ନୂଆଦିଲ୍ଲୀ: ସୁପ୍ରୀମ କୋର୍ଟରେ ଚାଷୀ ଆନ୍ଦୋଳନ ମାମଲାରେ ଶୁଣାଣି ଆରମ୍ଭ ହୋଇଯାଇଛି। ଏହି ମାମଲାରେ କେନ୍ଦ୍ର ସରକାରଙ୍କ ପକ୍ଷରୁ ଅଦାଲତରେ ପକ୍ଷ ରଖାଯାଇଛି। ବର୍ତ୍ତମାନ ଦୁଇ ପକ୍ଷ ମଧ୍ୟରେ ଆଲୋଚନା ଜାରି ରହିଛି ଏବଂ ଆଗକୁ ଆଲୋଚନା ହେବ ବୋଲି ପ୍ରସ୍ତାବ ରହିଛି। କିନ୍ତୁ ଏଥିରେ ମୁଖ୍ୟ ବିଚାରପତି ବୋବଡ଼େ ଅସନ୍ତୋଷ ବ୍ୟକ୍ତ କରିଛନ୍ତି।
ମୁଖ୍ୟ ବିଚାରପତି କହିଛନ୍ତି ଯେ, ଯେଉଁ ଭଳି ଭାବେ କେନ୍ଦ୍ର ସରକାର ଚାଷୀ ଆନ୍ଦୋଳନକୁ ନେଇ କାର୍ଯ୍ୟ କରୁଛନ୍ତି। ସେଥିରେ ଆମେ ଆଦୌ ସନ୍ତୁଷ୍ଟ ନୁହଁ। ସେ କହିଛନ୍ତି ଯେ, ବୟସ୍କ ଚାଷୀମାନେ ଆନ୍ଦୋଳନ କରୁଥିବା ଏକ ଚିନ୍ତାଜନକ। ଏକ କମିଟି ଗଠନ କରାଯାଇ ଯଥା ଶୀଘ୍ର ଏହାର ସମାଧାନ ବାହାର କରାଯାଉ ବୋଲି ମୁଖ୍ୟ ବିଚାରପତି କହିଛନ୍ତି।