ଭୁବନେଶ୍ଵର: ନୂଆପଡା ଜିଲ୍ଲା ଧରମବନ୍ଦା ସେକ୍ସନ ଛୋଟ ଲୋଡ୍ରା ଗାଁରେ ହାତୀ ଆତଙ୍କ। ୯ ଟିକିଆ ଜଙ୍ଗଲି ହାତୀ ପଲ ଗାଁ ନିକଟ କୁ ଚାଲି ଆସିଥିବାରୁ ଗ୍ରାମବାସୀ ଭୟଭୀତ ହୋଇଛନ୍ତି। ବନ୍ ବିଭାଗ ପକ୍ଷରୁ ହାତୀ ପଲକୁ ଘଉଡାଇବା ପାଇଁ ବିଭିନ୍ନ ଉପାୟ ଅବଲମ୍ବନ କରୁଛନ୍ତି। ଗ୍ରାମବାସୀଙ୍କୁ ମଧ୍ୟ ସଜାଗ ରହିବା ସହ ହାତୀଙ୍କ ଉତ୍ୟକ୍ତ କରିବା ଭଳି କୌଣସି କାର୍ଯ୍ୟ ନ କରିବାକୁ ଆହ୍ବାନ କରିଛନ୍ତି।
ହାତୀ ପଲରେ ୯ ଗୋଟି ହାତୀରୁ ୭ ଟି ବଡ ହାତୀ ୨ ଗୋଟି ଛୋଟ ହାତୀ ରହିଥିବା ଜଣାପଡିଛି। ହାତୀ ପଲ ଛତିଶଗଡରୁ ସୁନାବେଡା ଅଭୟାରଣ୍ୟ ଦେଇ ଆସିଥିବା କୁହାଯାଉଛି। ବନ୍ୟଜନ୍ତୁ ବିଭାଗ ଖବର ପାଇ ଘଟଣାସ୍ଥଳରେ ପହଚିଂ ହାତୀର ଗତିବିଧି ଅନୁଧ୍ୟାନ କରୁଛନ୍ତି। ଛୋଟ ଲୋଡ୍ରା ଗାଁରେ ଭୟର ବାତାବରଣ ଲାଗି ରହିଛି।