Tag: ହିଞ୍ଜିଳି ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅଞ୍ଚଳର ଜନୈକା ସ୍ବାମୀ ପରିତ୍ୟକ୍ତା ମହିଳାଙ୍କ ସହ ବଂଧୁ ସମ୍ପର୍କ ରଖି ପରବର୍ତ୍ତୀ ସମୟରେ ବିବାହ ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖି ଆତ୍ମସନ୍ତୋଷ ଲାଭ କରିଥିବା ଯୁବକ ଆକାଶ ନାୟକକୁ ରାୟଗଡ଼ା ରୁ ଉଠାଇ ଆଣି ଗିରଫ କରି କୋର୍ଟ ଚାଲାଣ କରିଛନ୍ତି। ଘଟଣାରୁ ପ୍ରକାଶ ଯେ, ଅଭିଯୁକ୍ତ ଆକାଶ କୌଣସି ଏକ ଭୋଜି କାର୍ଯ୍ୟରେ ଉକ୍ତ ପୀଡିତା ମହିଳା ଙ୍କ ସହ ସମ୍ପର୍କରେ ଆସିଥିଲା ଓ ଶାରୀରିକ ସମ୍ପର୍କ ରଖିଥିଲା।

ପରବର୍ତ୍ତୀ ସମୟରେ ପୀଡ଼ିତା ମହିଳା ବିବାହ ପାଇଁ ଜିଦ୍ କରିବାରୁ ଆକାଶ ସେହି ଦିନଠାରୁ ଚମ୍ପଟ୍ ମାରିଥିଲା। ମହିଳା ଜଣଙ୍କ ବାପା ଘରକୁ ଯାଇ କିଛି ଦିନ ପରେ ହିଞ୍ଜିଳି ଥାନାରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ଗ୍ରହଣ କରି ମାମଲା ନଂ ୭୭/୨୫ ଅନୁଯାୟୀ ମକଦ୍ଦମା ରୁଜୁ କରି ଅଭିଯୁକ୍ତ କୁ ଗିରଫ କରିବା ପାଇଁ ଏକ ଟିମ ଗଠନ କରି ଅଭିଯୁକ୍ତ କୁ ରାୟଗଡା ରୁ ଉଠାଇ ଆଣି ଜେରା କରିବା ପରେ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ଶାରୁ ଗ୍ରାମରେ ପାରିବାରିକ ଗଣ୍ଡଗୋଳର ଉଗ୍ର ରୁପ ନେଇ ଏକ ଅଭାବନୀୟ ଘଟଣା ଘଟିଯାଇଛି। ଯାହାଫଳରେ ସାନ ଭାଇ ବିଜୟ ସେଠୀଙ୍କ ଠେଙ୍ଗାରେ ବଡ଼ ଭାଇ ସଞ୍ଜୟ ଗୁରୁତର ଆହତ ହୋଇଛନ୍ତି।

ମୁଣ୍ଡରେ ଆଘାତ ଲାଗିବାରୁ ବଡ ଭାଇ ତଳେ ପଡ଼ିଯାଇଥିଲେ। ରାସ୍ତାରେ ଯାଉଥିବା ଲୋକେ ସଞ୍ଜୟଙ୍କୁ ସେଠାରୁ ଉଠାଇ ନେଇ ହିଞ୍ଜିଳି ଡାକ୍ତରଖାନାରେ ଭର୍ତ୍ତି କରିଥିଲେ। ପରେ ଡାକ୍ତରଖାନାରୁ ଆସି ସାନ ଭାଇ ବିଜୟ ବିରୁଦ୍ଧରେ ସଞ୍ଜୟ ହିଞ୍ଜିଳି ଥାନାରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ଗ୍ରହଣ କରି ମାମଲା ନଂ ୧୩୦/୨୫ ଅନୁଯାୟୀ ଏକ ମକଦ୍ଦମା ରୁଜୁ କରି ଅଭିଯୁକ୍ତ ବିଜୟକୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ କଣ୍ଟେଇ କୋଳି ଗ୍ରାମର କାହ୍ନା ସାହୁ ଜଣେ ଯୁବକ ବରଯାତ୍ରୀ ଶୋଭାଯାତ୍ରାରେ ଯୋଗଦେବା ପାଇଁ ଶ୍ରଦ୍ଧାପୁର ଯାଇଥିଲେ। ଶୋଭାଯାତ୍ରାରେ ବର ବସିଥିବା ଘୋଡାଗାଡିର ଚାଳକ ସହ ସାମାନ୍ୟ କଥାକୁ ନେଇ ବଚସା ହୋଇଥିଲା ଓ ଏହି ସମୟରେ ଗାଡ଼ି ଚାଳକ ଓ ମାଲିକ ଅନ୍ୟ ଜଣେ ମିଶି କାହ୍ନା ସହ ଯୁକ୍ତିତର୍କ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ଉକ୍ତ ୩ ଜଣ ମିଶି ଗାଡ଼ିରେ ଥିବା ଏକ ଖଣ୍ଡା ଆଣି କାହ୍ନା ଉପରେ ମାରଣାନ୍ତକ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ।

