Tag: ରେଶମ ନଗରୀ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ରେଶମ ନଗରୀ ବ୍ରହ୍ମପୁର ସହରରେ ଦୀର୍ଘ ୧୦ ଦିନ ଧରି ଚାଲିଥିବା ୧୧ ତମ ମହାନଗର ପୁସ୍ତକ ମେଳା ଉଦଯାପିତ ହୋଇଛି। ଏହି ଅବସରରେ ମୁଖ୍ୟ ଅତିଥି ଭାବେ ପୁର୍ବତନ କେନ୍ଦ୍ର ମନ୍ତ୍ରୀ ଚନ୍ଦ୍ର ଶେଖର ସାହୁ, ସମ୍ମାନୀତ ଅତିଥି ଭାବେ ପୁର୍ବତନ ବିଧାୟକ ରମେଶ ଚନ୍ଦ୍ର ଚ୍ୟାଉପଟନାୟକ, ବିକ୍ରମ ପଣ୍ଡା ଓ ଏସ୍ ଏମ୍ ଆଇ ଟି ଅଧ୍ୟକ୍ଷ ଭଗବାନ ଗନ୍ତାୟତ, ମୁଖ୍ୟ ବକ୍ତା ଭାବେ ପ୍ରଫେସର ରାଜେନ୍ଦ୍ର ବେହେରା ଓ ସୁବାଷ ମହାରଣା ଯୋଗ ପୁସ୍ତକ ମୁଲ୍ୟବୋଧର ବିବରଣୀ ଉଲ୍ଲେଖ କରିଥିଲେ। ଆଗାମୀ ଦିନରେ ମହାନଗର ପୁସ୍ତକ ମେଳା କମିଟି ର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ।

ଉଦଯାପନ ଦିବସରେ ଗଞ୍ଜାମ କଳା ପରିଷଦ ଅନୁଷ୍ଠାନ ତରଫରୁ ରଙ୍ଗାରଙ୍ଗ କାର୍ଯ୍ୟକ୍ରମ ପରିବେଷଣ ହୋଇଥିଲା। ପୁସ୍ତକ ମେଳାର ସଭାପତି କବି ସୁଶାନ୍ତ ଦାସ ଅଧ୍ୟକ୍ଷତା କରିଥିଲେ ଓ ଦୀପ୍ତିମିତା ମହାପାତ୍ର ଧନ୍ୟବାଦ ଅର୍ପଣ କରିଥିଲେ। ପୁସ୍ତକ ମେଳା କମିଟି ସଦସ୍ୟ ଯଥା ନୀହାର ଦାସ, ଅନୀଲ କୁମାର ପାତ୍ର, ସୁନୀଲ କୁମାର ପ୍ରଧାନ, ପ୍ରଫୁଲ୍ଲ କୁମାର ଦାଶ,ସୁଧାଞଳି ମିଶ୍ର, ବାଲ୍ମୀକି ମହାପାତ୍ର, ସତ୍ୟମ୍ ଆଚାରୀ ଓ ଅଜିତ ସାବତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ରେଶମ ନଗରୀ ବ୍ରହ୍ମପୁର ସହରର ସର୍ବ ପୁରାତନ ଶିକ୍ଷାନୁଷ୍ଠାନ ଖଲ୍ଲିକୋଟ ବିଶ୍ଵବିଦ୍ୟାଳୟ ସାମ୍ନାରେ ଛାତ୍ର ଓ ଅଣଛାତ୍ର ମଧ୍ୟରେ ଗଣ୍ଡଗୋଳ ହେଉଥିବା ସୂଚନା ମିଳିଛି। ଖବର ପାଇ ଟାଉନ ଥାନା ପୋଲିସ ତତକ୍ଷଣାତ୍ ଘଟଣାସ୍ଥଳରେ ପହଞ୍ଚି ଗଣ୍ଡଗୋଳ କରୁଥିବା ୩ ଜଣଙ୍କୁ ପୋଲିସ ଗିରଫ କରିଛି। ସେମାନଙ୍କୁ ସିଆରପିସି ଧାରା ୪୧ ଅନୁଯାୟୀ ପୋଲିସ ଜାମିନରେ ଛାଡିଛି।

