Tag: ସ୍ବାମୀ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କୋଳଥି ଗ୍ରାମର ସୁନୀତା ଜେନା ଗତ ଦୁଇ ବର୍ଷ ତଳେ ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲା ମେଳିଆପୁଟି ଗ୍ରାମର ସନ୍ତୋଷ କୁମାର ସାମଲଙ୍କୁ ବିବାହ କରିଥିଲେ। ବିବାହ ପରେ ଉଭୟେ ନୟାଗଡ଼ ଜିଲ୍ଲା ଦଶପଲ୍ଲାରେ ରହି ଆସୁଥିଲେ। କିନ୍ତୁ କ’ଣ ହେଲା କିଛି ମାସ ତଳେ ସ୍ତ୍ରୀ ସୁନୀତାଙ୍କୁ ସ୍ବାମୀ ସନ୍ତୋଷ କୌଣସି କାରଣରୁ ମାରଧର କରିବାରୁ ସୁନୀତା ଦଶପଲ୍ଲା ଥାନାରେ ଅଭିଯୋଗ ଦାଖଲ କରି କନିଷି ହାଟରେ ରହୁଥିବା ଭଉଣୀ ଘରେ ଆସି ରହୁଥିଲେ।

ଗତକାଲି ଅଚାନକ ସନ୍ତୋଷ ଭଉଣୀ ଘରେ ପହଞ୍ଚି ଦଶପଲ୍ଲା ଥାନାରେ ଦେଇଥିବା ଏତଲାକୁ ଶୀଘ୍ର ପ୍ରତ୍ୟାହାର କରିବା ପାଇଁ କହିବା ସହ ମାରଣାନ୍ତକ ଆକ୍ରମଣ କରିଥିଲେ। ସୁନୀତାଙ୍କ ବଡ ଭଉଣୀ ଛଡ଼ାଇବାକୁ ଆସିବାରୁ ତାକୁ ମଧ୍ୟ ନିର୍ଦ୍ଧୁମ ମାଡ଼ ମାରିଥିଲେ ଓ ଉଭୟେ ଦୁଇ ଭଉଣୀ ମାଡ଼ ଖାଇ ଆହତ ଅବସ୍ଥାରେ ଥାନାକୁ ଯାଇ ଅଭିଯୋଗ କରିଥିଲେ।

ଗୋଳନ୍ଥରା ପୋଲିସ ଅଭିଯୋଗ ପାଇ ଏକ ମାମଲା ରୁଜୁ କରି ଅଭିଯୁକ୍ତ ସନ୍ତୋଷଙ୍କୁ ଗିରଫ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ସଦର ଥାନା ଅନ୍ତର୍ଗତ ମସିହାଖାଲି ଗ୍ରାମର ବସନ୍ତ କୁମାର ନାହାକ ନାମକ ଜଣେ ବ୍ୟକ୍ତିକୁ ପତ୍ନୀ ନିର୍ଯ୍ୟାତନା ଅଭିଯୋଗରେ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଥାଉକି ଗିରଫ ବସନ୍ତ କିଛି ବର୍ଷ ପୂର୍ବେ ଜୟନ୍ତୀ ବିଷୋୟୀ ନାମ୍ନୀ ଜଣେ ମହିଳାଙ୍କୁ ପ୍ରେମ ବିବାହ କରିଥିଲେ। ଉଭୟଙ୍କର ଗୋଟିଏ ପୁତ୍ର ଓ ଗୋଟିଏ କନ୍ୟା ସନ୍ତାନ ଅଛନ୍ତି। କିନ୍ତୁ ଏହି କିଛି ମାସ ହେଲା ବସନ୍ତ ନିଜ ସ୍ତ୍ରୀ ଜୟନ୍ତୀକୁ ମାରଧର କରିବା ସହ ପ୍ରଚୁର ପରିମାଣର ଅର୍ଥ ଦାବି କରୁଥିଲେ ଓ ମନା କଲେ ନିର୍ଦ୍ଧୁମ ମାଡ଼ ମାରିବା ସହ ଘରୁ ପଳାଇବାକୁ କହୁଥିଲେ। ପରିଶେଷରେ ଜୟନ୍ତୀ ବାଧ୍ୟ ହୋଇ ସଦର ଥାନାରେ ଅଭିଯୋଗ କରିବା ପରେ ପୋଲିସ କେଶ୍ ନଂ ୨୮୯/୨୩ ଅନୁଯାୟୀ ଏକ ମାମଲା ରୁଜୁ କରି ସ୍ବାମୀ ବସନ୍ତକୁ ଗିରଫ କରି କୋର୍ଟ ଚାଲାଣ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଶାଳିଆ ବନ୍ଧ ସାହିର ଶିବରାମ ସେଠୀ ନାମକ ଜଣେ ଯୁବକ ନିଜ ସ୍ତ୍ରୀ ଶିବାନୀକୁ ତଣ୍ଟିଚିପି ହତ୍ୟା ଉଦ୍ୟମ ଅଭିଯୋଗରେ ପୋଲିସ୍ ଅଭିଯୁକ୍ତ ଶିବରାମକୁ ଗିରଫ କରି କୋର୍ଟ ଚାଲାଣ କରିଛି।