ଗୁରୁତର କାହ୍ନାକୁ କିଛି ବରଯାତ୍ରୀ ଲୋକ ପ୍ରଥମେ ହିଞ୍ଜିଳି ଡାକ୍ତରଖାନା ପରେ ବ୍ରହ୍ମପୁର ଓ ସଙ୍କଟାପନ୍ନ ଅବସ୍ଥାରେ ତାକୁ ବିଶାଖାପାଟଣା ସ୍ଥାନାନ୍ତର କରିଛନ୍ତି। ଖବର ପାଇ ହିଞ୍ଜିଳି ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ଓ ହିଞ୍ଜିଳି ଗ୍ରାମର ବାହାରପଟୁ ତାଲାବନ୍ଦ ଘରୁ ଉକ୍ତ ଆକ୍ରମଣକାରୀ ୩ ଜଣଙ୍କୁ ଉଠାଇ ଆଣିଛି। ସେମାନଙ୍କ ନିକଟରୁ ଗୋଟିଏ ରକ୍ତଭିଜା ଖଣ୍ଡା ଜବତ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଆଡପଡା ଫାଣ୍ଡି ଅନ୍ତର୍ଗତ ବାଲିଆ ଗ୍ରାମର ବିକ୍ରମ ପାତ୍ର ନାମକ ଜଣେ ଯୁବକକୁ ହିଞ୍ଜିଳି ପୋଲିସ ଗିରଫ କରି କୋର୍ଟ ଚାଲାଣ କରିଛି। ଉକ୍ତ ଗ୍ରାମର ହେମଲତା ପ୍ରଧାନ ନାମ୍ନୀ ଜଣେ ମହିଳାଙ୍କୁ ଗିରଫ ଯୁବକଜଣଙ୍କ ଲୁଟ୍, ଅସାଦାଚାରଣ ଓ ଆକ୍ରମଣ କରିଥିବା ଅଭିଯୋଗ ହୋଇଛି।

ଭୋଜି କାର୍ଯ୍ୟରେ ଯୋଗ ଦେଇ ଘରକୁ ଫେରିଲା ବେଳେ ମହିଳାଙ୍କୁ ବାଟରେ ଅଟକାଇ ଟଣାଓଟରା କରି ସୁନା ଚେନ କାନଫୁଲ ଲୁଟିବା ସହ ମହିଳା ଜଣଙ୍କ ପାଟି କରିବାରୁ ତାଙ୍କୁ ଅଭିଯୁକ୍ତଜଣଙ୍କ ମାରଧର କରିଥିଲା। ଯାହା ଫଳରେ ମହିଳା ଜଣଙ୍କ ସ୍ବାମୀ ବଲ୍ଲଭ ପ୍ରଧାନକୁ ଫୋନ ଯୋଗେ ଜଣାଇଥିଲେ।

ସ୍ବାମୀ ବଲ୍ଲଭ ତତକ୍ଷଣାତ୍ ଘଟଣାସ୍ଥଳରେ ପହଞ୍ଚି ବିକ୍ରମକୁ ପଚାରିବାରୁ ସେ ତାଙ୍କ ଅନ୍ୟ ଦୁଇ ଭାଇକୁ ଡକାଇ ବଲ୍ଲଭଙ୍କୁ ମାରଣାନ୍ତକ ଆକ୍ରମଣ କରିଥିଲା। ଏହି ସମୟରେ ଗାଁର ଜଣେ ଭଦ୍ରବ୍ୟକ୍ତି ସାଧୁ ପ୍ରଧାନ ମଧ୍ୟସ୍ଥି ସାଜି ବୁଝାଇବାକୁ ଚେଷ୍ଟା କରୁଥିବା ବେଳେ ଉକ୍ତ ୩ ଯୁବକ ସାଧୁଙ୍କୁ ମଧ୍ୟ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ୍ ମାରିଥିଲେ।

