Categories
ଅପରାଧ ଆଜିର ଖବର ରାଜ୍ୟ ଖବର

ନିରାକାରପୁର: ଜୁଆ ଆଡ୍ଡାରେ ଚଢାଉ, ଟଙ୍କା ସହ ବିଭିନ୍ନ ସାମଗ୍ରୀ ଜବତ, ୫ ଗିରଫ

ନିରାକାରପୁର: ନିରାକାରପୁର ଥାନା ଅନ୍ତର୍ଗତ ନିରାକାରପୁର ହାଟ ବଜାରରେ ଚାଲିଥିବା ଜୁଆ ଆଡ୍ଡାରେ ଚଢାଉ କରି ୫ ଜୁଆଡି ଗିରଫ କରି କୋର୍ଟ ଚାଲାଣ କରିଛି। ହାଟ ବଜାରର ଏକ ଘରେ ଦୀର୍ଘ ଦିନ ହେଲା ଜୁଆ ଖେଳ ହେଉଥିବା ପୋଲିସ ନଜରରେ ଥିଲେ ମଧ୍ୟ ପୋଲିସ ଚଢାଉ ପୂର୍ବରୁ ଜୁଆଡିମାନେ ସତର୍କ ହେଇଯାଉ ଥିଲେ।

ଗତକାଲି ପୋଲିସର ସନ୍ଧ୍ୟା ପାଟ୍ରୋଲିଂ ଚାଲିଥିବା ବେଳେ ରାତ୍ର ୧୧ ଟା ରେ ଉକ୍ତ ଜାଗାରେ ଚଢାଉ କରି ଜୁଆଡିମାନଙ୍କୁ କାବୁ କରିବାକୁ ସକ୍ଷମ ହୋଇଥିଲେ। ଗିରଫ ଜୁଆଡିମାନେ ହେଲେ ରାଜା ଆଲିଆସ, ରାଜେଶ ସାହୁ, କାଳିଆ ପ୍ରଧାନ, ମିଲନ ପ୍ରଧାନ ଓ ମାନସ ବେହେରା, ଶିବରାମ ସିଂ। ଘଟଣା ସ୍ଥଳରୁ ପୋଲିସ ପାଂଚ ହଜାର ଚାରିସହ ଟଙ୍କା, ତାସ, ଟର୍ଚ୍ଚ ଲାଇଟ, ପେପର ପାଲ, ୪ ଟି ଖାଲି ମଦ ବୋତଲ, ସିଗାରେଟ ଓ ଡିଆସିଲ ଜବତ କରିଛି।

ଆଜି ନିରାକାରପୁର ପୋଲିସ ସେମାନଙ୍କ ନାମରେ ଗ୍ୟାମ୍ବଲିଙ୍ଗ ୩ ଓପିଜି ଦଫା ଲଗାଇ ୧୨୦/୨୨ ରେ ମାମଲା ରୁଜୁ କରି କୋର୍ଟ ଚାଲାଣ କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବନ୍ଧୁକ ମୁନରେ ବ୍ୟବସାୟୀଙ୍କଠାରୁ ଲୁଟ୍ ମାମଲାରେ ୭ ଗିରଫ: ସାମଗ୍ରୀ ଜବତ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗତ ୧୮.୧୧.୨୦୧୯ରେ ବଡ଼ଗଡ଼ ଥାନା ଅନ୍ତର୍ଗତ ବଡ଼ଗଡ଼ ଗ୍ରାମର ବ୍ୟବସାୟୀ କେ. ସିମାଦ୍ରୀ ପାତ୍ର (୬୩)ଙ୍କୁ ବନ୍ଧୁକ ମୁନରେ ଲୁଟ୍ କରିଥିବା ଘଟଣାରେ ବଡ଼ଗଡ଼ ପୋଲିସ୍‌କୁ ମିଳିଛି ସଫଳତା। ଘଟଣାର ଅନୁସନ୍ଧାନ କରି ବଡ଼ଗଡ଼ ପୋଲିସ୍ ୭ ଜଣକୁ ଗିରଫ କରିଥିବାବେଳେ ଲୁଟ୍ ସାମଗ୍ରୀ ଜବତ କରିଛି।