ଖବରରୁ ପ୍ରକାଶ ଯେ କମେଣ୍ଟ୍ ମରାକୁ କେନ୍ଦ୍ରକରି ୩ ଜଣ ଯୁବକଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇ ଗଣ୍ଡଗୋଳ ଘଟି ରାସ୍ତା ଅବରୋଧ ହୋଇଥିଲା। ଏହିଭଳି ପରିସ୍ଥିତିରେ ପୋଲିସ ଘଟଣାସ୍ଥଳରେ ପହଞ୍ଚି ରାଧାକୃଷ୍ଣ ହୋଷ୍ଟେଲ୍ ରେ ରହୁଥିବା ଜଣେ ଯୁବକ ଲାଞ୍ଜିପଲି ଅଞ୍ଚଳର ଜଣେ ଯୁବକ ଓ ଗଜପତି ଜିଲ୍ଲାର ଜଣେ ଯୁବକକୁ ଉଠେଇ ଆଣି ଘଟଣାର ତଦନ୍ତ କରି ପଦକ୍ଷେପ ଗ୍ରହଣ କରିଥିଲେ।

ବ୍ରହ୍ମପୁର ( କୈଳାଶ ଚନ୍ଦ୍ର ଚୌଧୁରୀ): ରେଶମ ନଗରୀ ବ୍ରହ୍ମପୁର ସହରରେ ଲୁଟେରା ଗ୍ୟାଙ୍ଗ ପୁଣି ସକ୍ରିୟ ହୋଇଛନ୍ତି। ସୁଚନା ଅନୁଯାୟୀ ଟାଉନ ଥାନା ଅନ୍ତର୍ଗତ ଗାନ୍ଧୀ ନଗର ମୁଖ୍ୟ ରାସ୍ତାରେ ଅବସ୍ଥିତ ଅଜିତ କମ୍ପ୍ୟୁଟର ନାମରେ ଏକ ଦୋକାନରୁ ଲୁଟେରା ମାନେ ଦୋକାନର ଶୌଚାଳୟ ଝରକା ଭାଙ୍ଗି ଦୋକାନ ଭିତରେ ପଶି ଦୋକାନରେ ମହଜୁଦ ଥିବା ବିଭିନ୍ନ ନାମିଦାମୀ କମ୍ପାନୀର ପ୍ରାୟ ୨୦ ଟି ଲାପଟପ୍, ସିସିଟିଭି କ୍ୟାମେରା, ମୋଡମ୍ ଡିଭିଆର୍ ଓ ବିଭିନ୍ନ ଯନ୍ତ୍ରାଂଶ ଚୋରି କରିଥିବା ଜଣାପଡିଛି।

ଏହି ଘଟଣା ଶନିବାର ରାତିରେ ଘଟିଥିବା ବେଳେ ଦୋକାନ ମାଲିକ ଅଜିତ ମିଶ୍ର ରବିବାର ଦିନ ଜାଣିବା ପରେ ଟାଉନ ଥାନା ରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୋଲିସ ଏତଲା ନଂ ୩୭୦/୨୩ ଅନୁଯାୟୀ ମାମଲା ରୁଜୁ କରି ସନ୍ଧାନୀ କୁକୁର ସହ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଚୋରି ହୋଇଥିବା ଜିନିଷର ମୂଲ୍ୟ ୧୦ ଲକ୍ଷ ଟଙ୍କାରୁ ଅଧିକ ହେବ ବୋଲି ମାଲିକ ଅଜିତ ମିଶ୍ର ଙ୍କ ଠାରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ରେଶମ ନଗରୀ ବ୍ରହ୍ମପୁର ସହରର ଅଗ୍ରଣୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ କ୍ରାନ୍ତି ଓଡ଼ିଶା ପକ୍ଷରୁ ହିଲପାଟଣା ସ୍ଥିତ ବିଜୁ ପଟ୍ଟନାୟକ ସଂସ୍କୃତି ଭବନ ଠାରେ ସ୍ବାଧୀନତା ଦିବସ ଅବସରରେ ମାଁ ତୁଝେ ସାଲାମ୍ ୨୦୨୩ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।