ଆହତ ବଲ୍ଲଭ ଓ ସାଧୁ ଡାକ୍ତରଖାନାରେ ଚିକିତ୍ସିତ ହୋଇ ଆସି ଥାନାରେ ଅଭିଯୋଗ କରିଥିଲେ। ଏତଲା ନଂ ୧୧୩, ୧୧୪/୨୫ ଅନୁଯାୟୀ ପୋଲିସ ମକଦ୍ଦମା ରୁଜୁ କରିଛି। ଅଭିଯୋଗ ଗ୍ରହଣ କରି ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଅଭିଯୁକ୍ତ ବିକ୍ରମକୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ଖରିଡା ଗ୍ରାମର ଗ୍ୟାନରଞ୍ଜନ ସ୍ବାଇଁ ନାମକ ଜଣେ ଯୁବକ ସେହି ଅଞ୍ଚଳର ଜନୈକା ନାବାଳିକାକୁ ଅସାଦାଚରଣ ଅଭିଯୋଗରେ ହିଞ୍ଜିଳି ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଘଟଣାରୁ ପ୍ରକାଶ ଯେ, ନାବାଳିକା ଜଣକ ଘର ବାରଣ୍ଡାରେ ବସିଥିବା ବେଳେ ଅଭିଯୁକ୍ତ ଗ୍ୟାନରଞ୍ଜନ ଅଶ୍ଳୀଳ ଭାଷାରେ ଥଟ୍ଟା ପରିହାସ କରିଥିଲେ। ଯାହାପରେ ନାବାଳିକା ଜଣକ ଡରି ଘର ଭିତରକୁ ଚାଲିଯାଇଥିଲା। ସେ ଘରେ ଏକୁଟିଆ ଥିବା ଜାଣି ଗ୍ୟାନ ଘର ଭିତରକୁ ଯାଇ ତାକୁ ଅସଦାଚରଣ କାମ କରୁଥିଲା ବେଳେ ଗାଁ ଲୋକେ ଘଟଣାସ୍ଥଳରେ ପହଞ୍ଚି ଯିବାରୁ ସେ ସେଠାରୁ ଫେରାର ହୋଇଯାଇଥିଲା।

ପରେ ନାବାଳିକାର ଜେଜେ ବାପାଙ୍କ ଅଭିଯୋଗ ପାଇ ପୋଲିସ ଏତଲା ନଂ ୧୧୦/୨୦୨୫ ଅନୁଯାୟୀ ମକଦ୍ଦମା ରୁଜୁ କରି ଉଭୟଙ୍କ ଡାକ୍ତରୀ ମାଇନା କରିବା ପରେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ପୋଡିଙ୍ଗି ଗ୍ରାମର ମନୋଜ ବେହେରା ନିଜ ସ୍ତ୍ରୀ ବାସନ୍ତୀ ସହ ମନାନ୍ତର ହୋଇଥିଲା। ଏପରିକି ଗଣ୍ଡଗୋଳ କରି ଖାଇବାକୁ ନଦେଇ ଶାରୀରିକ ଓ ମାନସିକ ନିର୍ଯାତନା ଦେଉଥିବା ଅଭିଯୋଗ ହେଉଥିଲା। ଏହି ଭଳି ପରିସ୍ଥିତିରେ ବାସନ୍ତୀ ଗତ ୭ ମାସ ହେଲା ନିଜ ଦୁଇ ପୁଅ ଶିବ ଓ ସୁମନକୁ ଧରି ଭୁବନେଶ୍ଵର ଚାଲି ଯାଇଥିଲେ ଓ ସେଠାରେ ଶ୍ରମିକ ଭାବେ କାମ କରି ଦୁଇ ପିଲାଙ୍କୁ ଧସହ ରହୁଥିଲେ।

ଗତ ଶନିବାର ଦିନ ମନୋଜ ଭୁବନେଶ୍ଵର ଯାଇ ବୁଝାମଣା କରି ସ୍ତ୍ରୀ ଓ ପୁଅ ଦୁଇକୁ ଧରି ଗାଁକୁ ଆସିଥିଲେ। କିନ୍ତୁ ମଙ୍ଗଳବାର ଦିନ ପୁଣି ସ୍ତ୍ରୀ ସହ ଝଗଡା କରି ମାଡ଼ ମାରିବା ସହ ଦୁଇ ପୁଅ କୁ ହତ୍ୟା କରିବା ପାଇଁ ଉଦ୍ୟମ କରୁଥିବାବେଳେ ବାପା ର ଏହି ପରିସ୍ଥିତି ଦେଖି ଦୁଇ ପୁଅ ଘଟଣାସ୍ଥଳରୁ ଚାଲିଯାଇଥିଲେ।

