ୍ତି। ଜଣେ ଉପଭୋକ୍ତା ଲେଖିଛନ୍ତି ଯେ, ‘ବାଣ ଚଲେ ନା ଚଲେ ପର ନବାବୀ ନ ଘଟେ’, ଅନ୍ୟ ଜଣେ ଉପଭୋକ୍ତା ଲେଖିଛନ୍ତି ଯେ, “ରିଲ୍ ଲାଇଫ୍ କଙ୍ଗନା ବନାମ ରିଅଲ୍ ଲାଇଫ୍ କଙ୍ଗନା …. ସେ ଦାବି କରିଛନ୍ତି ଯେ, ସେ ଟମ୍ କ୍ରୁଜ୍ ଅପେକ୍ଷା ଭଲ ଷ୍ଟଣ୍ଟ୍ କରନ୍ତି। ହାହା। .. ଗୋଟିଏ ବି ଟାର୍ଗେଟକୁ ସ୍ପର୍ଶ କରିପାରିଲାନି। ଯାହାହେଉ, କେବଳ ସତ୍ୟ ମିଥ୍ୟାକୁ ମାରିପାରେ।
Reel Life Kangana Vs Real Life Kangana ??
Saheb ki cheli ??
Kangana Ranaut claims she does stunts better than Tom Cruise
????
Neither here nor there…the arrow did not fire.
No problem…well only truth can kill untruth.#Dussehra #KanganaRanautWish you all a very Happy… pic.twitter.com/OucRpO9ECf
— ????? ????? ?????? (@BeingSumit007) October 25, 2023
ଅନ୍ୟ ଜଣେ ଉପଭୋକ୍ତା ମନ୍ତବ୍ୟରେ ଲେଖିଛନ୍ତି ଯେ, “ବାକ୍ୟ ବ୍ୟବହାର କରି ତୀର ମାରିବା କେତେ ସହଜ … ପ୍ରଥମ ଥର ପାଇଁ ମୁଁ ଶୁପର୍ଣଖା ରାବଣଙ୍କୁ ହତ୍ୟା କରୁଥିବାର ଦେଖୁଛି। ଚଳଚ୍ଚିତ୍ର, ଡ୍ରାମା, କମେଡି ମାଧ୍ୟମରେ। ବର୍ତ୍ତମାନ ହିନ୍ଦୁ ପର୍ବରେ … କ’ଣ ଅନ୍ଧ ଭକ୍ତମାନଙ୍କର ଧାର୍ମିକ ଭାବନାକୁ କ୍ଷତି ହୋଇ ନାହିଁ।”
କଙ୍ଗନା ରନାୱତଙ୍କ ଫିଲ୍ମ ତେଜସ ଅକ୍ଟୋବର ୨୭ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ। ଏହି ଚଳଚ୍ଚିତ୍ରରେ କଙ୍ଗନା ବାୟୁସେନା ପାଇଲଟ ତେଜସ ଗିଲ ଭୂମିକାରେ ଅଭିନୟ କରୁଛନ୍ତି। ତାଙ୍କ ପ୍ରଶଂସକମାନେ ଏହି ଫିଲ୍ମକୁ ନେଇ ବହୁତ ଉତ୍ସାହିତ ଅଛନ୍ତି।
ଭୁବନେଶ୍ବର: ଆଜି ବିଜୟା ଦଶମୀ ତଥା ଦଶହରା ଉପଲକ୍ଷେ ବିଭିନ୍ନ ସ୍ଥାନରେ ଆୟୋଜିତ ହୋଇଯାଇଛି ରାବଣ ପୋଡି ଉତ୍ସବ। ତେବେ ଗତି କିଛି ଦିନ ଧରି ରାଜ୍ୟରେ ପ୍ରବଳ ବର୍ଷା ଯୋଗୁଁ ଏହି ଉତ୍ସବ କେତେକ ସ୍ଥାନରେ ଠିକରେ ହୋଇପାରି ନାହିଁ। ତେବେ ଯେଉଁ ସ୍ଥାନରେ ପାଗ ଅନୂକୁଳ ଦେଇଛି ସେଠାରେ ରାବଣ ପୋଡି ଉତ୍ସବ ଆୟୋଜିତ ହୋଇଛି।
