ପୁରୀ: ପୁରୀ ଜିଲ୍ଲା ସ୍କୁଲ ଠାରେ ହକି ହାଇ ପରଫରମାନ୍ସ କେନ୍ଦ୍ରର ବ୍ୟବସ୍ଥା ହୋଇଛି। ଏଥିରେ ୮୦ ଜଣ ପ୍ରଶିକ୍ଷାର୍ଥି ପ୍ରଶିକ୍ଷଣ ନେଉଛନ୍ତି। ସେମାନଙ୍କୁ ଉପଯୁକ୍ତ ପ୍ରଶିକ୍ଷଣ ସହ ଉପକରଣ ପ୍ରଦାନର ବ୍ୟବସ୍ଥା କରାଯାଇଛି। ଏହାର ଦାୟିତ୍ୱ ନେଇଛି ଓଡିଶା ନାଭାଲ ଟାଟା ହକି। ଏହି ନୂଆ ତୃଣମୂଳ ପ୍ରଶିକ୍ଷଣ ବା ନିଉ ଗ୍ରାସରୁଟ ସେଣ୍ଟରକୁ ଆଜି ପୂର୍ବାହ୍ନରେ ଆଭାସି ମାଧ୍ୟମରେ ଉଦଘାଟନ କରିଥିଲେ ହକି ଇଣ୍ଡିଆର ସଭାପତି ପଦ୍ମଶ୍ରୀ ଦିଲ୍ଲୀପ ତିର୍କୀ ଓ ଡେପୁଟି ଡାଇରେକ୍ଟର ତଥା ଗ୍ରାସରୁଟ କେନ୍ଦ୍ରର ମୁଖ୍ୟ କୋଚ ଲାଜରୁସ ଵାର୍ଲା।
ପୁରୀ ଏନଆଇସିରେ ଅନୁଷ୍ଠିତ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ,ଏନ ଆଇ ସି ର ଡିଆଇଓ ବିଶ୍ବନାଥ ପଣ୍ଡା,ସୂଚନା ଓ ଲୋକ ସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ, ଜିଲ୍ଲା କ୍ରୀଡା ଅଧିକାରୀ ଚନ୍ଦନ କୁମାର ସାହୁ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ହିମାଂଶୁ ସମରଥ,ଜିଲ୍ଲା ସ୍କୁଲର ପ୍ରଧାନ ଶିକ୍ଷୟତ୍ରୀ ଜ୍ୟୋତିର୍ମୟୀ ମିଶ୍ର, ଶିକ୍ଷା କାର୍ଯ୍ୟାଳୟର ଆଇପିଇ ମହେନ୍ଦ୍ର କୁମାର ବିଶ୍ବାଳ, ଜିଲ୍ଲା ପାଇଁ ନିଯୁକ୍ତ ଗ୍ରାସରୁଟ ବରିଷ୍ଠ କୋଚ ଶେଖର ଚନ୍ଦ୍ର ବେହେରା, ଜିଲ୍ଲା ସ୍କୁଲ ପିଇଟି ରଞ୍ଜନ କୁମାର ରେଡି ପ୍ରମୁଖ ଉପସ୍ଥିତ ରହି ଆଲୋଚନା ରେ ଅଂଶ ଗ୍ରହଣ କରିଥିଲେ।ପ୍ରତ୍ୟେକ ଦିନ ପୂର୍ବାହ୍ନ ଓ ଅପରାହ୍ନରେ ଏହି ୪୦ ଜଣ ଲେଖାଏଁ ବାଳକ ଓ ବାଳିକା ହକି ଖେଳାଳି ଙ୍କୁ ପ୍ରଶିକ୍ଷଣ ଦିଆଯିବ। ସେମାନଙ୍କ ଦକ୍ଷତା କୁ ମ୍ୟାଚ ମାଧ୍ୟମରେ ଅନୁଧ୍ୟାନ କରାଯିବାର ବ୍ୟବସ୍ଥା କରାଯାଇଛି।