ନୂଆଦିଲ୍ଲୀ: ଲାଲ କିଲ୍ଲାରେ ହୋଇଥିବା ହିଂସାର ମୁଖ୍ୟ ଅଭିଯୁକ୍ତ ମଧ୍ୟରୁ ଜଣେ ଥିଲେ ଦୀପ ସିଦ୍ଧୁ। ଆଜି ଦିଲ୍ଲୀ ପୋଲିସ ତାଙ୍କୁ ପଞ୍ଜାବରୁ ଗିରଫ କରିଛି। ତାଙ୍କୁ ଧରିବା ପାଇଁ ଏକ ଲକ୍ଷ ଟଙ୍କାର ପୁରଷ୍କାର ରାଶି ଘୋଷଣା କରାଯାଇଥିଲା। ଦୀପ ସିଦ୍ଧୁ ପାଖାପାଖି ୧୫ ଦିନ ଧରି ଫେରାର ଥିଲେ । ଆଜି ଦିଲ୍ଲୀ ପୋଲିସର ସ୍ପେଶାଲ ସେଲ ଧରିବାରେ ସଫଳ ହୋଇଛି।
ପୋଲିସ ଅନୁଯାୟୀ, ଦୀପ ସିଦ୍ଧୁ ଭିଡ଼ିଓ ତିଆରି କରି ସୋସିଆଲ ମିଡ଼ିଆରେ ଅପଲୋଡ଼ କରୁଥିଲେ। କିନ୍ତୁ ଏହି ସବୁ ଭିଡ଼ିଓକୁ ବିଦେଶରେ ରହୁଥିବା ତାଙ୍କର ଜଣେ ଝିଅ ବନ୍ଧୁ ଅପଲୋଡ଼ କରୁଥିଲେ। ସେ ଜଣେ ପେଶାଦାର ଅପରାଧୀ ଭଳି ପୋଲିସ ସାମ୍ନାରେ ଲୁଚାଲୁଚି ଖେଳୁଥିଲେ।