The Samikhsya Odia
ରାୟଗଡା, ଆଜି ଅନ୍ତର୍ଜାତୀୟ ମହିଳା ଦିବସ ଉପଲକ୍ଷେ ରାୟଗଡା ପୋଲିସ ନେଇଛି ଏକ ଅଭିନବ ପଦକ୍ଷେପ। ଆଜିଠାରୁ ପ୍ରଚଳନ କରିଛି ମହିଳା ସୁରକ୍ଷା ପାଟ୍ରୋଲିଂ ଗାଡି। ଏହି ଗାଡିରେ ଜଣେ ମହିଳା କନଷ୍ଟେବଳ ସହତି ଅନ୍ୟ ଅଧିକାରୀ ରହିବ। ଏହି ଗାଡିଟି ସ୍କୁଲ, କଲେଜ ଏବଂ ବଜାର ଅଞ୍ଚଳରେ ତଦାରଖ କରିବ। ମୁଖ୍ୟତଃ ମହିଳାମାନଙ୍କୁ ଆଶାଳିନ ବ୍ୟବହାର, ଦୁଃବ୍ୟବହାର ପ୍ରଭୃତି ଘଟଣାକୁ ତୁରନ୍ତ ଯାଇ ସୁରକ୍ଷା ପ୍ରଦାନ କରିବ। ଏହିପରି ପଦକ୍ଷେପକୁ ବିଭିନ୍ନ ମହଲରେ ସ୍ବାଗତ କରାଯାଇଛି।
ରାୟଗଡା, ଗତକାଲି ଏକ ଗଂଜେଇ ନଷ୍ଟ ଅଭିଯାନରେ ବଡ ସଫଳତା ହାସଲ କରିଛି ରାୟଗଡା ପୋଲିସ। ପ୍ରାୟ 45 ଏକରରେ ହେଉଥିବା ଗଂଜେଇ ଚାଷକୁ ପୋଡି ଛାରଖାର କରିଦେଇଛି ପୋଲିସ। ମୁନିଗୁଡା ଥାନା ଅଧିନରେ ଥିବା ଦିଲାଗୁଡି ଗାଁରେ ଏହି ଗଂଜାଇ ଚାଷ ହେଉଥିଲା। ପୋଲିସ ଏହ ଖବର ଜାଣିବା ପରେ ସେଠାରେ ଚଢାଉ କରି ସମସ୍ତ ଗଛ ପୋଡି ଦେଇଛି। ପୋଲିସର କହିବା କଥା ଯଦି ଏହାକୁ ଲୋକେ ବିକ୍ରି କରିଥାଆନ୍ତେ ତେବେ ପ୍ରାୟ ଚାରି କୋଟି ଟଙ୍କା ହୋଇ ଥାଆନ୍ତା।
ରାୟଗଡା, ବର୍ତ୍ତମାନ ସାରା ରାଜ୍ୟରେ କୋଭିଡ19 ନିୟମ ଲାଗୁ କରାଯାଇଥିବା ବେଳେ ଅନେକ ଏହାକୁ ଉଲ୍ଲଘଂନ କରିବାରେ ଲାଗିଛନ୍ତି। ଏପରି ପରିସ୍ଥିତିରେ ରାୟଗଡା ପୋଲିସ ଗତ କିଛିଦିନ ଧରି ଏହି ଉଲ୍ଲଘଂନକାରୀଙ୍କୁ ଚିହ୍ନଟ କରି ଜରିମାନା ଆଦାୟ କରିଛି।
ଏଥିରେ 56 ଜଣ ଟ୍ରାଫିକ ନିୟମ ଉଲ୍ଲଘଂନ କରିଥିବା ଯୋଗୁଁ 37 ହଜାର 5ଶହ ଟଙ୍କା ଫାଇନ ଆଦାୟ ହୋଇଛି। ସେହିପରି 84 ଜଣଙ୍କଠାରୁ ମାସ୍କ ପିନ୍ଧି ନ ଥିବା ମାମଲାରେ 35 ହଜାର 5 ଶହ ଟଙ୍କା ଆଦାୟ କରିଛି।ଏହି ସମୟରେ ଅବକାରୀ ବିଭାଗ ମଧ୍ୟ ବିଭିନ୍ନ ସ୍ଥାନରେ ଚଢାଉ କରି ଚୋରା ମଦ ଜବତ କରିବା ସହିତ 8 ଜଣଙ୍କ ନାମରେ ମାମଲ ଋଜୁ କରିଛି।
ରାୟଗଡା, ପୋଲିସର ମହାନିୟତା, ରାୟଗଡା ଜିଲ୍ଲା ଟିକିରି ପୋଲିସ ଅଭାବୀ ତଥା ଗରିବ ଲୋକଙ୍କୁ ବିଭିନ୍ନ ଖାଦ୍ୟ ସାମଗ୍ରୀ ପ୍ରଦାନ କରୁଛନ୍ତି। ସେମାନେ ପ୍ରତି ବ୍ୟକ୍ତିଙ୍କୁ ପାଞ୍ଚ କେଜି ଚାଉଳ, 1.5 ଡାଲି, 3 କେଜି ଆଳୁ, 2 କେଜି ପିଆଜ, ଏକ କେଜି ବାଇଗଣ 12 ଟି ପରିବାରଙ୍କୁ ଯୋଗାଇ ଦେଇଛନ୍ତି।