ନୂଆଦିଲ୍ଲୀ: ସିରିଆ ଏବଂ ତୁର୍କୀରେ ହୋଇଥିବା ଭୂକମ୍ପ ଦୁଃଖଖଦ ଘଟଣା ମଧ୍ୟରେ ଆଜି ସକାଳେ ଚୀନ୍ ଏବଂ ତାଜିକିସ୍ତାନ ସୀମାରେ ୭.୩ ତୀବ୍ରତାର ଭୂକମ୍ପନ ଅନୁଭୂତ ହୋଇଛି। ଚୀନରେ ଗୁରୁବାର ୮.୩୭ ଟା ବେଳେ ଝିଜିଆଙ୍ଗରେ ୭.୩ ମ୍ୟାଗ୍ନିଚ୍ୟୁଡର ଭୂକମ୍ପ ଏବଂ ପୂର୍ବ ତାଜିକିସ୍ତାନରେ ୬.୮ ମ୍ୟାଗ୍ନିଚ୍ୟୁଡର କମ୍ପନ ଅନୁଭୂତ ହୋଇଛି।
ଚାଇନାର ଭୂକମ୍ପ ନେଟୱାର୍କ କେନ୍ଦ୍ର (CENC) ଉଇଗର ସ୍ୱୟଂଶାସିତ ଅଞ୍ଚଳରେ ହୋଇଥିବା ଭୂକମ୍ପକୁ ନିଶ୍ଚିତ କରିଥିବାବେଳେ ଆମେରିକାର ଭୂତତ୍ତ୍ଵ ସର୍ବେକ୍ଷଣ ତାଜିକିସ୍ତାନରେ ଏହି କମ୍ପନ ବିଷୟରେ ସୂଚନା ଦେଇଛି।
USGS କ’ଣ କହୁଛି?:
USGS ଆକଳନ ଅନୁଯାୟୀ, ତାଜିକିସ୍ତାନରେ ଏହି ଭୂକମ୍ପ ଘଟିଥିବା ସ୍ଥାନଟି ବିଶାଳ ପାମିର ପର୍ବତ ଶିଖରରେ ଘେରି ରହିଛି। ଏଭଳି ପରିସ୍ଥିତିରେ ଭୂସ୍ଖଳନ ମଧ୍ୟ ହୋଇପାରେ, କିନ୍ତୁ ଏଠାରେ ଜୀବନ ଏବଂ ସମ୍ପତ୍ତି ନଷ୍ଟ କରିବା ଭଳି ପରିସ୍ଥିତି ନାହିଁ। କାରଣ ଏହି ଅଞ୍ଚଳର ଜନସଂଖ୍ୟା କମ୍ ଅଟେ। ତେବେ ଚୀନ୍ର ପରିସ୍ଥିତି ସମ୍ପର୍କରେ ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ।