Categories
ଆଜିର ଖବର ବ୍ୟବସାୟ ରାଜ୍ୟ ଖବର

କାନାରା ବ୍ୟାଙ୍କ ଆୟୋଜନ କରୁଛି ଦୁଇ ଦିନିଆ “ମେଗା ଲୋନ ଏକ୍ସପୋ”

ଭୁବନେଶ୍ବର: କାନାରା ବ୍ୟାଙ୍କ, ସର୍କଲ୍ ଅଫିସ୍, ଭୁବନେଶ୍ୱର ଆୟୋଜନ କରୁଛି ଦୁଇ ଦିନିଆ “ମେଗା ଲୋନ ଏକ୍ସପୋ”। ଏହି ଏକ୍ସପୋ ବ୍ୟାଙ୍କର ଜେନେରାଲ ମ୍ୟାନେଜର ବି ଏଲ୍ ମୀନାଙ୍କ ନେତୃତ୍ୱରେ ଚଳିତ ବର୍ଷ ଫେବୃଆରୀ ୨୪ ରେ ଆରମ୍ଭ ହୋଇ ୨୫ ରେ ସରିବ।  ଏଥିରେ ଓଡ଼ିଶାର ବିଭିନ୍ନ ସ୍ଥାନରୁ ବିଲ୍ଡର୍ ଏବଂ ଯାନବାହାନ ଡିଲରମାନେ ଅଂଶଗ୍ରହଣ କରିବେ ଏବଂ ସେମାନଙ୍କର ଉତ୍ପାଦଗୁଡିକ ପ୍ରଦର୍ଶନ କରିବେ ଓ କ୍ରୟ ବିକ୍ରୟ ପାଇଁ କାନାରା ବ୍ୟାଙ୍କ ଦ୍ୱାରା ସହଜରେ ପ୍ରଦାନ କରାଯିବ।

ପ୍ରକାଶ ଯେ, କାନାରା ବ୍ୟାଙ୍କ ତାର ହାଉସିଂ, ଗାଡି ମୋଟର, ଶିକ୍ଷା ଓ ବନ୍ଧକ ଲୋନ ଉପରେ ସମସ୍ତ ଶୁଳ୍କ ଛାଡ଼ କରିଛି। ହେଲେ ଏହି ଅଫର କେବଳ ସୀମିତ ସମୟ ପର୍ଯ୍ୟନ୍ତ ବୈଧ ଅଟେ। କାନାରା ବ୍ୟାଙ୍କ, ଏହାର ମୁଖ୍ୟ ହିତାଧିକାରୀ ଓ ଗ୍ରାହକ ମାନଙ୍କ ପାଇଁ ସର୍ବାଧିକ ଲାଭର ସୁଯୋଗ ଆଣିଛି। ଆଶା କରାଯାଉଛି କି ଏହି ଏକ୍ସପୋରେ ଗ୍ରାହକମାନଙ୍କରେ ବିପୁଳ ସଂଖ୍ୟାରେ ଯୋଗଦାନ ରହିବ ଓ ଗ୍ରାହକମାନେ ନିଶ୍ଚିତ ଭାବରେ କାନାରା ବ୍ୟାଙ୍କର ଏହି ‘ରିଟେଲ୍ ଉତ୍ସବ ଅଫର୍’ ର ସଂପୂର୍ଣ୍ଣ ଫାଇଦା ନେବେ ବୋଲି କାନାଡା ବ୍ୟାଙ୍କ ପକ୍ଷରୁ କୁହାଯାଇଛି।

ଉଦ୍‌ଘାଟନୀ ଦିବସରେ, ଅର୍ଥାତ୍ ଫେବୃଆରୀ ୨୪ ରେ, କାନାରା ବ୍ୟାଙ୍କ ତାର ୮୦ ଜଣ ହିତାଧିକାରୀଙ୍କୁ ତାର ହାଉସିଂ, ଗାଡି ମୋଟର ଓ ଶିକ୍ଷା ଆଦି ପାଇଁ ଲୋନ ମଞ୍ଜୁରି କରିବ ବୋଲି ଜଣାପଡିଛି।