ମୁମ୍ବାଇ/ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ର ରିଟେଲ୍ ସଂସ୍ଥା ରିଲାଏନ୍ସ ରିଟେଲ୍ ଭେଂଚର୍ସ ଲିମିଟେଡ୍ (ଆର୍ଆର୍ଭିଏଲ୍) ପକ୍ଷରୁ ଆବ୍ରାହମ୍ ଆଣ୍ଡ୍ ଠାକୋର ଏକ୍ସପୋର୍ଟସ୍ ପ୍ରାଇଭେଟ୍ ଲିମିଟେଡ୍ର ସଂଖ୍ୟାଗରିଷ୍ଠ ଅଂଶଧନ ପାଇଁ ନିବେଶ କରାଯାଇଛି। ଆର୍ଆର୍ଭିଏଲ୍ ଏହାର ସହଯୋଗୀ ସଂସ୍ଥା ରିଲାଏନ୍ସ ବ୍ରାଣ୍ଡ୍ସ୍ ଲିିମିଟେଡ୍ (ଆରବିଏଲ୍) ପ୍ରିମିୟମ୍ ବର୍ଗର ଗ୍ରାହକଙ୍କୁ ଯେଉଁଭଳି ଗଭୀର ଭାବେ ବୁଝିଛି ଓ ଡିଜିଟାଲ୍, ରିଟେଲ୍ ପରିଚାଳନା, ମାର୍କେଟିଂ ଓ ଯୋଗାଣ ଶୃଙ୍ଖଳ ପ୍ଲାଟଫର୍ମ ଆଦିରେ ରହିିଥିବା ଶକ୍ତିକୁ ନେଇ ଫେସନ୍ ଓ ଲାଇଫ୍ଷ୍ଟାଇଲ୍ ବର୍ଗରେ ଆବ୍ରାହମ୍ ଆଣ୍ଡ୍ ଠାକୋର୍ ବ୍ରାଣ୍ଡ୍କୁ ବିଶ୍ୱସ୍ତରୀୟ ଭାବେ ଗଢିତୋଳିବ।
ଡେଭିଡ୍ ଆବ୍ରହମ୍ ଓ ରାକେଶ ଠାକୋରଙ୍କ ଦ୍ୱାରା ୧୯୯୨ରେ ଆରମ୍ଭ କରାଯିବା ପରେ ସେଥିରେ କେଭିନ୍ ନିଗ୍ଲି ଯୋଗ ଦେଇଥିଲେ, ଯାହା ଆବ୍ରାହମ୍ ଆଣ୍ଡ୍ ଠାକୋର୍ରେ “ଆଣ୍ଡ’ ଯୋଡ଼ି ହୋଇ ଏଆଣ୍ଡ୍ଟି ଭାବେ ଲୋକପ୍ରିୟ ହୋଇଥିଲା। ଏଆଣ୍ଡ୍ଟି ଆଧୁନିକ ଓ ଅର୍ଥପୂର୍ଣ୍ଣ ଭାବେ ବୟନ ଏବଂ ଅଣପାରମ୍ପରିକ ଡିଜାଇନ୍ ତଥା ଅଭିନବ ଉପାୟରେ ସେମାନଙ୍କ ନିକଟରେ ପହଂଚି ଭାରତୀୟ ହସ୍ତତନ୍ତରେ ଅନ୍ତର୍ନିହୀତ ରହିଥିବା ଶକ୍ତି ଓ ସୁଯୋଗକୁ ଉନ୍ମୁକ୍ତ କରିଥିଲା।
ଭାରତୀୟ ବୟନକୁ ବ୍ୟାଖ୍ୟା କରି ଏଆଣ୍ଡ୍ଟି ଲାଉଞ୍ଜ ଓୟାର ଓ ହୋମ୍ କଲେକ୍ସସନରୁ ଆରମ୍ଭ କରିଥିଲା ଯାହା ପ୍ରଥମେ ଲଣ୍ଡନର ଦି କନରାନ୍ ସପ୍ରେ ବିକ୍ରି କରାଯାଇଥିଲା ଏବଂ ପରବର୍ତୀ ସମୟରେ ତାହା ଲୋକପ୍ରିୟ ବିଶ୍ୱସ୍ତରୀୟ ଷ୍ଟୋର ଯଥା ଲିବର୍ଟି, ବ୍ରାଉନ୍ସ, ହାରୋଡସ୍ ଓ ସେଲଫ୍ରିଜ୍ସ୍ ଆଦିରେ ଉପଲବ୍ଧ ହୋଇଥିଲା। ପ୍ରାୟ ୧୫ ବର୍ଷ ପର୍ଯ୍ୟନ୍ତ ମୁଖ୍ୟତଃ ଆନ୍ତର୍ଜାତିକ ଷ୍ଟୋର୍ଗୁଡ଼ିକରେ ଖୁଚୁରା ଭାବେ ବିକ୍ରି ହେବା ପରେ ସେମାନଙ୍କ ପ୍ରଥମ ଫେସନ ସୋ’ ଉପସ୍ଥାପନ ସହ ଏହି ବ୍ରାଣ୍ଡ୍ ଭାରତ ଆସିଥିଲା।
