Categories
ଆଞ୍ଚଳିକ

ତିର୍ତ୍ତୋଲ ନେହେରୁପଡିଆରେ ଛାତ୍ର ବିଜେଡିର ସମାବେଶ: ଯୋଗଦେଲେ ଜିଲ୍ଲା ବିଜେଡ଼ି ସଭାପତି ଓ ମହାକାଳପଡ଼ା ବିଧାୟକ

ରମେଶ ମହାନ୍ତି

ଜଗତସିଂହପୁର: ତିର୍ତ୍ତୋଲ ସ୍ଥିତ ନେହେରୁ ପଡ଼ିଆ ଠାରେ ବିଜୁ ଛାତ୍ର ଜନତା ଦଳର ଏକ ସମାବେଶ ଅନୁଷ୍ଠିତ ହୋଇଯାଇଛି। ଯୁବନେତା ବିମଳ ମହାପାତ୍ରଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ତିର୍ତ୍ତୋଲ ଆଦିକବି ସାରଳା ଦାସ ମହାବିଦ୍ୟାଳୟର ପୂର୍ବତନ ଛାତ୍ର ସଭାପତି ଦେବଦତ୍ତ ଦାଶଙ୍କ ନେତୃତ୍ୱରେ ଶତାଧିକ ଛାତ୍ର ଯୋଗଦେଇଥିଲେ।

ଏହି ସଭାରେ ମୁଖ୍ୟ ଅତିଥିଭାବେ ଜିଲ୍ଲା ବିଜେଡ଼ି ସଭାପତି ତଥା ଜଗତସିଂହପୁର ବିଧାୟକ ପ୍ରଶାନ୍ତ କୁମାର ମୁଦୁଲି, ସମ୍ମାନିତ ଅତିଥିଭାବେ ମହାକାଳପଡ଼ା ବିଧାୟକ ଅତନୁ ସବ୍ୟସାଚୀ ନାୟକ, ଜନ୍ମେଜୟ ଲେଙ୍କା ଯୋଗଦେଇଥିଲେ। ଅନ୍ୟ ମାନଙ୍କ ମଧ୍ୟରେ  ବ୍ଲକର ଆତ୍ମା ଅଧ୍ୟକ୍ଷ ବସନ୍ତ ମହାପାତ୍ର, ସାଂସଦଙ୍କ ପ୍ରତିନିଧି ପୀତବାସ ଗୋଛାୟତ, ଯୁବନେତା ଗୌରହରି ସାହୁ, ବଟକୃଷ୍ଣ ଦାଶ,ଦେବେନ୍ଦ୍ର ମହାପାତ୍ର,ବିନୟ ମହାପାତ୍ର, ତିର୍ତୋଲ ପଞ୍ଚାୟତ ପର୍ଯ୍ୟବେକ୍ଷକ ଜ୍ଞାନେଦ୍ର ଗିରିଗୋସ୍ୱାମୀ,ଜିଲ୍ଲା ଛାତ୍ର ବିଜେଡ଼ି କାର୍ଯ୍ୟକାରୀ ସଭାପତି ଇ° ସମିତ କୁମାର ଲେଙ୍କା ,ବ୍ଲକ ଛାତ୍ର ବିଜେଡ଼ି ସଭାପତି ଦେବୀ ପ୍ରସାଦ ମହାପାତ୍ର , ରାଜ୍ୟ ଛାତ୍ର ବିଜେଡି ସମ୍ପାଦକ ଦେବୀ ପ୍ରସାଦ ଲେଙ୍କା, ରାଜ୍ୟ ଛାତ୍ର ବିଜେଡି ଉପସଭାପତି ବିଜୟ ବସନ୍ତିଆ, ରାଜ୍ୟ ଯୁଗ୍ମ ସମ୍ପାଦକ ପରେଶ ମଲିକ, ଛାତ୍ର ନେତା ଉମାକାନ୍ତ ସ୍ୱାଇଁ, ସମର୍ପଣ ରାଉତ ପ୍ରମୁଖ ଯୋଗଦେଇ ବିଧାୟକ ପ୍ରାର୍ଥୀ ବିଜୟ ଶଙ୍କର ଦାସଙ୍କୁ ସର୍ବାଧିକ ଭୋଟରେ ବିଜୟୀ କରିବା ନିମନ୍ତେ ଆହ୍ୱାନ ଦେଇଥିଲେ ।