ପୁଣି ଗତକାଲି ମନୋଜ ମଦ ପିଇ ରାସ୍ତାରେ ଯାଉଥିବା ବେଳେ ଛୋଟ ପୁଅ ସୁମନ ସାହି ସାଙ୍ଗ ମାନଙ୍କ ସହ ଖେଳୁଥିବା ଦେଖି ଏକ ଛୁରୀରେ ସୁମନକୁ ଆକ୍ରମଣ କରିଥିଲେ। ଯାହାଫଳରେ ତାଙ୍କ ମୁହଁରେ ଆଘାତ ଲାଗି ରକ୍ତ ଜୁଡୁବୁଡୁ ଅବସ୍ଥାରେ ତଳେ ପଡ଼ିଯାଇଥିଲା ଓ ମନୋଜ ସେଠାରୁ ଫେରାର ହୋଇଯାଇଥିଲେ।

ଗାଁ ଲୋକେ ଦେଖି ଗୁରୁତର ସୁମନଙ୍କୁ ଚିକିତ୍ସା ପାଇଁ ହିଞ୍ଜିଳି ଡାକ୍ତରଖାନାରେ ଭର୍ତ୍ତି କରିଥିଲେ ଓ ପୁଅର ଚିକିତ୍ସା କରି ବାସନ୍ତୀ ଥାନାରେ ଆସି ଅଭିଯୋଗ କରିଥିଲେ।

ଅଭିଯୋଗ ଗ୍ରହଣ କରି ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ରାଳବ ଗ୍ରାମର ବର୍ଷା ମୁନି ନାମ୍ନୀ ଜଣେ ଯୁବତୀ ଆଇ ଘର ନିମି ଗାଁ ରୁ କାହାକୁ କିଛି ନକହି ଗତ ମାସରେ ଘରୁ ନିଖୋଜ ହୋଇଯାଇଥିଲେ। ଏନେଇ ଯୁବତୀଙ୍କ ମାଁ ରୁନା ମୁନି ହିଞ୍ଜିଳି ଥାନାରେ ଅଭିଯୋଗ କରିଥିଲେ।

ଠିକ୍ ସେହିଭଳି ଏହି ଥାନା ଅଞ୍ଚଳର ଜନୈକା ନାବାଳିକା ଘରୁ ଅନ୍ତର୍ଦ୍ଧାନ ହୋଇଯାଇଛି ବୋଲି ପିତା ଠାରୁ ଅଭିଯୋଗ ପାଇ ହିଞ୍ଜିଳି ପୋଲିସ ଏକ ସ୍ବତନ୍ତ୍ର ଗୋଷ୍ଠୀ ଗଠନ କରି ସୁଚିନ୍ତିତ ଅନୁସନ୍ଧାନ ଚଳାଇ ସଫଳତା ପାଇଛି। ଯୁବତୀ ବର୍ଷାକୁ ହୀରାକୁଦ ଅଞ୍ଚଳରୁ ଓ ନାବାଳିକାକୁ ବାଙ୍ଗାଲୋରରୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ଯାହା ଫଳରେ ଅଞ୍ଚଳ ଲୋକ ଏହିଭଳି ସେବା ପାଇଁ ପୋଲିସକୁ ପ୍ରଶଂସା କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅନ୍ତର୍ଗତ ବଡଖଣ୍ଡି ଗ୍ରାମ ଜଗନ୍ନାଥ ମନ୍ଦିର ନିକଟରୁ ଜଣେ ଯୁବକଙ୍କ ମୃତ ଦେହ ଉଦ୍ଧାର ହୋଇଛି। ମୃତ ଯୁବକଙ୍କ ଘର ବ୍ରହ୍ମପୁର ସଦର ଥାନା ଅନ୍ତର୍ଗତ କୁକୁଡ଼ାଖଣ୍ଡି ନିକଟ ସାତପହଣ୍ଡିଆ ଓ କଂଗ୍ରେସ ଦଳର ଦୃଢ଼ ସମର୍ଥକ ବୋଲି ଜଣାପଡିଛି। ମୃତ ଯୁବକର ଦେହରେ ଏକାଧିକ କ୍ଷତ ଚିହ୍ନ ରହିଛି ଓ ବିଶେଷ କରି ଗଳାରେ କଟା ଦାଗ ଥିବାରୁ ଏହା ଏକ ହତ୍ୟା ବୋଲି ସନ୍ଦେହ କରାଯାଉଛି। ଯେତେ ଦୁର ସମ୍ଭବ ପୁର୍ବ ଶତ୍ରୁତ ରୁ ଏହି ହତ୍ୟାକାଣ୍ଡ ଘଟିଥିବା ପୋଲିସ ସନ୍ଦେହ କରୁଛି।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ଯବଚ୍ଛେଦ ପାଇଁ ଡାକ୍ତରଖାନାକୁ ପଠାଇ ଘଟଣାର ତଦନ୍ତ ଆରମ୍ଭ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅନ୍ତର୍ଗତ ଅଙ୍କୋରଡା ଗ୍ରାମର ଶତୃଘ୍ନ ନାୟକ ନାମକ ଜଣେ ଯୁବକଙ୍କ ଦୁଷ୍କର୍ମ ଓ ହତ୍ୟା ଉଦ୍ୟମ ଅଭିଯୋଗ ହୋଇଛି। ହିଞ୍ଜିଳି ପୋଲିସ ତାଙ୍କୁ ଥାନାରେ ଅଟକ ରଖି ଜେରା କରୁଛି।

