The Samikhsya Odia
ନୁଆଦିଲ୍ଲୀ: ଚୀନର ହାଙ୍ଗଝୌରେ ଚାଲିଥିବା ଏସୀୟ ପାରା ଗେମ୍ସ ୨୦୨୨ରେ ମିକ୍ସଡ ୫୦ ମିଟର ରାଇଫଲ୍ସ ପ୍ରୋନ୍ ଏସଏଚ-୧ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ହାସଲ କରିଥିବା ସିଦ୍ଧାର୍ଥ ବାବୁଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିନନ୍ଦନ ଜଣାଇଛନ୍ତି।
ଏକ୍ସରେ ପ୍ରଧାନମନ୍ତ୍ରୀ ପୋଷ୍ଟ କରି କହିଛନ୍ତି ଯେ, ‘ମିକ୍ସଡ୍ ୫୦ ମିଟର ରାଇଫଲ୍ସ ପ୍ରୋନ୍ ଏସଏଚ-୧ ପ୍ରତିଯୋଗିତାରେ ଚମତ୍କାର ପ୍ରଦର୍ଶନ ପାଇଁ ଆମ ପାରା ଶୁଟର ସିଦ୍ଧାର୍ଥ ବାବୁଙ୍କୁ ଅଭିନନ୍ଦନ! ଏହି ସ୍ୱର୍ଣ୍ଣ ପଦକ ତାଙ୍କ ଠିକ୍ ଲକ୍ଷ୍ୟ, ଅତୁଳନୀୟ ପ୍ରତିଭା ଏବଂ ନିରନ୍ତର ନିଷ୍ଠାର ପ୍ରମାଣ। ଭାରତ ବେଶ୍ ଆନନ୍ଦିତ।’
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହାଙ୍ଗଝୌରେ ଏସୀୟ କ୍ରୀଡ଼ା ୨୦୨୨ରେ ଇକ୍ୱେଷ୍ଟେରିଆନ୍ ଡ୍ରେସେଜ୍ ପ୍ରତିଯୋଗିତାରେ ଦୀର୍ଘ ୪୧ ବର୍ଷ ପରେ ଐତିହାସିକ ସ୍ୱର୍ଣ୍ଣ ପଦକ ଜିତିବା ପାଇଁ ଟିମ୍ର ହୃଦୟ ଛେଡା, ଅନୁଷ ଅଗ୍ରୱାଲା, ସୁଦୀପ୍ତି ହାଜେଲା ଏବଂ ଦିବ୍ୟକ୍ରିତ୍ ସିଂଙ୍କୁ ଅଭିନନ୍ଦନ ଜଣାଇଛନ୍ତି।
ପ୍ରଧାନମନ୍ତ୍ରୀ ଏକ୍ସ ପୋଷ୍ଟରେ କହିଛନ୍ତି ଯେ, ‘ଏହା ଅତ୍ୟନ୍ତ ଗର୍ବର ବିଷୟ ଯେ ଅନେକ ଦଶନ୍ଧି ପରେ ଆମର ଇକ୍ୱେଷ୍ଟେରିଆନ୍ ଡ୍ରେସେଜ୍ ଟିମ୍ ଏସୀୟ କ୍ରୀଡ଼ାରେ ସ୍ୱର୍ଣ୍ଣ ଜିତିଛନ୍ତି!
ହୃଦୟ ଛେଡ଼ା, ଅନୁଷ ଅଗ୍ରୱାଲା, ସୁଦୀପ୍ତି ହାଜେଲା ଏବଂ ଦିବ୍ୟକ୍ରିତ ସିଂ ଅନନ୍ୟ କୌଶଳ, ଟିମୱର୍କ ପ୍ରଦର୍ଶନ କରିଛନ୍ତି ଓ ଅନ୍ତର୍ଜାତୀୟ ସ୍ତରରେ ଆମ ଦେଶ ପାଇଁ ସମ୍ମାନ ଆଣିଛନ୍ତି।
ଏହି ଐତିହାସିକ ସଫଳତା ପାଇଁ ମୁଁ ଦଳକୁ ହାର୍ଦ୍ଦିକ ଅଭିନନ୍ଦନ ଜଣାଉଛି।’