ଲୁଟେରାମାନେ ହେଲେ ଖଣ୍ଡରାବନ୍ଧ ଗ୍ରାମର ଅନିଲ ଡ଼ାକୁଆ (୨୫), କଳାସିଂ ଗ୍ରାମର ଏ. ସୁରେଶ ଡ଼ୋରା (୨୪), ଗାଙ୍ଗପୁର ଗ୍ରାମର କାହ୍ନୁ ବିଷୋୟୀ (୨୭), ଶିକିରି ଗ୍ରାମର ଜଗନ୍ନାଥ ରାଉତ ଓରଫ୍ ଜଗା ଓରଫ୍ ପେପ୍‌ସି (୨୦), ଶିକିରର ଶିବ ନାୟକ (୨୧), ସୋଲସେଲା ଗ୍ରାମର କୈଳାସ ଚିନ୍ଦ୍ରା (୩୦) ଏବଂ ବି. ରମେଶ ପାତ୍ର (୫୭)। ଏମାନଙ୍କ ନିକଟରୁ ପୋଲିସ୍ ଗୋଟିଏ ବନ୍ଧୁକ, ଦୁଇଟି ଜୀବନ୍ତ ଗୁଳି, ଚାକୁ, ତିନୋଟି ମଟର ସାଇକେଲ୍ ସହ ଲୁଟ୍ ସାମଗ୍ରୀର ଗୋଟିଏ ସୁନା ଚେନ୍‌, ଦୁଇଟି ମୁଦି ଏବଂ ଅନ୍ୟାନ୍ୟ ସାମଗ୍ରୀ ଜବତ କରିଛି। ଘଟଣା ଦିନ ଏହି ୭ ଅଭିଯୁକ୍ତ ବନ୍ଧୁକ ମୁନରେ କେ. ସିମାଦ୍ରୀ ପାତ୍ରଙ୍କ ବଡ଼ଗଡ଼ ବଡ଼ଦାଣ୍ଡ ସାହିରେ ଥିବା ଲୁଗା ଦୋକାନ ମଧ୍ୟରେ ପ୍ରବେଶ କରି ବନ୍ଧୁକ ଦେଖାଇ ଭୟଭୀତ କରିବା ସହ ତାଙ୍କ ନିକଟରୁ ସୁନା ଚେନ୍‌, ସୁନା ମୁଦି ଏବଂ ଅନ୍ୟାନ୍ୟ ସାମଗ୍ରୀ ଲୁଟ୍ କରିଥିବା ନେଇ ସେ ବଡ଼ଗଡ଼ ଥାନାରେ ଅଭିଯୋଗ କରିଥିଲେ।

ପୋଲିସ୍ ଥାନା କେସ ନଂ ୨୬୭/୨୦୧୯ରେ ବଡ଼ଗଡ଼ ଥାନାଧିକାରୀ ପ୍ରତାପ ଚନ୍ଦ୍ର ତ୍ରିପାଠୀ ଘଟଣାର ଅନୁସନ୍ଧାନ ଚଳାଇଥିଲେ। ଅନୁସନ୍ଧାନରେ ଦୁଇଟି ସନ୍ଧିଗ୍ଧ ଅନିଲ ଡ଼ାକୁଆ ଏବଂ ଅନ୍ୟନ୍ୟ ଅଭିଯୁକ୍ତକୁ ଆଣି ଥାନାରେ ପଚରାଉଚରା କଲା ପରେ ସେମାନେ ଏହି ଲୁଟ୍ ଘଟଣାରେ ସାମିଲ ଥିବା ସ୍ୱୀକାର କରିଥିଲେ। ଅଭିଯୁକ୍ତମାନେ ଅନ୍ୟାନ୍ୟ ଘଟଣାରେ ବି ସାମିଲ ଥିବାରୁ ଅଧିକ ଅନୁସନ୍ଧାନ ଚାଲିଛି। ଥାନା କେସ ୨୬୭/୧୯, ୟୁ/ଏସ୍ ୩୯୪/୪୫୭ ଆଇପିସି/ଆର୍‌/ଡ଼ବ୍ଲୁ ସେକ୍ସନ ୨୫/୨୭ ଆର୍ମସ ଆକ୍ଟରୁ ପରିବର୍ତ୍ତନ କରାଯାଇ ୟୁ/ଏସ୍ ୩୯୫/୪୫୭/୪୧୨/ଆର୍‌ଡ଼ବ୍ଲ୍ୟୁ ସେକ୍ସନ ୨୫/୨୭ରେ ଅଭିଯୁକ୍ତମାନଙ୍କୁ କୋର୍ଟଚାଲଣ କରାଯାଇଛି।