ଅମୃତସର: ପଞ୍ଜାବର ଅମୃତସର ସହରରେ ଆଜି ଅପରାହ୍ନରେ ଶିବସେନା ନେତା ସୁଧୀର ସୁରୀଙ୍କୁ ଗୁଳି କରି ହତ୍ୟା କରାଯାଇଛି। ସୂଚନାନୁସାରେ, ଏକ ପ୍ରଦର୍ଶନ ସମୟରେ ସୁରୀଙ୍କୁ ରାସ୍ତାରେ ଗୁଳି କରାଯାଇଛି। ସେ ଏକ ମନ୍ଦିର ବାହାରେ ବିକ୍ଷୋଭ ପ୍ରଦର୍ଶନ କରୁଥିଲେ। ଆକ୍ରମଣ ସମୟରେ ଅନେକ ରାଉଣ୍ଡ ଗୁଳି ଚଳାଇବାର ଚର୍ଚ୍ଚା ହେଉଛି। ସୂଚନାନୁସାରେ, ପରିଚାଳନା ବିବାଦକୁ ନେଇ ସ୍ଥାନୀୟ ଶିବସେନା ନେତା ସୁରୀ ଏକ ବିକ୍ଷୋଭ ପ୍ରଦର୍ଶନ କରୁଥିବାବେଳେ ଜଣେ ଦୋକାନୀ ତାଙ୍କୁ ଅତି କମରେ ପାଞ୍ଚଟି ଗୁଳି ଚଳାଇଥିଲା। ଯଦିଓ ସେ ପୋଲିସର ସୁରକ୍ଷା ଥିଲା, ତଥାପି ଆକ୍ରମଣକାରୀ ତାଙ୍କୁ ଟାର୍ଗେଟ କରିବାରେ ସଫଳ ହୋଇଥିଲା। ଡାକ୍ତରଖାନାରେ ପହଞ୍ଚିବା ପୂର୍ବରୁ ସୁରୀଙ୍କର ମୃତ୍ୟୁ ହୋଇଥିଲା
ପୋଲିସ କମିଶନରଙ୍କ କହିବାନୁସାରେ, ଆକ୍ରମଣକାରୀଙ୍କୁ ଗିରଫ କରାଯାଇଛି ଏବଂ ଅପରାଧରେ ବ୍ୟବହୃତ ପିସ୍ତଲ ଜବତ କରାଯାଇଛି। ପୋଲିସ ବର୍ତ୍ତମାନ ଅଭିଯୁକ୍ତଙ୍କୁ ଜେରା କରୁଛି।