ସୁନ୍ଦରଗଡ: ଆଜି ସୁନ୍ଦରଗଡର ଏକ ସ୍କୁଲରେ କରୋନା ସଂକ୍ରମଣ ହୋଇଥିବା ଘଟଣା ସମସ୍ତଙ୍କୁ ବିଚଳିତ କରିଛି। ରାଜ୍ୟରେ କରୋନା ସଂକ୍ରମଣ ହ୍ରାସ ପାଉଥିବା ବେଳେ ଅଭିଭାବକମାନେ ପିଲାମାଙ୍କୁ ସ୍କୁଲ ଛାଡିବା ନେଇ ଆଶାବାନ୍ଧି ବସିଛନ୍ତି। କିନ୍ତୁ ସୁନ୍ଦରଗଡରେ ୫୬ ଜଣ ସ୍କୁଲ ଛାତ୍ରୀ କରୋନା ସଂକ୍ରମଣ ହେବା ଫଳରେ ସମସ୍ତଙ୍କ ପାଇଁ ମୁଣ୍ଡ ବିନ୍ଧାର କାରଣ ପାଲିଟିଛି।
ସୁନ୍ଦରଗଡ ସହରର ଏକ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ୫୬ ଜଣ ଛାତ୍ରୀ କୋରୋନା ସଂକ୍ରମଣ ହୋଇଥିବା ଖବର ହସ୍ତଗତ ହୋଇଛି। କରୋନା ପଜିଟିଭ ଚିହ୍ନଟ ପରେ ସମସ୍ତ ଛାତ୍ରୀଙ୍କୁ ସଙ୍ଗରୋଧରେ ରଖାଯାଇଛି। ଏହାସହ ସ୍କୁଲକୁ ସପ୍ତାହେ ଛୁଟି କରିବା ପାଇଁ ପ୍ରଧାନ ଶିକ୍ଷୟତ୍ରୀ ଘୋଷଣା କରିଥିବା ଜଣାପଡିଛି।