ଅନୁଷ୍ଠିତ କାର୍ଯ୍ୟକ୍ରମରେ ଉପସ୍ଥିତ ଅତିଥିମାନଙ୍କ ଦ୍ଵାରା ପ୍ରଥମେ ଜଗନ୍ନାଥଙ୍କ ନିକଟରେ ଦୀପ ପ୍ରଜ୍ବଳନ ଓ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ଏହି କାର୍ଯ୍ୟକ୍ରମ ରେ ଖଲିକୋଟ ଏକକ ବିଶ୍ବବିଦ୍ୟାଳୟର କୁଳପତି ପ୍ରଫେସର ପ୍ରଫୁଲ୍ଲ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ବ୍ରହ୍ମପୁର ବିଧାୟକ ବିକ୍ରମ ପଣ୍ଡା, ମେୟର ସଙ୍ଘମିତ୍ରା ଦଳେଇ,ବିହନ ନିଗମ ଅଧ୍ୟକ୍ଷ ସୁବାସ ମହାରଣା, ପୁର୍ବତନ ମେୟର ଶିବଶଙ୍କର ଦାସ, ଏସ୍ ଏମ୍ ଆଇ ଟି ସଭାପତି ଭଗବାନ ଗନ୍ତାୟତ, ବରିଷ୍ଠ ସମାଜସେବୀ ସୁଧୀର ସାବତ ,ଶିକ୍ଷାବିତ ଧର୍ମେନ୍ଦ୍ର ପାଢୀ, ସୁଶାନ୍ତ ସାବତ,ଆଶା ଦାସ ଓ ବନ୍ଦିତା ତ୍ରିପାଠୀ ଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ସମ୍ମାନିତ ଅତିଥି ଭାବେ ଯୋଗଦେଇ ଅନୁଷ୍ଠାନ ପକ୍ଷରୁ ଆୟୋଜିତ କାର୍ଯ୍ୟକ୍ରମ ରେ ଯୋଗ ଦେଇଥିବା ଛାତ୍ରଛାତ୍ରୀମାନଙ୍କୁ ସ୍ବାଧୀନତା ଦିବସର ମହତ୍ଵ ବୁଝାଇଥିଲେ ଓ ସମାଜସେବାରେ ଆଗେଇ ଆସିବା ପାଇଁ ଦିଗଦର୍ଶନ ଦେଇଥିଲେ।

ଏହି କାର୍ଯ୍ୟକ୍ରମରେ ୪୦ ଟି ସ୍କୁଲର ପ୍ରତିଯୋଗୀ ଭିନ୍ନ ଭିନ୍ନ କାର୍ଯ୍ୟକ୍ରମ ରେ ଭାଗ ନେଇଥିଲେ।କୁନି କୁନି ପିଲାଙ୍କ ଦ୍ଵାରା ପରିବେଷିତ ଦେଶାତ୍ମବୋଧକ ସଙ୍ଗୀତ ମାଁ ତୁଝେ ସାଲାମ୍ ସଙ୍ଗୀତ ଓ ନ୍ରୁତ୍ୟ କାର୍ଯ୍ୟକ୍ରମ ଉପସ୍ଥିତ ଅତିଥି ଓ ଦର୍ଶକଙ୍କ ମନ ମୋହି ଥିଲା। ଇତ୍ୟବସରରେ ୧୨୦୦ ଛାତ୍ରଛାତ୍ରୀମାନଙ୍କୁ ଅତିଥି ଗଣଙ୍କ ଦ୍ଵାରା ମାନପତ୍ର ସହ ପୁରସ୍କାର ପ୍ରଦାନ କରାଯାଇଥିଲା। ଅନୁଷ୍ଠିତ କାର୍ଯ୍ୟକ୍ରମରେ ଡଃ ଦେବାନନ୍ଦ ଦାସ ଉଦଘୋଷକ କାର୍ଯ୍ୟକ୍ରମ ତୁଲାଇଥିଲେ ଓ ନିର୍ମଳା ଦାସ ଧନ୍ୟବାଦ ଅର୍ପଣ କରିଥିଲେ।