Tag: ସନାତନ ମହାକୁଡ

ଭୁବନେଶ୍ବର: ଆଜି ଦିନ ତମାମ ଚମ୍ପୁଆ ବିଧାୟକ ସନାତନ ମହାକୁଡଙ୍କୁ ନେଇ ରାଜ୍ୟ ରାଜନୀତିରେ ଲାଗି ରହିଛି ଚର୍ଚ୍ଚା। ତାହା ହେଲା ଆଜି ବିଧାନସଭାରେ ବିରୋଧୀ ଦଳର ନେତା ତଥା ବିଜେଡି ସଭାପତି ମହାକୁଡଙ୍କୁ ପଚାରିଲେ ତମେ କାହିଁକି ପାର୍ଟି ବୈଠକକୁ ଆସିଲ ନାହିଁ।

ଏହାର ଉତ୍ତରରେ ସେ କହିଥିଲେ ଯେ, ମୋର ଦେହ ଭଲ ନ ଥିଲା। ଏହାପରେ କୁଆଡେ ନବୀନ କହିଲେ ଯେ, ତମେ କଣ ବିଜେପି ମୁହାଁ ହେଉଛ କି ? ତେବେ ଏହାକୁ ନେଇ ବିଧାୟକ ସନାତନ ଖଣ୍ଡନ କରିଛନ୍ତି। ସେ କହିଛନ୍ତି ଯେ, ନବୀନ ବିଜେପି ଆଡେ ମୁହାଁ ହେଉଛ କି ବୋଲି କହି ନାହାଁନ୍ତି। ଏହା ମିଡିଆର ମନଗଢା କଥା।

ଏହାପରେ ସେ କହିଥିଲେ ଯେ, ମୋର କେଉଁ ଆଡେ ଯିବାର ନାହିଁ। ହେଲେ ମୋ ଜିଲ୍ଲାର ମୁଖ୍ୟମନ୍ତ୍ରୀ ହୋଇଥିବାରୁ ଉନ୍ନୟନ କାଯ୍ୟ ନେଇ ତାଙ୍କ ସହିତ ଆଲୋଚନା କରେ। ଏକ କାର୍ଯ୍ୟକ୍ରମରେ ସେ କେକ କାଟିବା ପରେ ମୋ ମୁହଁରେ କ୍ରିମ ମାରିଥିଲେ। ଏହାର ଅର୍ଥ ନୁହେଁ ଯେ ମୁଁ ବିଜେପି ପଳାଇଯିବି। ମୋହନ ମାଝୀ ହେଉଛନ୍ତି ରାଜ୍ୟର ମୁଖ୍ୟମନ୍ତ୍ରୀ, ତାଙ୍କ ପାଖକୁ ଯିବାରେ କିଛି ଅସୁବିଧା ନାହିଁ ବୋଲି ବିଧାୟକ ମହାକୁଡ କହିଥିଲେ।

ସେ ଆହୁରି କହିଥିଲେ ଯେ, ମୋର ସ୍ବାଧୀନ ଭାବେ ଲଢି ଜିତିବାର କ୍ଷମତା ବହୁ ଆଗରୁ ରହିଛି। ତେଣୁ ଅନ୍ୟ ଦଳରକୁ ଯିବାର ପ୍ରଶ୍ନ ଉଠୁ ନାହିଁ। ଅନ୍ୟପଟେ ବର୍ତ୍ତମାନ କୌଣସି ଦଳକୁ ଗଲେ ତାହା ବେଆଇନି ହେବ। ତେଣୁ ସେ କଥା ମୁଁ ଚିନ୍ତା କରି ନାହିଁ ବୋଲି ବିଧାୟକ ସନାତନ ମହାକୁଡ କହିଛନ୍ତି।

ଚମ୍ପୁଆର ବିଧାୟକ ଏଥର ବିଜେଡି ଟିକେଟରେ ଲଢେଇ କରି ବହୁ ଭୋଟରେ ବିଜୟ ଲାଭ କରିଛନ୍ତି। 2014 ରେ ସେ ପ୍ରଥମେ ସ୍ବାଧୀନ ଭାବେ ଛିଡା ହୋଇ ବିଜୟ ଲାଭ କରିଥିଲେ। ଏହାପରେ ସେ ବିଜେଡି ସହିତ ପରୋକ୍ଷରେ ସାମିଲ ହୋଇଥିଲେ।

ଭୁବନେଶ୍ବର: ଆଜି ବିଧାନସଭାରେ ଏକ ରୋଚକ ଦୃଶ୍ୟ ଦେଖିବାକୁ ମିଳିଥିଲା। ତାହା ହେଲା ଯେ, ଆଜି ବିରେଧୀ ଦଳର ନେତା ନବୀନ ପଟ୍ଟନାୟକ ବିଧାନସଭାକୁ ଆସିଥିଲେ। ସେ ଗାଡିରୁ ଓହ୍ଲାଇବା ପରେ ପାଖରେ ଅନ୍ୟ ନେତାଙ୍କ ସହିତ ଥିଲେ ବିଧାୟକ ସନାତନ ମହାକୁଡ। ତାଙ୍କୁ ଦେଖିବା ପରେ ନବୀନ ହିନ୍ଦିରେ ପଚାରିଥିଲେ ଯେ, କାଲି ବିଧାୟକ ଦଳ ବୈଠକକୁ କାହିଁକି ଆସିଲ ନାହିଁ।