ପୋଲିସ ସୁଚନା ଅନୁଯାୟୀ ଅଭିଯୁକ୍ତ ଶିବରାମ ଗତ କିଛି ବର୍ଷ ପୂର୍ବେ ଶିବାନୀକୁ ବୈଦିକ ରୀତିରେ ବାହା ହୋଇଥିଲା ଓ ବେଳେ ବେଳେ ମନୋମାଳିନ୍ୟ ଘଟୁଥିଲା। କିନ୍ତୁ ଗତ ବୁଧବାର ଦିନ କୌଣସି କଥାକୁ ନେଇ ଉଭୟଙ୍କ ମଧ୍ୟରେ ବଚସା ଓ ଝଗଡା ହୋଇଥିଲା। ଏହି ସମୟରେ ଶିବରାମ ସ୍ତ୍ରୀ ଶିବାନୀ କୁ ନିର୍ଦ୍ଧୁମ ମାଡ଼ ମାରିବା ସହ ତଣ୍ଟିଚିପି ହତ୍ୟା ଉଦ୍ୟମ କରିଥିଲା।

ଖବର ପାଇ ତାଙ୍କ ଶାଶୁ ସେଠାରେ ପହଞ୍ଚି ଶିବରାମ କୁ ଛଡ଼ାଇବା ବେଳେ ସେ ଶାଶୁମା କୁ ମଧ୍ୟ ନିର୍ଦ୍ଧୁମ ମାଡ଼ ମାରିଥିଲା। ଯାହା ଫଳରେ ଶାଶୁମା ଝିଅ ଶିବାନୀକୁ ଚିକିତ୍ସା ନିମନ୍ତେ ଡାକ୍ତରଖାନା ରେ ଭର୍ତ୍ତି କରି ମହିଳା ଥାନାରେ ଅଭିଯୋଗ କରିଥିଲେ ଓ ଅଭିଯୋଗ କୁ ଭିତ୍ତି କରି କେଶ୍ ନଂ ୯୦/୨୩ ମାମଲା ରୁଜୁ କରି ପୋଲିସ ଘଟଣାସ୍ଥଳରେ ପହଂଚି ଅଭିଯୁକ୍ତ ଶିବରାମ କୁ ଗିରଫ କରି କୋର୍ଟ ଚାଲାଣ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ଛତ୍ରପୁର: ଛତ୍ରପୁର ଥାନା ଅନ୍ତର୍ଗତ ବିପୁଳିଙ୍ଗି ଗ୍ରାମରେ ଗତ ଫେବୃଆରୀ ୧୬ ତାରିଖ ଦିନ ସୁପ୍ରଭା ଚୌଧୁରୀ ନାମକ ଜନୈକା ମହିଳାଙ୍କୁ ହତ୍ୟା କରାଯାଇଥିବା ତାଙ୍କ ସ୍ବାମୀ ରାଧାଶ୍ୟାମ ଚୌଧୁରୀ ଛତ୍ରପୁର ଥାନାରେ ନିଜ ସ୍ତ୍ରୀକୁ ଟଙ୍କା ଓ ସୁନା ଲୋଭରେ କୌଣସି ଦୁର୍ବୃତ୍ତ ହତ୍ୟା କରିଥିବା ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ଏକ ଅପମ୍ରୁତ୍ୟୁ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଚଳାଇ ଥିଲେ।

ଏହି ପରିପ୍ରେକ୍ଷୀରେ ଗତ ଫେବୃଆରୀ ୨୮ ତାରିଖରେ ରାଧାଶ୍ୟାମର ସାନପୁଅ ଦେବାଶିଷ ଚୌଧୁରୀ କୀଟନାଶକ ଓାୖଷଧ ଖାଇ ଆତ୍ମହତ୍ୟା କରିଥିବା ଅଭିଯୋଗ ପୋଲିସ ପାଖରେ ପହଞ୍ଚିବା ପରେ ଉଭୟ ଘଟଣାର ତଦନ୍ତ ପୋଲିସ ଚଳାଇଥିଲେ। ଏହି ଭଳି ପରିସ୍ଥିତିରେ ଗତ ୩ ତାରିଖ ଦିନ ରାଧାଶ୍ୟାମର ମଝିଆ ପୁଅ ମାଁ କୁ ପିତା ହିଁ ହତ୍ୟା କରିଥିଲେ ଓ ଏହି ଘଟଣା ସାନ ଭାଇ ଦେବାଶିଷ ଜାଣିଥିବାରୁ ବାପା ତାକୁ ଆତ୍ମହତ୍ୟା ପାଇଁ ବାଧ୍ୟ କରିଥିଲେ।

ଯେହେତୁ ସାନ ଭାଇ ଦେବାଶିଷ ଆତ୍ମହତ୍ୟା କରିଥିବା ଅଭିଯୋଗ ଛତ୍ରପୁର ଥାନାରେ ଏତଲା ଦେଇଥିଲେ ଓ ପୋଲିସ ଏତଲା ଗ୍ରହଣ କରି ମାମଲା ନଂ ୭୫/୨୩ ଅନୁଯାୟୀ ତଦନ୍ତ ଚଳାଇ ଥିବା ବେଳେ ରାଧାଶ୍ୟାମ ହିଁ ପତ୍ନୀ ହତ୍ୟା ଅଭିଯୋଗରେ ମୁଖ୍ୟ ଅଭିଯୁକ୍ତ ବୋଲି ଦର୍ଶାଇ ତାକୁ କୋର୍ଟ ଚାଲାଣ କରିଛନ୍ତିି ଓ ଏହାର ଆହୁରି ଅଧିକ ତଦନ୍ତ ଜାରି ରହିଛି ବୋଲି ଛତ୍ରପୁର ଏସ୍ ଡି ପି ଓ ଗୌତମ କିଷାନ ସାମ୍ବାଦିକ ସମ୍ମିଳନୀରେ କହିଛନ୍ତି।