ଫେସନର ସାଂସ୍କୃତିକ ଗଠନକୁ ଭଲ ଭାବେ ବୁଝିବାର ଦର୍ଶନ ସହିତ ଏହି ବ୍ରାଣ୍ଡ୍ ଦୃଢ଼ ଭାବେ ଯୋଡ଼ି ହୋଇରହିଛି। ଆବ୍ରାହମ୍ ଆଣ୍ଡ୍ ଠାକୋରର ଇକତ୍ ଶାଢ଼ି କେବଳ ଭିକ୍ଟୋରିଆ ଆଣ୍ଡ୍ ଆଲବର୍ଟ ମ୍ୟୁଜିୟମର ସ୍ଥାୟୀ ଅଂଶ ହୋଇନଥିଲା ବରଂ ୨୦୧୫ରେ ବ୍ରାଣ୍ଡ୍ର ସୃଷ୍ଟିକୁ ଭିଆଣ୍ଡଏର ପ୍ରଥମ ପ୍ରମୁଖ ପ୍ରଦର୍ଶନୀ ଫ୍ୟାବ୍ରିକ୍ ଫର ଇଣ୍ଡିଆ ପାଇଁ ଚୟନ କରାଯାଇଥିଲା ଯାହା ଭାରତୀୟ ହାତତିଆରି ଫ୍ୟାବ୍ରିକ୍ର ସମୃଦ୍ଧ, ବିବିଧ ଓ ଚମତ୍କାର ଦୁନିଆର ଅନୁସନ୍ଧାନ କରିଥିଲା। ପ୍ରତିଟି ସମ୍ଭାର ଏକ ଶାନ୍ତ ଏବଂ ଆଧୁନିକ ଡିଜାଇନ ସ୍ୱରକୁ ବିକଶିତ କରିବାର ଅନୁସନ୍ଧାନକୁ ଜାରି ରଖିଥିବା ବେଳେ ସମାନ ଭାବେ ତାହା ଭାରତୀୟ ଡିଜାଇନ୍ ଓ କାର ସମୃଦ୍ଧ ପରମ୍ପରାକୁ ଆଙ୍କିଥିଲା। ଏହାର ଦୃଢ଼ ସାଂସ୍କୃତିକ ଭାଷା ବିଭିନ୍ନ ମାନସିକତା ଓ ବଜାର ସହିତ ସ୍ୱତନ୍ତ୍ର ସମ୍ପର୍କ ଯୋଡ଼ିଥିଲା।
“ଆବ୍ରାହମ୍ ଆଣ୍ଡ୍ ଠାକୋର ପକ୍ଷରୁ ପାରମ୍ପରିକ ବୟନ ପଦ୍ଧତିରେ ଉପକରଣ ଓ ସତେଜ ଭାବନାର ଚମତ୍କାର ବ୍ୟବହାରରେ ବ୍ରାଣ୍ଡ୍ ପାଇଁ ଉଚ୍ଚ ମାନର ନିର୍ଦିଷ୍ଟ ଡିଜାଇନ୍ ସିଗ୍ନେଚର ତିଆରି କରାଯାଇଛି। ଭାରତୀୟ ଲକ୍ଜୁରି ଗ୍ରାହକଙ୍କ ଉପଯୋଗିତାରେ ଏକ ପିଢ଼ିର ପରିବର୍ତନ ହେଉଥିବା ବେଳେ ଆବ୍ରାହମ୍ ଆଣ୍ଡ୍ ଠାକୋରର ଅସୀମ ଡିଜାଇନକୁ ବେଶ୍ ପସନ୍ଦ କରାଯାଉଛି ଏବଂ ଆମେ ଭାରତୀୟ କାରିଗରୀର ସ୍ୱତନ୍ତ୍ର ପରିପ୍ରକାଶକୁ ବିଶ୍ୱସ୍ତରରେ ଥିବା ଗ୍ରାହକମାନଙ୍କ ନିକଟରେ ପହଂଚାଇବା ଲାଗି ଏହି ବ୍ରାଣ୍ଡ୍ ସହ ସ୍ଥାପନ କରିଥିବା ସହଯୋଗିତାକୁ ନେଇ ବେଶ ଉତ୍ସାହିତ ରହିଛୁ ବୋଲି ରିଲାଏନ୍ସ ରିଟେଲ୍ ଭେଂଚର୍ସ ଲିମିଟେଡ୍ର ନିର୍ଦ୍ଦେଶିକା ଇଶା ଅମ୍ବାନି କହିଛନ୍ତି।
“ଭାରତର ଲକ୍ଜୁରି ଦୃଶ୍ୟପଟ୍ଟରେ ପୁନର୍ବିନ୍ୟାସ ଘଟାଇଥିବା କଂପାନି ଆରଆରଭିଏଲ୍ ସହିତ ସହଯୋଗିତା ସ୍ଥାପନ କରି ଆବ୍ରାହମ୍ ଆଣ୍ଡ୍ ଠାକୋର ବେଶ ଉତ୍ସାହିତ। ଏହି ସହଯୋଗିତା ଜରିଆରେ ଆମେ ବ୍ରାଣ୍ଡ୍ର ଉପସ୍ଥିତିକୁ ବଢ଼ାଇବୁ ଏବଂ ଉଭୟ ଫେସନ ଓ ଲାଇଫଷ୍ଟାଇଲ୍ କଲେକ୍ସନକୁ ଆଣିବୁ ଯେଉଁଥିରେ ହୋମ୍ ଫର୍ଣ୍ଣିସିଂ ଓ ଲାଉଞ୍ଜ ଓୟାର ସାମିଲ ରହିଛି” ବୋଲି ଡେଭିଡ୍ ଆବ୍ରାହମ୍ କହିଛନ୍ତି।
ବ୍ରାଣ୍ଡ୍ର କ୍ରିଏଟିଭ୍ ନିର୍ଦ୍ଦେଶନା ତିନିଟି ଡିଜାଇନର ଡେଭିଡ୍ ଆବ୍ରାହମ୍, ରାକେଶ ଠାକୋର ଓ କେଭିନ୍ ନିଗ୍ଲିଙ୍କ ପାଖରେ ରହିବ।
