ନୂଆଦିଲ୍ଲୀ: ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ଦ୍ଵାରା ଆଜି ବାୟୁସେନା ପାଇଲଟ ଗ୍ରୁପ କ୍ୟାପଟେନ ଅଭିନନ୍ଦନ ବର୍ଦ୍ଧମାନଙ୍କୁ ସମ୍ମାନଜନକ ବୀର ଚକ୍ର ପ୍ରଦାନ କରାଯାଇଛି। ସୂଚନାଯୋଗ୍ୟ ଯେ, ଫେବୃଆରୀ ୨୦୧୯ରେ ବାଲାକୋଟ ଏୟାର ଷ୍ଟ୍ରାଇକ୍ ସମୟରେ ପାକିସ୍ତାନର ଏକ ଯୁଦ୍ଧ ବିମାନ ଏଫ-୧୬ କୁ ଅଭିନନ୍ଦନ ତଳକୁ ଖସାଇ ଦେଇଥିଲେ। ଅବଶ୍ୟ, ଏହି ସମୟରେ ତାଙ୍କର ମିଗ୍ ୨୧ ମଧ୍ୟ ପଡିଯାଇଥିଲା ଏବଂ ପାକିସ୍ତାନ ତାଙ୍କୁ ଧରିଥିଲା। ପଡୋଶୀ ଦେଶ ଅଭିନ୍ନନ୍ଦଙ୍କୁ ତିନି ଦିନ ଧରି ବନ୍ଧକ ରଖିଥିଲା, ଯଦିଓ ଏହା ପରେ ସେ ନିରାପଦ ସହିତ ଦେଶକୁ ଫେରି ଆସିଥିଲେ। ଅଭିନ୍ଦନ ସେହି ସମୟରେ ୱିଙ୍ଗ କମାଣ୍ଡର ଥିଲେ। ତାଙ୍କର ଉତ୍ସାହ ପାଇଁ ରାଷ୍ଟ୍ରପତି ତାଙ୍କୁ ଆଜି ବୀର ଚକ୍ର ପୁରସ୍କାର ପ୍ରଦାନ କରିଛନ୍ତି।
