ଭୁବନେଶ୍ଵର: ଝାରସୁଗୁଡ଼ା ଜିଲ୍ଲା, ସମ୍ବଲପୁର ଓ ସୁନ୍ଦରଗଡ଼ ଜିଲ୍ଲା ଦେଇ ଯାଇଥିବା ରେଳ ପଥରେ ଚାଲିଥିବା ବିଭିନ୍ନ ଉନ୍ନୟନ ଓ ବିକାଶ କାର୍ଯ୍ୟର ସମୀକ୍ଷା କରିଛନ୍ତି ରାଜସ୍ଵ ମନ୍ତ୍ରୀ ସୁରେଶ ପୁଜାରୀ। ସୂଚନା ଯୋଗ୍ୟ ଯେ, ଝାରସୁଗୁଡ଼ା ରେ ତିନିଟି ରେଳ ମଣ୍ଡଳ ସଂଯୋଗ କରିଛି। ଏହି ଗୁରୁତ୍ୱପୂର୍ଣ୍ଣ ରେଳ ଜଙ୍କସନ୍ ର ବିକାଶ କାର୍ଯ୍ୟ ଚାଲିଛି। ବିକାଶ କର୍ଯ୍ୟକୁ ତ୍ୱରାନ୍ୱିତ କରିବା ସକାଶେ ଆଜି ଝାରସୁଗୁଡ଼ା ଜିଲ୍ଲାପାଳ ଙ୍କ କାର୍ଯ୍ୟାଳୟ ସଭା ଗୃହରେ ଏହି ସମୀକ୍ଷା ବୈଠକ ଅୟୋଜନ କରା ଯାଇଥିଲା।
ଅନୁଷ୍ଠିତ ବୈଠକରେ ଚକ୍ରଧରପୁର ରେଳ ମଣ୍ଡଳ , ସମ୍ବଲପୁର ରେଳ ମଣ୍ଡଳ ଓ ବିଲାସପୁର ରେଳ ମଣ୍ଡଳ ର ବରିଷ୍ଠ ନିର୍ମାଣ ଯନ୍ତ୍ରୀ ଓ ଅଧିକାରୀ ଯୋଗ ଦେଇଥିଲେ। ଝାରସୁଗୁଡ଼ା ଜିଲ୍ଲାପାଳ, ସମ୍ବଲପୁର ଓ ସୁନ୍ଦରଗଡ଼ ଜିଲ୍ଲା ପ୍ରଶାସନିକ ଅଧିକାରୀ ଯୋଗ ଦେଇଥିଲେ। ଜମି ଅଧି ଗ୍ରହଣ ସମସ୍ୟାକୁ ତୁରନ୍ତ ସମାଧାନ କରିବା ସହିତ ଆବଶ୍ୟକ ସ୍ଥଳେ ଆବଶ୍ୟକ ପଡ଼ୁଥିବା ଜମି କୁ ରେଳବାଇ କୁ ଆଡଭାନ୍ସ ପୋଜେସନ୍ ଦେବା ପାଇଁ ମନ୍ତ୍ରୀ ସୁରେଶ ପୁଜାରୀ ଜିଲ୍ଲା ପ୍ରଶାସନ କୁ ନିର୍ଦେଶ ଦେଇଥିଲେ।