ନୂଆଦିଲ୍ଲୀ: ୨୦୨୩ ବର୍ଷ ପାଇଁ ଭାରତୀୟ କ୍ରୀଡା ପୁରସ୍କାର ଘୋଷଣା କରାଯାଇଛି। କ୍ରୀଡା କ୍ଷେତ୍ରରେ ଦିଆଯାଉଥିବା ଭାରତର ସବୁଠାରୁ ବଡ ପୁରସ୍କାର ‘ଖେଳ ରତ୍ନ’ ପାଇଁ ଦୁଇଜଣ ବ୍ୟାଡମିଣ୍ଟନ ଖେଳାଳିଙ୍କୁ ଚୟନ କରାଯାଇଛି। ସାତ୍ତ୍ଵିକ ରଙ୍କିରେଡି ଏବଂ ଚିରାଗ ସେଟ୍ଟୀ ଏହି ବଡ ପୁରସ୍କାର ପାଇବାକୁ ଯାଉଛନ୍ତି। ଏଥି ସହିତ ମହମ୍ମଦ ଶାମିଙ୍କୁ ‘ଅର୍ଜୁନ ପୁରସ୍କାର’ ପ୍ରଦାନ କରାଯାଇଛି। ଏହି ବର୍ଷର ଅର୍ଜୁନ ପୁରସ୍କାର ପାଇଁ ମନୋନୀତ ହୋଇଥିବା ୨୬ ଖେଳାଳିଙ୍କ ତାଲିକାରେ ଶାମି ଅନ୍ତର୍ଭୁକ୍ତ। ଏହି ତାଲିକାରେ ପାରା ତୀରନ୍ଦାଜୀ ଶୀତଲ ଦେବୀଙ୍କ ନାମ ମଧ୍ୟ ଅନ୍ତର୍ଭୁକ୍ତ।