ଘଟଣାରୁ ପ୍ରକାଶ ଯେ, ଅଭିଯୁକ୍ତ ଶତୃଘ୍ନ ପୁର୍ବରୁ ଏକ ମାମଲାରେ ଛନ୍ଦି ହୋଇ ନିକଟସ୍ଥ ରାମଚନ୍ଦ୍ର ପୁର ଗ୍ରାମରେ ରହୁଥିବା ସମ୍ପର୍କୀୟ ଭାଇ ମିଟୁ ନାୟକ ଘରେ ମାତ୍ର ୪ ଦିନ ରହିବା ପାଇଁ ଅନୁରୋଧ କରିଥିଲା। କିନ୍ତୁ ସେ ଦୁଇ ମାସ ପର୍ଯ୍ୟନ୍ତ ମିଟୁ ଘରେ ରହି ତା’ର ସ୍ତ୍ରୀକୁ ଫସାଇ ଦୁଷ୍କର୍ମ କରିଥିଲା। ଯାହା ଫଳରେ ମିଟୁ ଏହି ବିଦ୍ୟାଳୟରେ ଜାଣିବା ପରେ ଉଭୟ ସ୍ବାମୀ ସ୍ତ୍ରୀଙ୍କ ମଧ୍ୟରେ ମନୋମାଳିନ୍ୟ ଓ ଅଶାନ୍ତ ପରିବେଶ ସୃଷ୍ଟି ହେଲା। ଏତିକି ବେଳେ ମିଟୁ ର ସ୍ତ୍ରୀ ନିଜ ଭାଇ ଘର କେରଳ ଚାଲିଯାଇ ପୁଣି ଦୁଇ ମାସ ପରେ ଘରକୁ ଫେରି ଦେଖିଲା ବେଳେକୁ ସ୍ବାମୀ ମିଟୁ ଦୁଇଟି ପିଲାକୁ ଘରେ ଛାଡ଼ି ଦାଦନ ଖଟିବାକୁ କେରଳ ଚାଲିଯାଇଛି।

ଏହି ଭଳି ପରିସ୍ଥିତି ରେ ପୁଣି ଶତୃଘ୍ନ ବିବାହିତା ମହିଳାଙ୍କ ନିକଟକୁ ଯାଇ ଦୁଷ୍କର୍ମ ଉଦ୍ୟମ କରିଥିବାବେଳେ ସେ ଆପତ୍ତି କରିବାରୁ ତାକୁ ହତ୍ୟା ଉଦ୍ୟମ କରିଥିଲା ଓ ତାର ପରିବର୍ଦ୍ଧିତ ହତ୍ୟା କରିବା ପାଇଁ ଧମକ ଦେଇଥଲା। ପରବର୍ତ୍ତୀ ସମୟରେ ପୀଡ଼ିତା ମହିଳା ଜଣକ ଅନ୍ୟ ଉପାୟ ନପାଇ ହିଞ୍ଜିଳି ଥାନାରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ପାଇ ତତ୍ କ୍ଷଣାତ ଅଭିଯୁକ୍ତ ଶତୃଘ୍ନକୁ ଉଠାଇ ଆଣି ଥାନାରେ ରଖି ଜେରା କରୁଛି।