Tag: ଶବ ଉଦ୍ଧାର

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପାଟପୁର ଥାନା ଅନ୍ତର୍ଗତ ପୋଡାମାରି ଗ୍ରାମର ସଙ୍ଗୀତା ପ୍ରଧାନ ନାମ୍ନୀ ଜଣେ ମହିଳାଙ୍କର ଶବ ଉଷ୍ମ ପ୍ରବଣ ତପ୍ତପାଣି ନିକଟସ୍ଥ ଏକ କେନାଲରୁ ଉଦ୍ଧାର ହୋଇଛି। ବିବାହିତା ମହିଳା ସଙ୍ଗୀତା ଗତ ୩ ବର୍ଷ ତଳେ ପାଟପୁର ଥାନା ଅନ୍ତର୍ଗତ ନରସିଂହ ଗଡ଼ରେ ବାହା ହୋଇଥିଲେ। କୌଣସି କାରଣରୁ ସେ ସ୍ବାମୀଙ୍କ ଠାରୁ ଛାଡ଼ପତ୍ର ହୋଇ ପୁଡାମାରି ବାପା ଘରେ ରହୁଥିଲେ। କିନ୍ତୁ ହଠାତ୍ ଗତ ୩ ତାରିଖରୁ ଘରୁ କେଉଁ ଆଡେ ଚାଲିଯାଇଥିଲା।

ଏହି ପରିପ୍ରେକ୍ଷୀରେ ବାପା ପାଟପୁର ଥାନାରେ ଏକ ଅଭିଯୋଗ ଦାଖଲ କରିଥିଲେ। ଗତ କାଲି କିଛି ଚାଷୀ ଲୋକ ଜମିରେ ପାଣି ମଡାଇବା ପାଇଁ ଉକ୍ତ ସ୍ଥାନକୁ ଯାଇଥିବା ବେଳେ ବହୁତ ଦୁର୍ଗନ୍ଧ ହୋଇଥିଲା। ଖୋଜିବା ବେଳକୁ ପାଣି ଭିତରେ ଜଣେ ମହିଳା ମୁହଁ ମାଡି ରହିଛି ଓ ତା ଉପରେ ପଥର ମଡ଼ା ଯାଇଛି।

ଏହି ଖବର ଗାଁ ଲୋକେ ଜାଣିଲା ପରେ ପୋଲିସ କୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ସନ୍ଧାନୀ କୁକୁର, ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ସକାଶେ ପଠାଇବା ଡାକ୍ତରଖାନାକୁ ପଠାଇବା ସହ ତଦନ୍ତ ଆରମ୍ଭ କରିଛନ୍ତି।

ଅନ୍ୟ ପକ୍ଷରେ ସଙ୍ଗୀତା ପିନ୍ଧିଥିବା ସୁନା ଅଳଙ୍କାର ତାଙ୍କ ଦେହରେ ନାହିଁ ଓ ଏହି ଲୋଭରେ କେହି ତାଙ୍କୁ ହତ୍ୟା କରି ପଥର ମଡାଇ ଚାଲିଯାଇଛନ୍ତି ବୋଲି ପୋଲିସ ନିକଟରେ ତାଙ୍କ ବାପା ଅଭିଯୋଗ କରିଛନ୍ତି। ଏତଲା ନଂ ୫୦୦/୨୩ ଅନୁଯାୟୀ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ସଦର ଥାନା ଅନ୍ତର୍ଗତ ଲାଠି ସୁକୁଣ୍ଡା ରାସ୍ତାରୁ ଯୁବକଙ୍କ ଶବ ଉଦ୍ଧାର ହୋଇଛି। ମୃତ ଯୁବକ ବାଉରୀ ସୁକୁଣ୍ଡା ଗ୍ରାମର ଗଙ୍ଗା ଦାସ ବୋଲି ଜଣାପଡିଛି। ଗଙ୍ଗାଙ୍କୁ କିଏ ହତ୍ୟା କରି ଏଠାରେ ଫୋପାଡି ଦେଇଥିବା ଜଣାପଡିଛି।

ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଂଚି ଶବ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି।

କନ୍ଦର୍ପ ବେହେରା
ରେଢାଖୋଲ: ଟିକିଏ ଝଗଡାରୁ ନିଜ ପତ୍ନୀକୁ ପିଟି ପିଟି ହତ୍ୟା ପରେ ଶେଷରେ ଗାତ ଖୋଳି ଶବକୁ ନିକଟସ୍ଥ ଜଙ୍ଗଲରେ ପୋତିଦେବା ଏବଂ ଝାଡା ବାନ୍ତିରେ ମରିଥିବା କହି ନିରବ ରହିବା ଭଳି ଲୋମହର୍ଷଣକାରୀ ଘଟଣା ଘଟିଛି କିସିଣ୍ଡା ଥାନା ଅଂଚଳରେ। ହତ୍ୟାକାରୀ ସ୍ୱାମୀକୁ ମଧ୍ୟ ପୋଲିସ୍ ଗିରଫ କରିଥିବା ସୂଚନା ମିଳିଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ୍ କିସିଣ୍ଡା ଥାନା ଗୋଗୁଆ ପଂଚାୟତ ମଙ୍ଗଳପୁର ଗ୍ରାମର ମାଧବ ଶବର (୪୧) ନିଜ ପତ୍ନୀ ପ୍ରମିଳା ଶବର (୩୬)ଙ୍କ ସହ ଗତ ତା ୧୦ /୪ ରେ ସାମାନ୍ୟ କଥାରେ ବଚସା ହୋଇଥିଲା। ପତ୍ନୀ ବିମଳା ଶବରକୁ ଅଚାନକ ଏକ ଠେଙ୍ଗା ସାହାଯ୍ୟରେ ମାଡପିଟ୍ କରିଥିଲା। ଘଟଣା ସ୍ଥଳରେ ପତ୍ନୀର ମୃତ୍ୟୁ ହୋଇଥିବା ବେଳେ ସେ ଝାଡାରେ ମରିଥିବା ଗ୍ରାମାବସୀଙ୍କୁ କହିଥିଲା।