ଏହାର ଉତ୍ତରରେ ସନାତନ ମହାକୁଡ କହିଥିଲେ ଯେ, ମୋ ଦେହ ଖରାପ ଥିଲା। ସେଥିପାଇଁ ଆସିପାରିଲି ନାହିଁ। ଏତିକି ଶୁଣିବା ପରେ ନବୀନ ଆଗକୁ ଚାଲିଯାଉଥିଲେ। ପୁଣି ହଠାତ ମୁହଁ ବୁଲାଇ କହିଲେ, “କଣ ବିଜେପି ଆଡେ ଯାଉଛ କି ?”। ସନାତନ ଏହା ଶୁଣିବା ପରେ ମନା କରିଥିଲେ।

ହେଲେ ଏହାକୁ ନେଇ ରାଜ୍ୟ ରାଜନୀତିରେ ବେଶ ଚର୍ଚ୍ଚା ଚାଲିଛି। ନବୀନ ଏପରି କାହିଁକି କହିଲେ ବୋଲି ପ୍ରଶ୍ନ ଉଠିଛି। କଣ ବିଜେଡିର କିଛି ବିଧାୟକ ବିଜେପି ମୁହାଁ ହେଉଛନ୍ତି କି? ନବୀନ ଏ ସବୁ ଜାଣିବା ପରେ କଣ ବିଧାୟକମାନଙ୍କୁ ତାଗିଦ କରୁଛନ୍ତି କି ? ଏପରି ବିଭିନ୍ନ ପ୍ରଶ୍ନ ଆନ୍ଦୋଳିତ କରିବାରେ ଲାଗିଛି।

ତେବେ ଅନ୍ୟପକ୍ଷରେ ଯେଉଁ ପ୍ରସଂଗଟି ଆଗକୁ ଆସିଛି ତାହା ହେଲା ଯେ, ନବୀନ ଦଳ କଥା ନିଜେ ବୁଝୁଛନ୍ତି ବୋଲି ପ୍ରମାଣିତ ହୋଇଛି। କାରଣ ଗତକାଲି ଶଙ୍ଖ ଭବନରେ ବସିଥିବା ବୈଠକରେ ସନାତମ ମହାକୁଡ ଆସି ନ ଥିଲେ ବୋଲି ନବୀନ ମନେ ରଖିଛନ୍ତି। ଆଜି ବିଧାନସଭାରେ ଦେଖିବା ପରେ ତାଙ୍କୁ ଦଳର ସଭାପତି ଭାବେ ସମସ୍ତଙ୍କ ଆଗରେ ସେ ନ ଆସିବାର କାରଣ ପଚାରିଛନ୍ତି।

ଫଳରେ ସମାଲୋଚକ ମହଲରେ ବର୍ତ୍ତମାନ ଏହା ଭିନ୍ନ ଏକ ବଡ ଚର୍ଚ୍ଚା ପାଲଟିଛି। ତାହା ହେଲା ବର୍ତ୍ତମାନ ନବୀନ ଦଳିୟ କାର୍ଯ୍ୟ ନିଜେ ପରିଚାଳନା କରୁଛନ୍ତି। ଯଦି ତାହା ହୋଇ ନ ଥାଆନ୍ତା ତେବେ ସନାତନ ମହାକୁଡ ଦଳୀୟ ବୈଠକକୁ ଆସିଲେ କେତେ ନ ଆସିଲେ କେତେ ତାହା ନବୀନଙ୍କ ପାଇଁ କୌଣସି ଫରକ ପଡି ନ ଥାଆନ୍ତା। ତେଣୁ ନବୀନ ଦଳୀୟ କଥା ବୁଝୁଥିବାର ଏହା ଏକ ପ୍ରମାଣ ଦେଇଛି।

ତେବେ ଏହାକୁ ନେଇ ବିଜେଡି ବିଧାୟକ ସାରଦା ଜେନା ଭିନ୍ନ କଥା କହିଛନ୍ତି। ସେ କହିଛନ୍ତି ଯେ, ଗତକାଲି ଦଳୀୟ ବୈଠକକୁ କାହିକି ଆସିଲେ ନାହିଁ ବୋଲି ସନାତନ ମହାକୁଡଙ୍କୁ ଦଳର ସଭାପତି ନବୀନ ପଟ୍ଟନାୟକ ହିନ୍ଦିରେ ପଚାରିଥିଲେ। ବିଧାୟକ ସନାତନ ମହାକୁଡ ଓଡିଆରେ ଦେହ ଖରାପ ଥିଲା ବୋଲି କହିବା ପରେ ମୁଁ ହିନ୍ଦିରେ ତାଙ୍କୁ ଜଣାଇଥିଲି ଯେ, ଉନକା ତବିୟତ ଖରାପ ଥା। ହେଲେ ସେ ବିଜେପି ଆଡେ ଯାଉଛନ୍ତି କି ବୋଲି କୌଣସି କଥା ନବୀନ କହି ନାହାଁନ୍ତି ବୋଲି ସାରଦା ସ୍ପଷ୍ଟ କରିଛନ୍ତି।