ତେବେ ଭୁବନେଶ୍ବରରେ ରାବଣ ପୋଡ଼ି ପାଇଁ କେବଳ ୪ଟି ପୂଜା ସମିତିକୁ ଅଗ୍ନିଶମ ବିଭାଗ ପକ୍ଷରୁ ଅନୁମତି ପ୍ରଦାନ କରାଯାଇଥିଲା । ସେଗୁଡିକ ହେଲା ବରମୁଣ୍ଡା, ଝାରପଡା, କୋରଡ କଣ୍ଟା ଓ ନହରକଣ୍ଟା। ସେଠାରେ ପୋଲିସ ତରଫରୁ ମଧ୍ୟ ଗାଇଡ ଲାଇନ ଦିଆଯାଇଥିଲା। କେଉଁ ଦୋକାନରୁ ବାଣ କିଣିବ, ରାବଣ ପୋଡି ସ୍ଥାନର ଚତୁଃଦିଗରୁ ଶହେ ଫୁଟ ପର୍ଯ୍ୟନ୍ତ କେହି ରହିବେ ନାହିଁ ପ୍ରଭୃତି ରହିଛି। ସେହି ଅନୁସାରେ ରାବଣ ପୋଡି ଉତ୍ସବ କରାଯାଇଥିଲା।
ଖୋର୍ଦ୍ଧା: ଆସନ୍ତା ଦୁର୍ଗା ପୂଜା, ରାବଣ ପୋଡି, ଗଜ ଲକ୍ଷୀ ପୂଜା ଏବଂ ଭସାଣି ଯେପରି ଖୋର୍ଦ୍ଧା ସହରରେ ଶାନ୍ତି ଶୃଙ୍ଖଳା ଭାବେ ସମ୍ପର୍ଣ୍ଣ ହେବ ଏ ସଂକ୍ରାନ୍ତୀୟ ଏକ ପ୍ରସ୍ତୁତି ବୈଠକ ଆଜି ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଛି। ଜିଲ୍ଲାପାଳ କେ.ସୁଦର୍ଶନ ଚକ୍ରବର୍ତ୍ତୀ ଏଥିରେ ଅଧ୍ୟକ୍ଷତା କରିଥିଲେ। ପ୍ରାରମ୍ଭରେ ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର, ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ ସମସ୍ତ ପୂଜା ବିଧି ବିଧାନ ଶାନ୍ତି ଶୃଙ୍ଖଳାର ସହ ସମାପନ ହେବା ନେଇ ସମସ୍ତଙ୍କ ସହଯୋଗ ଲୋଡିଥିଲେ । ଜିଲ୍ଲା ପ୍ରଶାସନ ଏବଂ ସମସ୍ତ ପୂଜା କମିଟିର କାର୍ଯ୍ୟକର୍ତ୍ତା ମାନଙ୍କ ମଧ୍ୟରେ ସମନ୍ବୟ ରକ୍ଷାକରି କିପରି କାର୍ଯ୍ୟ କରାଯିବ ଏ ସଂପର୍କରେ ସେମାନେ ପରାମର୍ଶ ଦେଇଥିଲେ।
ରାବଣ ପୋଡି, ମେଳଣ ଓ ଭସାଣି ନେଇ ଯାଗା ଚିହ୍ନଟ କରିବାକୁ ଉପ ଜିଲ୍ଲାପାଳ, ଜିଲ୍ଲା ଅଗ୍ନିଶମ ଅଧିକାରୀ, ଏସଡିପିଓଙ୍କୁ ନେଇ ଏକ କମିଟି ଗଠନ କରାଯିବ। ପୂଜା ପୂର୍ବରୁ ସହରର ରାସ୍ତାଘାଟ ମରାମତି, ଆଲୋକୀକରଣ, ସଫେଇ, ପାନୀୟ ଜଳ, ନିରବଚ୍ଛିନ୍ନ ବିଦ୍ୟୁତ ଯୋଗାଣ ଉପରେ ବିଶଦ ଭାବେ ଆଲୋଚନା କରାଯିବା ସହ ଏଥିପ୍ରତି ଦୃଷ୍ଟି ଦେବାକୁ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇଛନ୍ତି। ସେହିଭଳି ଶାନ୍ତିଶୃଙ୍ଖଳା, ବିଭିନ୍ନ ମିଠା ଓ ଜଳଖିଆ ଦୋକାନରେ ଖାଦ୍ୟମାନ ପରୀକ୍ଷା, ରାସ୍ତା ପାର୍ଶ୍ବ ଦୋକାନରେ ଖାଦ୍ୟ ଅପମିଶ୍ରଣ ଯାଞ୍ଚ,ସ୍ବାସ୍ଥ୍ୟ, ଆମ୍ବୁଲାନ୍ସ ବ୍ୟବସ୍ଥା ସଜାଗ ରଖିବାକୁ ମଧ୍ୟ ବୈଠକରେ ଆଲୋଚନା ହୋଇଛି। ପ୍ରତ୍ୟେକ ପୂଜା ମଣ୍ତପରେ ସିସିଟିଭି ଲଗେଇବା ଉପରେ ପୂଜା କମିଟିକୁ ପରାମର୍ଶ ଦିଆଯାଇଛି। ପାର୍ବଣ ସମୟରେ ଲୋକମାନେ ଅଳଙ୍କାର କିଣୁଥିବାରୁ ବିଭିନ୍ନ ଗହଣା ଦୋକାନରେ ଓଜନ ମାପ ସଠିକ ଥିବା ନେଇ ଯାଞ୍ଚ କରିବାକୁ ଜିଲ୍ଲାପାଳ ଶ୍ରୀ ଚକ୍ରବର୍ତ୍ତୀ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି।
ସେହିଭଳି ପୂଜା ମଣ୍ତପ ଏବଂ ବିସର୍ଜନ ଶୋଭାଯାତ୍ରା ବେଳେ ଉଚ୍ଚ ଶଦ୍ଦ ସମ୍ପର୍ଣ୍ଣ ଡାକବାଜି ଯନ୍ତ୍ର ନବଜାଇବା ସହ ସ୍କୁଲ, ମେଡିକାଲ ନିକଟରେ କମ ଶଦ୍ଦ ସୃଷ୍ଟି କରିବାକୁ ବୈଠକରେ ଆଲୋଚନା ହୋଇଛି। ଲକ୍ଷୀପୂଜା ଅକ୍ଟୋବର ୯ ତାରିଖରୁ ଆରମ୍ଭ ହୋଇ ୧୬ ତାରିଖରେ ଭସାଣି ହେବ। ଏଥିରେ ପ୍ରାୟ ୩୧ଟି ମେଢ ସ୍ଥାନ ପାଇବ । ବିଭିନ୍ନ କ୍ଷେତ୍ରକୁ ବିଚାରକୁ ନେଇ ଶ୍ରେଷ୍ଠ ମେଢକୁ ଭସାଣି ପରଦିନ ପୁରସ୍କୃତ କରାଯିବା ନେଇ ବୈଠକରେ ମତ ପ୍ରକାଶ ପାଇଛି।
ଅତିରିକ୍ତ ଜିଲ୍ଲାପାଳ ମନୋଜ କୁମାର ପାଢୀ ସଭାକାର୍ଯ୍ୟ ପରିଚାଳନା କରିଥିବା ବେଳେ ଉପ ଜିଲ୍ଲାପାଳ ଦେବବ୍ରତ ସାହୁ ବୈଠକର ବିବରଣୀ ପାଠ କରିଥିଲେ। ଖୋର୍ଦ୍ଧା ପୌରଧ୍ୟକ୍ଷା କନକ ଲକ୍ଷୀ ମହାନ୍ତି ସମସ୍ତଙ୍କ ସହଯୋଗ ଲୋଡିଥିବା ବେଳେ ତହସିଲଦାର ତଥା ପୌର ସଂସ୍ଥା ନିର୍ବାହୀ ଅଧିକାରୀ ଇପସିତ ସାହୁ ଧନ୍ୟବାଦ ଅର୍ପଣ କରିଥିଲେ।
ଉକ୍ତ ବୈଠକରେ ଅନ୍ୟମାନଙ୍କ ମଧ୍ୟରେ ବିଭିନ୍ନ ବିଭାଗୀୟ ଅଧିକାରୀ, ପୂଜା କମିଟିର ସଭାପତି, ସଂପାଦକ, ବୁଦ୍ଧିଜିବୀ ପ୍ରମୁଖ ଉପସ୍ଥିତ ଥିଲେ।