ନୂଆଦିଲ୍ଲୀ: ଗାଜିଆବାଦରେ ମୁସଲିମ୍ ବୃଦ୍ଧଙ୍କୁ ପିଟିବା ଏବଂ ଦାଢି କାଟିବା ଘଟଣାରେ ଆଜି ସମାଜବାଦୀ ନେତା ଉମ୍ମେଦ ପହଲୱାନଙ୍କୁ ଦିଲ୍ଲୀ ପୋଲିସ ଗିରଫ କରିଛି। ଉମ୍ମେଦ ସହିତ ଗୁଲସନକୁ ମଧ୍ୟ ଗିରଫ କରାଯାଇଛି। ଦିଲ୍ଲୀର ଲୋକନାୟକ ଜୟପ୍ରକାଶ ହସ୍ପିଟାଲ ନିକଟରୁ ଉଭୟଙ୍କୁ ଗିରଫ କରାଯାଇଛି। ଗାଜିଆବାଦର ଲୋନୀରେ ବୃଦ୍ଧଙ୍କୁ ମାଡ ମରାଯାଇଥିଲା।
ଉମ୍ମେଦ ପହଲୱାନ ଉପରେ ସୋସିଆଲ ମିଡିଆରେ ବିବାଦୀୟ ପୋଷ୍ଟ କରିଥିବା ଅଭିଯୋଗ ହୋଇଛି। ବୃଦ୍ଧାଙ୍କୁ ପିଟିବା ଅଭିଯୋଗରେ ଶେଷରେ ଅଭିଯୁକ୍ତ ଗୁଲଶନକୁ ମଧ୍ୟ ଦିଲ୍ଲୀ ପୋଲିସ ଗିରଫ କରିଛି। ବର୍ତ୍ତମାନ ପର୍ଯ୍ୟନ୍ତ ଏହି ଘଟଣାରେ ୧୧ ଅଭିଯୁକ୍ତଙ୍କୁ ଗିରଫ କରାଯାଇଛି। ଉଭୟ ଅଭିଯୁକ୍ତଙ୍କୁ ଏବେ ଦିଲ୍ଲୀରୁ ଗାଜିଆବାଦ ନେବା ପାଇଁ ପୋଲିସ ବ୍ୟବସ୍ଥା କରୁଛି।