ତାପରଦିନ ୧୧/୪ ରେ ହତ୍ୟାକାରୀ ମାଧବ ମଙ୍ଗଳପୁର ନିକଟସ୍ଥ ପତରା ଜଙ୍ଗଲକୁ ଯାଇ ଗାତ ଖୋଳି ଶବଟିକୁ ପୋତି ଦେଇଥିଲା। ପ୍ରତିଦିନ ପରି ସେମିତି ସେ ନିଜ କାମରେ ଲାଗିପଡିଥିଲା। ଗ୍ରାମବାସୀ ମାଧବର ଚାଲିଚଳନ ତଥା କାର୍ଯ୍ୟକଳାପରେ ସନ୍ଦେହ କଲେ।

ମଙ୍ଗଳପୁର ଗ୍ରାମବାସୀ ଗତ ତା ୧୪/୪ ରେ କିସିଣ୍ଡା ଥାନାରେ ଲିଖିତ ଅଭିଯୋଗ କଲାପରେ କିସିଣ୍ଡା ପୋଲିସ୍ ଘଟଣା ସ୍ଥଳକୁ ଯାଇ ତଦନ୍ତ କରି ଫେରିଆସିଥିଲା। ଗତ ତା ୧୫/୪ ରେ କିସିଣ୍ଡା ପୋଲିସ୍ ଟିମ୍ ଏବଂ ସମ୍ବଲପୁରରୁ ସାଇନ୍‌ଟିଫିକ୍ ଟିମ୍ ଆସି ଶବ ପୋତିଥିବା ଜଙ୍ଗଲକୁ ଯାଇ ତଦନ୍ତ କରିବା ସହ ଅଭିଯୁକ୍ତକୁ ପଚାରିଥିଲେ। ସେ ପୋଲିସ୍ ଆଗରେ ସତ କଥା କହିଥିଲା। ଯା ଫଳରେ ପୋଲିସ୍ ତଦନ୍ତ କରିବାରେ ସଫଳ ହୋଇଥିଲା।

ଗତ ୧୪/୪ ରୁ ତାକୁ ଅଟକ ରଖିଥିବା ବେଳେ ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି କିସିଣ୍ଡା ପୋଲିସ୍ ପ୍ରକାଶ କରିଛି। ଅଭିଯୁକ୍ତ ମାଧବ ଓ ମୃତ ପତ୍ନୀ ମିଶି ଜଙ୍ଗଲରୁ ଶିଆରୀ ପତ୍ର, ଶିଆରୀ ରଶି, ତଥା ଜଙ୍ଗଲଜାତ ଦ୍ରବ୍ୟ ସଂଗ୍ରହ କରି ପରିବାର ପ୍ରତିପୋଷଣ କରୁଥିଲା। ଆଦିବାସୀ ସଂପ୍ରଦାୟର ହୋଇଥିବାରୁ ସବୁ ସମୟରେ ସେମାନେ ପତିପତ୍ନୀ ନିଶା ସେବନ କରିଥାନ୍ତି। ନିଶାରେ ମସ୍ ଗୁଲ ନିଶାଗ୍ରସ୍ତ ହୋଇ ଏପରି କାଣ୍ଡ କରିଥିବା ଅନୁମାନ କରାଯାଉଛି।

କିସିଣ୍ଡା ଥାନା କେସ୍ ନଂ ୩୨/୧୫/୪ ସେକ୍ସନ୍ ୩୦୩/୩୦୨/୨୦୧ ରେ ମାମଲା ରୁଜୁ କରିଛି। କିସିଣ୍ଡା ଥାନାଧିକାରୀ ପ୍ରଶାନ୍ତ କୁମାର ସାମଲଙ୍କ ନିର୍ଦ୍ଦେଶକ୍ରମେ ଏଏସ୍ ଆଇ କଷ୍ଟୁ ଚରଣ ବେହେରା ତଥା ଅନ୍ୟ ଅଧିକାରୀମାନେ ଘଟଣା ସ୍ଥଳକୁ ଯାଇ ତଦନ୍ତ କରିଥିଲେ। ଡାକ୍ତର ଚିନ୍ମୟ କର ବ୍ୟବଚ୍ଛେଦ କରିଥିଲେ।